အသားဟင်းအတွက် ဘာချက်ရင်ကောင်းမလဲ စဉ်းစားစဉ်းစားပြီး ဒီတခါတော့ ဆိတ်သားကို ချင်းအစပ်ကြော်ချက်လေး ချက်လိုက်တာမို့ ချက်နည်းလေး မျှဝေလိုက်ပါတယ်
တကယ်တော့ အခုလိုချက်တာ အမဲသားနဲ့ချက်တဲ့ တရုတ်ဟင်းလျာ တမျိုးပါ မာမာက အမဲသားအစား ဆိတ်သားနဲ့ ချက်ထားတာပါ
တကယ်တော့ အခုလိုချက်တာ အမဲသားနဲ့ချက်တဲ့ တရုတ်ဟင်းလျာ တမျိုးပါ မာမာက အမဲသားအစား ဆိတ်သားနဲ့ ချက်ထားတာပါ
ပါဝင်ပစ္စည်းများ
- ဆိတ်သား - 500 g
- ကြက်သွန်နီ - အနေတော် တစ်ဥ
- ကြက်သွန်ဖြူ - အမွှာကြီးကြီး ၃မွှာ
- ငရုတ်သီး အခြောက်တောင့် - ၆တောင့်
- ငရုတ်သီး လုံးခြမ်းကွဲ - ထမင်းစားဇွန်း ၃ဇွန်း
- ချင်း - လက်မ၀က်ခန့်
- ဆား - လက်ဖက်ရည်ဇွန်း တစ်ဝက်သာသာ
- အရသာမှုန့် - လက်ဖက်ရည်ဇွန်း တစ်ဇွန်း
- နနွင်းမှုန့် - လက်ဖက်ရည်ဇွန်း သုံးပုံတစ်ပုံ
- ဆီ - ထမင်းစားဇွန်း ၅ဇွန်း
ပြင်ဆင်ပုံ
- ဆိတ်သားကို လက်၂လုံးလောက်အနေအထား ရအောင်လှီးထားပါ
- လှီးထားသော ဆိတ်သားကို သံပုရာရည်ညှစ်ပြီး နယ်ထား၍ ၁၅မိနစ်လောက် နှပ်ထားကာ ပြီးတာနဲ့ ရေ ၂ထပ် ဆေးထားပါ
- ရေဆေးထားသော ဆိတ်သားကို ဆား နနွင်း အရသာမှုန့်တို့နဲ့ နယ်ထားပါ
- ကြက်သွန်နီကို ခပ်ကြမ်းကြမ်း အဖတ်လေးများ ရအောင် လှီးထားပါ
- ကြက်သွန်ဖြူကို အခွံခွာကာ ဓါးပြားရိုက်ပြီး ခပ်ကြမ်းကြမ်း လှီးထားပါ
- ချင်းကို အခွံခွာပြီး အရှည်အမြှောင်း ရအောင်လှီးထားပါ
- ငရုတ်သီးအခြောက်တောင့်နှင့် ငရုတ်သီးအကြမ်းမှုန့်တို့ကို ပြင်ထားပါ
- ဇောက်နက်သော အိုးတလုံကို အပူပေးပြီး ဆီထည့်ပါ
- ဆီအငွေ့တက်လာတာနဲ့ ကြက်သွန်ဖြူ ကြက်သွန်နီ ငရုတ်သီးတောင့်တို့ကို မွှေးလာအောင် ကြော်ပေးပါ
- ကြက်သွန်များ မွှေးလာတာနဲ့ အရသာနယ်ထားသော ဆိတ်သားကို ထည့်ကြော်လိုက်ပါ
- ကြော်ထားသော ဆိတ်သား မွှေးလာတာနဲ့ ရေမြုပ်အောင်ထည့်ပြီး အဖုံးအုပ်ကာ တည်ထားပါ
- ရေမခမ်းခင် လှီးထားသော ချင်းကို ထည့်မွှေပြီး အဖုံးပြန်အုပ်ထားပါ
- ဆီသံကြားတာနဲ့ ငရုတ်သီး အကြမ်းမှုန့်ထည့်ပြီး အဆက်မပြတ် မွှေပေးပါ
- ငရုတ်သီးနံ့ မွှေးလာပြီး ဆိတ်သားနံ့မွှေးလာကာ ဆီကျွတ်ကျွတ်မြည်တာနဲ့ ဆိတ်သားချင်း အစပ်ကြော် မွှေးမွှေးစပ်စပ်လေးကို စားသုံးရန် ပြင်ဆင်နိုင်ပါပြီ။
ဆိတ်သားအစား ၀က်သား အသားကောင်းကောင်း အမဲသား အသေားကောင်းကောင်း သိုးသားတို့ကိုလဲ ဤကဲ့သို့ ချက်နိုင်ပါတယ်။
No comments:
Post a Comment