ပင်လယ်စာဆီပြန်ဟင်းလေး ချက်ဖြစ်လို့ပါ မာမာဟင်းချက်ရင် ဟင်းချက်အမွှေးအကြိုင် သိပ်ထူးထူးဆန်းဆန်းတွေ မထည့်ဖြစ်ပေမဲ့ မြန်မာ့ဟင်းခတ် အမွှေးအကြိုင်လေးတော့ ထည့်ချက်ဖြစ်ပါတယ်။
ဒီနေ့လဲ ပင်လယ်စာ အစုံကို မြန်မာ့ဟင်းပွဲတွေမှာ ထည့်လေ့ထည့်ထရှိတဲ့ မကျီးသီးမှည့် နံနံပင် စပါးလင် ငရုတ်သီးမှုန့် ချင်း ကြက်သွန်အဖြူ အနီတို့နဲ့ ချက်ထားတဲ့ ဆီပြန်ဟင်းလေးပါ။
ပါဝင်ပစ္စည်းများ
- ပင်လယ်စာအစုံ - 300 g
- ငရုတ်သီးအရောင်တင်မှုန့် - လက်ဖက်ရည်ဇွန်း တစ်ဇွန်း
- နနွင်းမှုန့် - လက်ဖက်ရည်ဇွန်း လေးပုံတစ်ပုံ
- ကြက်သွန်နီ - အနေတော် တစ်လုံး
- ကြက်သွန်ဖြူ - အမွှာကြီးကြီး ၃မွှာ
- ချင်း - လက်တစ်ဆစ်ရဲ့ တစ်ဝက်
- နံနံပင် - ခပ်ကြီးကြီး ၃ပင်
- မကျည်းသီးမှည့် - ကွမ်းသီးဆံလုံးလောက်
- ငံပြာရည် - ထမင်းစားဇွန်း တဇွန်း
- အရသာမှုန့် - လက်ဖက်ရည်ဇွန်း တစ်ဝက်သာသာ
- ဆား - လက်ဖက်ရည်ဇွန်း သုံးပုံ တစ်ပုံ
- ဆီ - ထမင်းစားဇွန်း ငါးဇွန်း
ချက်ပြုပ်ပုံ
- ပင်လယ်စာအစုံထဲမှ ဂုန်းသားလေးတွေကို အစာအိတ်များ ဖယ်ပေးပါ
- ပုဇွန် ငါး ကင်းမွန် ဂုန်းအသားများကို သန့်စင်ပြီး ဆား အရသာမှုန့် နနွင်းမှုန့် ငံပြာရည်တို့ထည့်ပြီး နယ်ထားပေးပါ
- ချင်း ကြက်သွန်ဖြူ ကြက်သွန်နီ ငရုတ်သီးမှုန့်တို့ကို ရောပြီးထောင်းထားပေးပါ
- နံနံပင်ကို အရင်ဆုံး ရေစင်အောင်ဆေးပြီး လက်တဆစ်ခန့်အနေလောက် ဖြတ်ထားပေးပါ
- မကျည်းသီးမှည့်ကို ရေတထပ်ဆေးပေးပြီး ရေစိမ်ထားပေးပါ
- အားလုံး အဆင်သင့်ဖြစ်တာနဲ့ ဆီကိုအပူပေးပါ
- ဆီပူလာတာနဲ့ ထောင်းထားသော ကြက်သွန်အနှစ်များကို ငရုတ်သီးမှုန့်ထည့်ပြီး မွှေးလာအောင် ဆီသတ်ပါ
- ငရုတ်သီးနံ့သင်းလာတာနဲ့ အရသာနယ်ထားသော ပင်လယ်စာကိုထည့်ပြီး မာလာတဲ့ထိ ဆီသတ်ပေးပါ
- ပင်လယ်စာများ အရောင်ပြောင်းပြီး မာလာတာနဲ့မကျည်းသီးမှည့်ကို နယ်ပြီး အရည်ကို ပင်လာစာများ မြုပ်အောင်ထည့်ပေးပါ
- ရေခမ်းပြီး ဆီပြန်ကာနီးတာနဲ့ အရသာမြည်းပြီး လိုအပ်သလိုပြင်ကာ နံနံပင်အုပ်ပြီး အရသာရှိလွန်းတဲ့ ပင်လယ်စာဆီပြန် မွှေးမွှေးလေးကို စားသုံးနိုင်ပါပြီ။
No comments:
Post a Comment