ဒီနေ့တော့ မုန့်လေးတစ်မျိုး လုပ်ဖြစ်ပါတယ် အချိုအရမ်းများ တဲ့အတွက် အမြဲတမ်း မစားသင့်ပေမဲ့ တခါတရန်တော့ စားလို့သင့်တဲ့ သရည်စာမျိုးပါ မုန့်လုပ်နည်းလေးက အရမ်းလွယ်ပါတယ် အချိန်ရလို့ အဆင်ပြေမယ်ဆိုရင်တော့ ဂျလေဘီမုန့်လေးတွေ လုပ်စားနိူင်အောင် မုန့်လုပ်နည်းလေး မျှဝေလိုက်ပါတယ်ရှင်။
မာမာ့ရဲ့ ဒီဘလော့လေးထဲ ပြန်ဝင်လို့ မရခင် နောက်တစ်ခု ထပ်ဖွင့်ပြီး တင်ဖြစ်ပါတယ် ဒါကြောင့်မို့လို့ ပုံမှာပါတဲ့ မာမာ့ရဲ့ မီးဖိုဆောင်ဆိုတဲ့ ဘလော့လေးကိုလဲ အားပေးကြပါအုံးလို့ ပြောကြားပါရစေ ချစ်မိတ်ဆွေတို့ရေ။
ပါဝင်ပစ္စည်းများ
- ဂျုံမှုန့် - 125 g
- ရေ - 125 g ( မုန့်နှစ်စပ်ရန် )
- မတ်ပဲ - 50 g (အခွံခြွတ်ပြီးသား ) (သို့ ) မတ်ပဲအမှုန့်
- Baking powder - လက်ဖက်ရည်ဇွန်း တစ်ဇွန်း
- food color - လက်ဖက်ရည်ဇွန်း တစ်ဝက် ( အဝါရောင်ကိုသုံးပါ )
- သကြား - 500 g
- ရေ - 500 g ( သကြားကျိုရန် )
- ဖာလာစေ့ - ၄စေ့ခန့်
- သံပုရာရည် - ထမင်းစားဇွန်း တစ်ဇွန်း
- ဆီ - လိုသေလာက် သုံးပေးပါ
- မုန့်နှစ်ထည့်ပြီး ညှစ်ရန်အတွက် ခရမ်းချဉ်သီးဆော့ထည့်သည့် ကော်ဗူး - တစ်ဗူး
- မုန့်ကြော်ရန် အောက်ချေမကပ်သော ဒယ်အိုး - တစ်အိုး
ပြင်ဆင်ပုံ
- မတ်ပဲကို ရေမြုပ်အောင်ထည့်ပြီး ၃နာရီခန့် ရေစိမ်ထားပါ
- မာမာကတော့ သုံးရလွယ်တဲ့ မတ်ပဲအမှုန့်ကို သုံးထားပါတယ်
- ရေစိမ်ထားသော ပဲများပွလာပါက ဗလင်ဒါထဲမှာ ရေ ထမင်းစားဇွန်းခန့်ထည့်ပြီး ခပ်ပြစ်ပြစ်လေး ကြိတ်ပေးပါ
- မတ်ပဲအမှုန့်ကို သုံးမယ်ဆိုရင်တော့ ဆီ သံပုရာရည် ဖာလာစေ့နှင့် သကြားမှလွဲပြီး ပါဝင်ပစ္စည်းများကို ရောမွှေပေးပါ
- ဖာလာစေ့နှင့် သံပုရာရည်ကို အဆင်သင့် ပြင်ထားပါ
- သကြားနှင့် ရေတို့ကို ရောပြီး သကြားပျော်လာအောင် ကျိုပေးပါ
- သကြားများ အရည်ပျော်လာပါက ဖာလာစေ့ကို ကွဲသွားတယ်ဆိုရုံလေးထုကာ ထည့်ပေးပါ (မထည့်လဲ ရပါတယ်)
- ပြီးတာနဲ့ သံပုရည်ထည့်ကာ မွှေပေးပါ
- သကြားရည်ကို အရမ်းမပြစ်မသွားစေဘဲ မုန့်သားစိမ်လို့ရရုံ ကပ်စေးစေး ဖြစ်ရုံလေး ကျိုပေးပါ
- သကြားရည် ကျိုရာမှာ အရမ်းမကျဲ အရမ်းမပြစ်စေရန် သတိထားပါ
- သကြားရည် အရမ်းကျဲပါ မုန့်စိမ်တဲ့အခါမှာ မုန့်သားများ ကွဲထွက်သွားနိူင်ပြီး သကြားရည် အရမ်းပြစ်ပါက မုန့်ရည်စိမ်တဲ့အခါမှာ မုန့်သားထဲ မဝင်ဘဲ ဖြစ်သွားတတ်ပါတယ်သ
- ကြားရည်ကျိုပြီး အဆင်သင့် ဖြစ်ပါက ဇလုံခပ်ကြီးကြီး တစ်လုံးထဲမှာ ပြောင်းပြီးထည့်ထားပါ
မုန့်နှစ်ဖျော်ရန်
- ဇလုံအနေတော် တစ်လုံးထဲမှာ ဂျုံမှုန့် food colorနှင့် baking powder တို့ကို သမအောင် ရောမွှေပေးပါ
- အားလုံးသမသွားတာနဲ့ ရေ ပေါင်းအိုးဆန်ချဉ်ခွက်ရဲ့လေးပုံသုံးပုံကိုထည့်ကာ သမသွားအောင် သေသေချာချာ မွှေပေးပါ
- ပြီးတာနဲ့ ကြိတ်ထားသော မတ်ပဲအနှစ်များကို ထည့်မွှေပေးပါ
- မာမာကတော့ မတ်ပဲအမှုန့်ကို သုံးတဲ့အတွက် တခါထဲ သမအောင် မွှေလိုက်ပါတယ်မု
- န့်နှစ်ရလာတာနဲ့ ခရမ်းချဉ်သီးဆော့ထည့်သည့် ပလပ်စတစ်ဗူးအလွတ်ထဲကို ထည့်ပေးပါ
မုန့်သားကြော်ရန်
- မုန့်နှစ်ထည့်ထားသော ခရမ်းချဉ်သီးဆော့ထည့်သည့် ခရမ်းချဉ်သီး ဆော့ဗူးအလွတ်ကို ပြင်ထားပါ
- အောက်ချေမကပ်သော ဒယ်အိုးထဲကို ဆီထည့်ပြီး အပူပေးပါ
- ဆီပူလာတာနဲ့ မီးကို အလယ်လောက်ထိ လျှော့ပေးပါ
- ပြီးတာနဲ့ ခရမ်းချဉ်သီး ဆော့ဗူးထဲမှ မုန့်နှစ်ကို တစ်ဖက်သပ်ထဲဝိုက်ပြီး ၄ခါလောက် ဝိုက်ပြီးထည့်ပေးပါ
- ဒယ်အိုးထဲမှာ မုန့်သားများ ဆန့်သလောက် ထည့်ကြော်ပေးပါ
- ကြော်ထားသော မုန့်သားများ ရွှေဝါရောင် သန်းလာတာနဲ့ ဆယ်ပြီးဆီစစ်ကာ အအေးခံထားသော သကြားရည်ထဲ တန်းထည့်ပေးပါ
- သကြားရည်များ မုန့်သားထဲ စိမ့်ဝင်သွားအောင် ဇွန်းဖြင့့်အနည်းငယ် ဖိပေးပါ
- အထက်ပါ နည်းအတိုင်း မုန့်သားများ ကုန်တဲ့အထိ ကြော်ပေးလိုက် သကြားရည် စိမ်ပေးလိုက် လုပ်ပြီးပါက စားလို့အရမ်းကောင်းတဲ့ ဂျလေဘီမုန့်လေးတွေ ရပါပြီ
- တစ်ခါထဲ စားလို့မကုန်ပါက သကြားရည်စိမ်ထားသော ဂျလေဘီမုန့်လေးများကို ရေခဲသေတျွှာထဲမှာ ထည့်ထားပြီး စားသုံးနိူင်ပါတယ်။
မှတ်ချက်။။ ခရမ်းချဉ်သီး ဆော့ထည့်သည့် ဗူးမရှိပါက ပလပ်စတစ်အိတ် ခပ်ထူထူထဲ မုန့်နှစ်ထည့်ကာ အိတ်ရဲ့အောက်ချေ ထောင့်ကို အနည်းငယ် ဖောက်ပေးပြီး ညှစ်ချပေးလို့လဲ ရပါတယ်။
No comments:
Post a Comment