ဒီနေ့တော့ ကြက်ရင်ပုံသားလေးတွေနဲ့ ဘေဘီမုန့်ညှင်းရောကာ ကော်ရည်ပူပူလေး ချက်ဖြစ်ပါတယ် ကော်ရည်ပူပူလေး ချက်တဲ့နေ့ကတော့ ထမင်းမြိန်စေတဲ့ နေ့လေးတစ်နေ့ပါဘဲ။
ထမင်း ပူပူလေးအပေါ် ကော်ရည်ပူပူလေး ဆမ်းစားရတဲ့ အရသာက ပြီးပြည့်စုံနေတာကြောင့် စားမြိန်ဖွယ်ရာ ဟင်းတစ်တယ်ဆိုလဲ မမှားပါဘူး ဒါကြောင့်မို့လို့ မာမာပြင်ဆင်ပြီး ချက်ထားတဲ့ ချက်နည်းလေးကို မျှဝေပေးလိုက်ပါ တယ်ရှင်။
ပါ၀င်ပစ္စည်းများ
- ကြက်ရင်ပုံသား - 250 g
- ကြက်သွန်ဖြူ - အမွှာကြီးကြီး နှစ်မွှာ
- ကြက်သွန်နီ - အလုံးသေး ငါးဥခန့်
- ဘေဘီ ဘရိုကိုလီ - နှစ်ပင်
- တရုတ်နံနံ - အခက်ကြီးကြီး နှစ်ခက်
- ပြောင်းကော်မှုန့်. - ထမင်းစားဇွန်း နှစ်ဇွန်းမောက်မောက်
- သကြား - ထမင်းစားဇွန်း တစ်ဇွန်း
- ဆား - လက်ဖက်ရည်ဇွန်း တစ်ဇွန်း
- ပဲငံပြာရည်အနောက်ရည် - ထမင်းစားဇွန်း တစ်ဇွန်း
- ကြက်ပြုပ်ရည် chicken stock - 2 cups
- ဆီ - ထမင်းစားဇွန်း သုံးဇွန်း
ပြင်ဆင်ပုံ
- ကြက်သားကို ရေဆေးပြီး မထူမပါးလေးတွေ လှီးထားပါ
- ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ထားပါ
- ကြက်သွန်နီကို အခွံခွာပြီး ရေဆေးထားပါ
- ဘေဘီဘရိုကိုလီကို တစ်ရွက်ချင်း လွှာပြီး ရေဆေးထားပါ
- တရုတ်နံနံကို ရေဆေးပြီး ခပ်ကြမ်းကြမ်း လှီးထားပါ
- အသီးအရွက် မကြော်ခင် ကော်ရည်ကို ဖျော်ထားပေးပါ
- ပြောင်းကော်မှုန့် သကြား ဆားတို့ကို ရေ တရုတ်ဟင်းရေသောက်ပန်းကန် တစ်လုံးစာလောက်နဲ့ ဖျော်ထားပေးပါ။
အသီးအရွက် ကြော်ရန်ပြင်ဆင်ပုံ
- ပါဝင်ပစ္စည်း အားလုံးကို အဆင်သင့် ပြင်ထားပါ
- ဇောက်နက်သော အိုးတစ်လုံးကို အပူပေးပြီး ဆီထည့်ပေးပါ
- ဆီပူလာပါက ဓါးပြားရိုက်ထားသော ကြက်သွန်ဖြူကို မွှေးလာတဲ့အထိ ကြော်ပေးပါ
- ကြက်သွန်ဖြူ မွှေးလာတာနဲ့ ကြက်သားကို ကျက်တဲ့အထိ ထည့်ကြော်ပေးပါ
- ကြက်သားကျက်တာနဲ့ ကြက်ပြုပ်ရည်ကို ထည့်ပေးပြီး ပွက်ပွက်ဆူအောင် တည်ပေးပါ
- ကြက်ပြုပ်ရည် ပွက်ပွက်ဆူလာတာနဲ့ ဖျော်ထားသော ကော်ရည်ကို ထည့်ပေးပြီး ကော်ရည် ပျစ်လာတဲ့အထိ မွှေပေးပါ
- ကော်ရည်ပျစ်လာပါက ကြက်သွန်နီနှင့် ပဲငံပြာရည်ကို ထည့်မွှေပေးပါ
- ပြီးတာနဲ့ အရသာကို မြည်းပေးပြီး မိမိစိတ်ကြိုက် အရသာ ရလာအောင် ပြင်ပေးပါ
- ပြီးတာနဲ့ ဘေဘီဘရိုကိုလီများနှင့် တရုတ်နံနံကို ထည့်မွှေပြီးတာနဲ့ မီးပိတ်ပေးပြီး ပန်းကန်ထဲ ပြောင်းထည့်ပေးပါ။
No comments:
Post a Comment