မာမာ ဒီနေ့တော့ ကောက်ညှင်းဖြူနဲ့ ကောက်ညှင်းငချိတ်ကိုရောပြီး ထမင်းပေါင်းအိုးနဲ့ ချက်ပါတယ် ကောက်ညှင်းငချိတ်က သူ့ကြီးဘဲဆိုရင် ပေါင်းပေါင်း ချက်ချက် ဆန်ကြောမာတဲ့အတွက် ထွေးထွေးလေးမရပါဘူး။
ဒါကြောင့်မို့လို့ ကောက်ညှင်းသား ထွေးထွေးလေး ရလာအောင် ကောက်ညှင်းဆန် အဖြူလေးနဲ့ ရောပြီးချက်ထားဖြစ်တဲ့အတွက် မာမာပြင်ဆင်ပြီး ချက်ထားတဲ့ နည်းလေးကို မျှဝေပေးလိုပ်ပါတယ်ရှင်။
ပါဝင်ပစ္စည်းများ
- ကောက်ညှင်းငချိတ် - ထမင်းပေါင်းအိုးဆန်ချင်ဗူး တစ်ဗူး
- ကောက်ညှင်းဆန် - ထမင်းပေါင်းအိုးဆန်ချင်ဗူး တစ်ဗူး
- ရေ - ထမင်းပေါင်းအိုး ဆန်ချင်ဗူး သုံးဗူး
- ထမင်းပေါင်းအိုး
- အုန်းဆီချက် - မိမိနှစ်သက်သလောက်
- ငှက်ပျောသီးကြော် - မိမိနှစ်သက်သလောက်
ပြင်ဆင်ပုံ
- ကောက်ညှင်းဆန်နှစ်မျိုးကို ရောပေးပြီး ရေနှစ်ထပ် ဆေးပေးပါ
- ရေဆေးပြီးတာနဲ့ ကောက်ညှင်းဆန် အိုးထဲကို ရေထည့်ပြီး ညလုံးပေါက် စိမ်ထားပါ
- နောက်နေ့မနက်မှာ ညဘက်က ထည့်ထားတဲ့အတိုင်း ထမင်းပေါင်းအိုး ခလုတ်ကို နှိပ်ပြီး ချက်ပေးပါ
- ထမင်းပေါင်းအိုး ခလုတ်တက်တာနဲ့ ကောက်ညှင်းချက်ထားတာလဲ ကျက်ပါပြီ
- ကောက်ညှင်းကျက်တာနဲ့ အဆင်သင့် ချက်ထားသော အုန်းဆီချက်နှင့် ငှက်ပျောသီးကြော်တို့နဲ့ တွဲဖက်ကာ စားသုံးရန် ပြင်ပေးနိူင်ပါပြီ။
No comments:
Post a Comment