အဲဒီအပင်လေးတွေ ထဲကမှ ခရမ်းချဉ်သီးလေးတွေကိုခူးပြီး အနှစ်ချက်လေး ချက်ထားပါတယ် အခုလို ချက်ထားတဲ့ အခါမှာ ဟင်းချက်တဲ့ အခါမှာဘဲဖြစ်ဖြစ် အသုပ်လေးတွေ လုပ်စားတဲ့ အခါမှာဘဲဖြစ်ဖြစ် အဆင်ပြေသလို အဆင်သင့်လဲ ရပါတယ်။
ဒါကြောင့်မို့လို့ မာမာပြင်ဆင်ပြီး ချက်ထားတဲ့ ခရမ်းချဉ်သီး အနှစ်ချက် ဆီမွှေးသတ် နည်းလေးကို မျှဝေပေးလိုက်ပါတယ်ရှင်။
ပါဝင်ပစ္စည်းများ
- ခရမ်းချဉ်သီး - တစ်ကီလိုခွဲ
- ဆား - လက်ဖက်ရညိဇွန်း တစိဇွန်းင်္ခဲ
- ငရုတ်သီး အရောင်တင်မှုန့် - ထမင်းစားဇွန်း သုံးဇွန်း
- နနွင်းမှုန့် - လက်ဖက်ရည်ဇွန်း တစ်ဇွန်း
- ကြက်သွန်ဖြူ - အမွှကြီးကြီး ဆယ်မွှာ
- ကြက်သွန်နီ - အနေတော် လေးလုံး
- အရသာမှုန့် - လက်ဖက်ရည်ဇွန်း တစ်ဇွန်းခွဲ
- ဆီ - ခပ်များများ သုံးပေးပါ
ပြက်ဆင်ပုံ
- ခရမ်းချဉ်သီးများကို ရေဆေးပြီး ခပ်ပါးပါးလေးတွေ လှီးထားပါ
- ကြက်သွန်ဖြူနှင့် ကြက်သွန်နီများကို အခွံခွာပြီး ရေဆေးထားပါ
- ကြက်သွန်ဖြူကို ညက်နေအောင် ထောင်းထားပါ
- ကြက်သွန်နီကို ခပ်နုတ်နုတ်လေးတွေ လှီးထားပါ
- အားလုံးအဆင်သင့် ဖြစ်တာနဲ့ ဒယ်အိုးထဲမှာ ဆီနှင့်နနွင်းမှုန့်ထည့်ပြီး အပူပေးပါ
- ဆီပူလာတာနဲ့ ကြက်သွန်များကို ထည့်ကြော်ပေးပါ
- ကြက်သွန်များ နွမ်းတာနဲ့ ငရုတ်သီးမှုန့်ကို ထည့်မွှေးပြီး မွလာတဲ့အထိ ဆီသတ်ပေးပါ
- ငရုတ်သီးများ မွလာတာနဲ့ ခရမ်းချဉ်သီးများကို ထည့်မွှေပေးပါ
- ခရမ်းချဉ်သီးမှ အရည်များ ထွက်လာတာနဲ့ ဆားနှင့်အရသာမှုန့်များ ထည့်မွှေပေးပါ
- အိုးထဲမှ အရည်များ မခမ်းခင် အိုးမကပ်စေရန် မွှေမွှေပေးပါ
- ခရမ်းချဉ်သီးများ ကျေလာပြီး ရေများခမ်းကာ ဆီပြန်လာပါက မီးပိတ်ပေးပါ
- ခရမ်းချဉ်သီးများ အေးသွားပါက ဗူးထဲထည့်ပြီး ရေခဲသေတ္တာ ခဲတဲ့အကန့်ထဲမှာ ထည့်ပြီးခဲထားပါ
- မိမိ အသုံးပြုကာနီးပါက ရေခဲသေတ္တာ ခဲတဲ့အကန့်ထဲမှ ကျိုထုတ်ထားပြီး အသုံးပြုနိူင်ပါပြီ။
No comments:
Post a Comment