Tuesday, 28 April 2015

ချဉ်ငံစပ်သခွားသီးထောင်းသုပ်


သခွားသီးသုပ် သုပ်စားချင်ပေမဲ့ သခွားခြစ်မရှိလို့ မစားရဘူးလို့ ဆိုသူတွေအတွက် သခွားသီး အလွယ်ခြစ်နည်းလေးနဲ့အတူ ထောင်းသုပ် သုပ်တဲ့သုပ်နည်းလေး မျှဝေလိုက်ပါတယ်။

ဒီနေ့တော့ သခွားခြစ်အစား သစ်သီး အခွံခွာတဲ့ ဓါးလေးနဲ့ ခြစ်လိုက်ရင် အရမ်းကို အဆင်ပြေပါတယ် သခွားသီးက ပါးပါးလှပ်လှပ်လေး ရတာမို့လို့ စားလို့လဲ အဆင်ပြေပါတယ်။

ပါဝင်ပစ္စည်းများ

  • သခွားသီး - တစ်လုံး
  • ကြက်သွန်နီ - အနေတော် တခြမ်း
  • ငရုတ်သီးစိမ်း - ၅တောင့် အစပ်ကြိုက်ပါက ပိုထည့်ပါ
  • ပင်စိမ်း - အနည်းငယ်
  • ပုဇွန်လှော် - ၃ကောင်
  • ဆား - လက်ဖက်ရည်ဇွန်း သုံးပုံတပုံ
  • အရသာမှုန့် - လက်ဖက်ရည်ဇွန်း တ၀က်
  • သံပုရာသီး - တစိတ်
  • ငါးငပိရည်ကျိုပြီးသား - ထမင်းစားဇွန် တဇွန်းခွဲ
  • ကြက်သွန်ဖြူဆီချက် - ထမင်းစားဇွန်း တဇွန်း
ပြင်ဆင်ပုံ
  • သခွားသီးကို အလုံးလိုက်ရေဆေးပြီး အခွံခွာဓါးဖြင့် ခြစ်ချပေးပါ
  • ပုဇွန်ကို ရေအနည်းငယ် ဆားအနည်းငယ်ထည့်ပြီး ရေခမ်းအောင်လှော်ပါ
  • ရေခမ်းသွားပါက အခွံခွာပြီး ငရုတ်ဆုံထဲမှာ ညက်နေအောင် ထောင်းပေးပါ
  • ငါးငပိရည်ကို ကျိုထားပေးပါ
  • ကြက်သွန်နီကို အခွံခွာပြီး အလုံးလိုက်ရေဆေးကာ ခပ်ပါးပါးလှီးထားပေးပါ
  • ငရုတ်သီးစိမ်းကို ညက်နေအောင် ထောင်းထားပေးပါ
  • ပင်စိမ်းရွက်ကို ရေစင်အောင် ဆေးထားပါ
  • ကြက်သွန်ဖြူကို ဆီချက် ချက်ထားပေးပါ
  • အားလုံးပြင်ဆင်ပြီးပါက ခပ်ကြီးကြီး ငရုတ်ဆုံထဲမှာ ပါဝင်သော ပစ္စည်းများထည့်ပြီး သံပုရာညှစ်ကာ ခပ်ဖွဖွလေး ၅ချက်လောက် ထောင်းပြီး ဇွန်းနှင့် အရသာ သမအောင် မွှေပေးပါ
  • အရသာ မွှေပေးပြီးပါက အရသာမြည်းပြီး လိုသလို ပြင်ပေးကာမိမိနှစ်သက်သလို သုံးဆောင်နိုင်ပါပြီ။

သခွားသီးကိုရေစင်အောင်ဆေပြီး 
အခွံခွာသည့်ဓါးဖြင့် ခပ်ပါးပါးလှီးချပေးပါ

အခွံခွာဓါးနှင့် ခြစ်ထားသော သခွားသီး

လိုအပ်သော ပစ္စည်းများ ပြင်ထားပေးပါ

အားလုံးကို အရသာဝင်အောင်
ခပ်ဖွဖွလေး ထောင်းပေးပြီး သုံးဆောင်နိုင်ပါပြီ။

No comments:

Post a Comment