မနေ့က ဈေးသွားတုန်း ပြည်ကြီးငါး လတ်လတ်ဆတ်ဆတ်လေးတွေ တကီလိုကို $13 နဲ့ ရတာမို့ တကီလို၀ယ်လာပြီး အိမ်ရောက်တော့ စားမဲ့သူက ကိုယ်တယောက်ထဲမို့ မချက်တော့ဘဲ ကြော်စားဖို့ စိတ်ကူးအကောင်ထည်လေး ဖော်လိုက်မိပါတယ်။
အကောင်လိုက်မို့ ကိုင်ရဆေးရတာ နဲနဲလေးတော့ လက်၀င်ပါတယ် အကိုင်အတွယ်မတတ်လို့ ဗိုက်ထဲက မဲနယ်အိတ်လေးပေါက်သွားရင် ဆေးလို့ကို မပြီးနိုင်တော့ပါဘူး ဒါကြောင့်မို့ မဲနယ်အိတ်ကို အရင်ထုတ်ပြီးမှ ကျန်တဲ့မလိုတာတွေကို ဖယ်တာအကောင်းဆုံးပါ။
အားလုံးသန့်စင်ပြီဆိုရင်တော့ လိုအပ်တာတွေကို ပြင်ဆင်ပြီး ကြော်ဖို့နည်းလေး မျှဝေလိုက်ပါတယ်။
ပါ၀င်ပစ္စည်းများ
- ပြည်ကြီးငါး အကောင်ကြီးကြီး - နှစ်ကောင်
- BREAD CRUMBS. - လက်ဖက်ရည်ပန်းကန်လုံး တစ်လုံ
- ကြက်ဥ - တစ်လုံး
- ဆား - လက်ဖက်ရည်ဇွန်း လေးပုံတစ်ပုံ
- ငရုတ်ကောင်းမှုန့် - လက်ဖက်ရည်ဇွန်း သုံးပုံတစ်ပုံ
- အချိုမှုန့် လက်ဖက်ရည်ဇွန်း တစ်၀က်
- ဆီ - လိုသလောက် သုံးပေးပါ
ပြင်ဆင်ပုံ
- ပြည်ကြီးငါးကို ရေစင်အောင်ဆေးပြီး အ၀တ်စသန့်သန့် သို့မဟုတ် paper towel နှင့်သုတ်ကာ အခြောက်ခံပေးပါ
- ရေခြောက်သွားပါက အနေတော် အကွင်းလိုက်လှီးပေးပါ
- လှီးထားသော ပြည်ကြီးငါး အကွင်းလေးများကို ဆား ငရုတ်ကောင်း အချိုမှုန့်တို့နဲ့ နယ်ပေးပါ
- ကြက်ဥကို ပန်းကန်လုံး တစ်လုံးထဲထည့်ပြီး ခလောက်ထားပါ
- BREAD CRUMBS အမှုန့်ကို ပန်းကန်ပြားထဲ ထည့်ထားပါ
- ပြည်ကြီးငါးကို ခလောက်ထားသော ကြက်ဥထဲမှာ နှစ်ပေးပြီး တစ်ကွင်းခြင်းမှာ ကပ်အောင်လူးပေးပါ
- ပြီးတာနဲ့ bread crumbsအမှုန့်မှာ လူးပေးပါ
- အားလုံးကို အမှုန့်နှင့် ကပ်လူးပြီးပါက ဒယ်အိုးထဲမှာ ဆီထည့်ပြီး ဆီကိုပူအောင်တည်ပေးပါ
- ဆီပူလာပါက မီးကိုအနေတော် လျှော့ပေးပြီးမှ ပြည်ကြီးငါး အကွင်းလေးတွေကို တစ်ကွင်းခြင်း အိုးဆန့်သလောက် ထည့်ကြော်ပေးပါ
- ပြည်ကြီးငါး အကွင်းလေးများ တစ်ဖက်က ရွှေဝါရောင်သန်းလာပါ နောက်တစ်ဖက်ကို လှန်ပေးပါ
- နှစ်ဖက်စလုံး ရွှေဝါရောင် သန်းလာပါက ချက်ချင်းဆယ်ပြီး ဆီစစ်ပေးပါ
- အထက်ပါ နည်းအတိုင်း ကုန်တဲ့အထိ ကြော်ပေးကာ ဆီစစ်တာနဲ့ ပြည်ကြီးငါးကြော် မွှေးမွှေးလေးကို သုံးဆောင်နိုင်ပါပြီ။
No comments:
Post a Comment