Thursday, 13 September 2018

ငါး အာလူး ထမင်းနယ်

ငါးအာလူးထမင်းနယ် 

ချက်ပြီးသား ထမင်း 

ပြုပ်ပြီးအခွံခွာထားသော အာလူး

ငါးပြုပ်ရန်အတွက်

ပြုပ်ထားသော ငါး

နံနံပင် မြေပဲလှော် ငရုတ်သီးဆီချက် ကြက်သွန်ဖြူ
ဆီချက်

အရသာနယ်ရန်ပြင်ထားပုံ

အရသာနယ်ပြီးသော ငါးအာလူးထမင်းနယ်
ဒီတခါတော့ ပါးစပ်ထဲမှာစိမ့်ပြီး စားလို့အရမ်းကောင်းလွန်းတဲ့ ငါးအာလူး ထမင်းနယ် စိမ့်စိမ့်လေး လုပ်စားဖြစ်လို့ မာမာနယ်ဖြစ်တဲ့ ထမင်းနယ်နည်းလေး မျှဝေပေးလိုက်ပါတယ်ရှင်။

ပါဝင်ပစ္စည်းများ

  • ရေစင်အောင်ဆေးပြီး နူးနေအောင်ပြုပ်ထားသော အာလူး - အလုံးကြီးကြီး ၃လုံး
  • နူးနေအောင်ပြုပ်ထားသော ဘာဆာငါး - တပြား
  • ဆန်  - ပေါင်းအိုး ဆန်ချင်ဗူး ၂ဗူးကို ချက်ထားသော ထမင်း
  • မညက်တညက်ထောင်းထားသော ကြက်သွန်ဖြူ - အမွှာကြီးကြီး ၅မွှာ (ဆီချက်ချက်ရန်)
  • ဆား - လက်ဖက်ရည်ဇွန်း တဇွန်း
  • အရသာမှုန့် - လက်ဖက်ရည်ဇွန်း တဇွန်း
  • ကြက်သွန်ဖြူဆီချက် - ထမင်းစားဇွန်း ၃ဇွန်း
  • ငရုတ်သီးဆီချက် - ထမင်းစားဇွန်း တဇွန်းခွဲ
  • နနွင်းမှုန့်. - လက်ဖက်ရည်ဇွန်း တဇွန်း(ငါးပြုပ်ရန် ဆီချက်၂မျိုးချက်ရန်)
  • မြေပဲကြော် - နှစ်သက်သလောက်
  • နံနံပင် - မိမိနှစ်သက်သလောက်
  • ငါးငံပြာရည် - လိုသလောက်သုံးပါ
  • ဆီစိမ်း - ဆီချက်၂မျိုးချက်ရန် လိုသလောက် သုံးပါ
ပြင်ဆင်ချက်ပြုပ်ပုံ
  • လိုအပ်သော ပစ္စည်းများကို ပြင်ထားပါ
  • အာလူးကို အခွံခွာပြီး ကျေနေအောင် ချေထားပါ
  • ငါးကိုဆား ငံပြာရည်နှင့် နနွင်းမှုန့်ထည့်ကာရေမြုပ်အောင်ထည့်ပြီး ပြုပ်ပါ
  • ငါးအသားများ နူးလာပါက အသားများကျေအောင်​ ချေထားပါ
  • မြေပဲလှော်​ကို အခွံချွတ်​ထားပါ
  • နံနံပင်ကို ရေဆေးပြီး သင့်သလို လှီးထားပါ
  • ငရုတ်သီးတောင့်များကို မညက်​တညက်​ထောင်း​ပြီး ဆီနှင့်ေ​ကြာ်​ထားပါ
  • ဒယ်အိုးကို အပူပေးပြီး ဆီနှင့်နနွင့်မှုန့်ကိုထည့်ပြီး ဆီပူလာပါက ထောင်းထားသော ကြက်သွန်ဖြူကို ကြော်ပေးပါ
  • ကြက်သွန်ဖြူများ ရွှေဝါရောင်သန်းလာရင် ဆယ်ပြီး အအေးခံထားပါ

ငါး အာလူးထမင်းနယ်ရန် ပြင်ဆင်ပုံ
  • ထမင်းများကို ခပ်ပူပူအချိန်လေးမှာ စေးနေအောင် နယ်ပေးပြီး အနေတော်လေးတွေ လုံးထားပါ
  • အာလူးကိုလဲ ကျေအောင်ချေကာ စေးပိုင်နေအောင် နယ်ကာ အလုံးလေးတွေ လုပ်ထားပါ
  • ငါးကိုလဲ ကျေသွားအောင် ချေလိုက်ကာ အနေတော် အလုံးလေးတွေ လုံးထားပါ
  • ဇလုံကျယ်ကျယ် တလုံးထဲမှာ ထမင်း အာလူး ငါး ဆား ငံပြာရည် အချိုမှုန့်နှင့်ဆီချက်နှစ်မျိုးတို့ကိုသင့်သလိုထည့်ပေးပြီး စေးပိုင်လာအောင် နယ်ပေးပါ
  • အားလုံးကိုရောပြီး နယ်ပြီးပါက ကိုယ်နှစ်သက်သလို ငါးအာလူး ထမင်းနယ်ကို ပုံဖေါ်ကာ ထမင်းအပေါ်မှ ကြက်သွန်ဖြူကြော် ငရုတ်သီးဆီချက် နံနံပင်နှင့် မြေပဲတို့ တင်ပေးပြီး မြှိန်ယှက်စွာ စားသုံးနိူင်ပါပြီ။

No comments:

Post a Comment