Sunday, 16 September 2018

ယိုးဒယား ထမင်းကြော်


ဒီနေ့တော့ ထမင်းကြော် စားချင်တာနဲ့ယိုးဒယား ထမင်းကြော် မွှေးမွှေးလေး ကြော်ဖြစ်သွားပါတယ် ကြော်ပြီးပြီးချင်း ပူပူလူလူလေး စားလိုက်တာ အရသာ အရမ်းကောင်းတာနဲ့ မာမာကြော်ဖြစ်တဲ့နည်းလေး မျှဝေပေးလိုက်ပါတယ်ရှင်။


ပါဝင်ပစ္စည်းများ
  • ချက်ပြီးသား ထမင်းဖြူ - တစ်ပွဲစာ
  • ဘဲဥ (သို့မဟုတ်) ကြက်ဥ - တစ်လုံး
  • ကြက်ရင်ပုံသား -  ခပ်ပါးပါး လှီးပြီးသား ၁၅ခုခန့်
  • ကြက်သွန်နီ - တစ်ခြမ်း
  • ကြက်သွန်ဖြူ အမွှာကြီးကြီး တစ်မွှာ
  • ပဲသီး - ၁၀တာင့်ခန့် 
  • မုံလာဥနီ - အနေတော် တစ်ဥ
  • ကိုက်လန် - တစ်ပင်
  • ပဲငံပြာရည်အကြည် - စားပွဲတင်ဇွန်း တစ်ဇွန်း 
  • ပဲငံပြာရည်အနောက် - ထမင်းစားဇွန်း တစ်ဝက်
  • ခရုဆီ - လက်ဖက်ရည်ဇွန်း တစ်ဇွန်း
  • ငါးငံပြာရည် - ထမင်းစားဇွန်း တစ်ဝက်
  • ငရုတ်ကောင်းမှုန့် - လက်ဖက်ရည်ဇွန်း သုံးပုံတစ်ပုံ 
  • အချိုမှုန့် - လက်ဖက်ရည်ဇွန်း တစ်ဇွန်း 
  • ဆား - လက်ဖက်ရည်ဇွန်း သုံးပုံတစ်ပုံ
  • ဆီ - ထမင်းစားဇွန်း သုံးဇွန်း
ပြင်ဆင်ပုံ
  1. ထမင်းကြော် ကြော်မည့်ထမင်းကို အအေးခံထားပါ
  2. ကြက်ရင်ပုံသားကို ခပ်ပါးပါးလေးတွေ လှီးထားပါ
  3. ကိုက်လံကို အပင်လိုက်ရေဆေးပြီး အနေတော် လှီးထားပါ
  4. ပဲသီးကို ရေဆေးပြီး ခပ်နုတ်နုတ်လေးတွေ လှီးထားပါ
  5. မုံလာဥနီကို အခွံခွာပြီး ရေဆေးပြီး မိမိနှစ်သက်သလို လှီးထားပါ
  6. ကြက်သွန်နီကို အခွံခွာပြီး ရေဆေးကာ ခပ်ပါးပါး လှီးထားပါ
  7. ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ထားပါ
  8. ဘဲဥ သို့မဟုတ် ကြက်ဥကို ခလောက်ထားပါ
  9. ပါဝင်ပစ္စည်းများကို ပြင်ထားပါ
  10. အားလုံးအဆင်သင့် ဖြစ်ပါက ဒယ်အိုးထဲမှာ ဆီထည့်ပြီး အပူပေးပါ
  11. ဆီပူလာပါက ကြက်သွန်နှစ်မျိုးလုံးကို ထည့်ကြော်ပေးပါ
  12. ကြက်သွန်နံ့လေး သင်းလာတာနဲ့ ကြက်သားကို ထည့်ကြော်ပေးပါ 
  13. ကြက်သားကျက်လာတာနဲ့ ခလောက်ထားသော ဘဲဥ သို့မဟုတ် ကြက်ဥကို ထည့်ပြီးမွှေပေးပါ
  14. ကြက်သားနှင့် ကြက်ဥကြော် ကျက်လာပါက မုံလာဥနီ ပဲသီးနှင့် ကိုက်လန်ကို ထည့်မွှေပေးပါ
  15. ပြီးတာနဲ့ ထမင်းနှင့် အရသာများကို ထည့်မွှေပေးပါ
  16. ပြီးတာနဲ့ ဆားနှင့် ငရုတ်ကောင်းမှုန့် ထည့်မွှေပေးကာ အရသာမြည်းပြီး လိုသလို ပြင်ပေးကာ ယိုးဒယား ကြက်သားထမင်းကြော်ကို မိမိနှစ်သလို ပုံဖော်ပေးပြီး ပန်းကန်ပြားထဲထည့်ပြီး စားသုံးရန် ပြင်ပေးနိူင်ပါပြီ။

No comments:

Post a Comment