ငါးပိရည် တခါကျိုတိုင်း အိမ်ထဲမှာ အနံ့တွေ ကျန်နေတတ်တဲ့အတွက် မာမာကတော့ တခါကျိုရင် ခပ်များများလေးကျိုပြီး လေလုံဗူးလေးတွေထဲ ထည့်ထားကာ ရေခဲသေတ္တာ ခဲတဲ့အကန့်ထဲမှာ ထည့်ထားပြီး သိမ်းထားတတ်တာမို့လို့ ဒီတခါလဲ ငါးပိရည် မွှေးမွှေးလေးနဲ့ ငါးပိရည်ဖျော် မွှေးမွှေးစပ်စပ်လေးရဲ့ ဖျော်စပ်ပုံလေးကို မျှဝေလိုက်ပါတယ်။
ပါ၀င်ပစ္စည်းများ
- ငါးပိရည်ကျိုရန် ငါးငပိ - နှစ်ဆယ်သား
- ဆား - လက်ဖက်ရည်ဇွန်း နှစ်ဇွန်း
- နနွင်းမှုန့် - လက်ဖက်ရည်ဇွန်း တစ်၀က်မရှိတစ်ရှိ
- ရေ - လက်ဖက်ရည် အကြမ်းပန်းကန် ၄လုံးခွဲသာသာတို့ကို ဇောက်နက်သော အိုးတစ်လုံးထဲ ထည့်ပေးပြီး ဆယ်မိနစ်လောက် ပွက်ပွက်ဆူအောင် တည်ပေးပါ
- ငါးပိရည် ရပါက အရိုးများစစ်ကာ ငါးပိရည်ကို ပန်းကန်တစ်လုံးထဲသို့ ပြောင်းထည့်ထားပါ။
ဖျော်စရာထောင်းရန် လိုအပ်သော ပါ၀င်ပစ္စည်းများ
- ပုဇွန်ထုတ် - အထုတ်ကြီးကြီး လေးကောင်
- ငရုတ်သီးစိမ်း - မိမိနှစ်သက်သလောက်
- ကြက်သွန်ဖြူ - အမွှာကြီးကြီး ၁၅မွှာ
- ခရမ်းချဉ်သီး - အလုံးကြီးကြီး ၃လုံး
- ကြက်သွန်နီ - အနေတော် လေးလုံး
- ငရုတ်သီး အခြောက်တောင့် လှော်ပြီးသား - ဆယ်တောင့်ခန့်အ
- ရသာမှုန့် - လက်ဖက်ရည်ဇွန်း တစ်ဇွန်းသာသာ
ပြင်ဆင်ပုံ
- ကြက်သွန်ဖြူကို အခွံခွာပြီး ရေဆေးကာ အသားထူသော ဒယ်အိုးထဲမှာ အပေါ်ယံ ကျွမ်းယောင်သန်းလာထိ ထည့်လှော်ပေးပါ
- ကြက်သွန်နီကို အသားထူသော ဒယ်အိုးထဲမှာ အပေါ်ယံ ကျွမ်းယောင်သန်းလာထိ ထည့်ဖုတ်ပေးပါ
- ပြီးတာနဲ့ ရေဆေးပြီး အခွံများ ခွာပေးထားပါ
- ပုဇွန်ထုတ်ကိုလဲ ရေဆေးကာ ကို မီးသွေးမီးဖိုရှိပါက အခွံများ ကျွမ်းအောင်ဖုတ်ပေးပါ သို့မဟုတ်
- အသားထူသော ဒယ်အိုးထဲမှာ အပေါ်ယံ ကျွမ်းယောင်သန်းလာထိ ထည့်လှော်ပေးပါ
- ပြီးတာနဲ့ ပုဇွန်အခွံများခွာကာ ခေါင်းများဖြုတ်ထားပေးပါ
- ငရုတ်သီးစိမ်းကိုလဲ ရေဆေးကာ အသားထူသော ဒယ်အိုးထဲမှာ အပေါ်ယံ ကျွမ်းယောင်သန်းလာထိ ထည့်လှော်ပေးပါ
- ပြီးတာနဲ့ မညက်တညက် ထောင်းပေးထားပါ
- ခရမ်းချဉ်သီးကိုလဲ အပေါ်အခွံ ကျွမ်းတဲ့အထိ မီးဖုတ်ပေးပြီး အခွံများကွာသွားအောင် ရေဆေးထားပါ
- အားလုံးအဆင်သင့်ဖြစ်တာနဲ့ ပုဇွန်ထုတ် ငရုတ်သီး အလှော်တောင့် အရသာမှုန့် ငရုတ်သီးစိမ်းနှင့် ကြက်သွန်ဖြူတို့ကို ဘလင်ဒါထဲထည့်ပြီး ညက်နေအောင် ကြိတ်ပေးပါ
- ကြိတ်စက်မသုံးချင်ပါက ငရုတ်ဆုံ ကြီးကြီးထဲမှာ ထည့်ထောင်းပေးပါ
- အားလုံးအဆင်သင့် ဖြစ်ပါက ငါးပိရည် ပန်းကန်ထဲ ရောထည့်ကာ အားလုံးသမသွားအောင် ရောဖျော်ပေးပါ
- တခါစားစာ ချန်ထားပြီး ပိုနေသော ငါးပိရည်ဖျော်များကို လေလုံဗူးများနှင့်ထည့်ကာ ရေခဲသေတ္တာ ခဲတဲ့အကန့်ထဲမှာ ထည့်ပြိးသိမ်းထားပါ
- အဖျော်မွှေးမွှေး စပ်စပ်လေးနဲ့ အရသာရှိလှတဲ့ ငါးပိရည်ဖျော်လေးကို တို့စရာအစုံနှင့် မိန်ယှက်စွာ စားသုံးနိုင်ပါပြီ။
No comments:
Post a Comment