အေးရှန်းဆိုင်ကို လိုချင်တာလေးတွေ သွားဝယ်ရင်း မျှစ်အကြွတ်လေးတွေ ရလာခဲ့ပါတယ် တာလပေါ့ချက်ရင်ဘဲဖြစ်ဖြစ် အစပ်ဟင်းလေးတွေ ချက်ရင်ဘဲ ဖြစ်ဖြစ် အရမ်းကို အဆင်ပြေတဲ့ မျှစ်လေးတွေပါ။
ဒီတခါတော့ အဲဒီမျှစ် အကြွတ်လေးတွေနဲ့ မျှစ်ဆန်လှော်ဟင်းလေး ချက်မိတဲ့အတွက် အာပူလျှာပူ ပူလောင်စပ်နေတဲ့ မျှစ်ဆန်လှော်ဟင်း ချက်နည်းလေး မျှဝေလိုက်ပါတယ်။
ပါဝင်ပစ္စည်းများ
- မျှစ်ကြွတ် - ငါးခု
- ဆန်လှော်မှုန့် - ထမင်းစားဇွန်း နှစ်ဇွန်း
- ပုဇွန်ငါးပိ - လက်ဖက်ရည်ဇွန်း တစ်ဇွန်း
- ကြက်သွန်နီ - အနေတော် တစ်ဥ
- ကြက်သွန်ဖြူ - အမွှာကြီးကြီး နှစ် မွှာ
- ငရုတ်သီးစိမ်း အစပ်တောင့် - စားနိူင်သလောက်
- ငရုတ်သီးအခြောက်တောင့် - စားနိူင်သလောက် (ဟင်းအိုးအုပ်ရန် )
- ငရုတ်သီးအခြောက်တောင့် - ခြောက်တောင့်
- နနွင်းမှုန့် - လက်ဖက်ရည်ဇွန်း သုံးပုံတစ်ပုံ
- ဆီ - ထမင်းစားဇွန်း လေးဇွန်း
- ဆား - လက်ဖက်ရည်ဇွန်း တစ်ဝက်
- ငါးငံပြာရည် - ထမင်းစားဇွန်း တစ်ဇွန်း
- အရသာမှုန့် - လက်ဖက်ရည်ဇွန်း တစ်ဇွန်း
ပြင်ဆင်ပုံ
- မျှစ်ကို ရေဆေးပြီး ပုံပါအတိုင်း လေးစိတ်စိတ်ထားပါ
- ကြက်သွန်နီကို အခွံခွာပြီး ရေဆေးကာ ခပ်နုတ်နုတ် စဉ်းထားပါ
- ကြက်သွန်ဖြုကို အခွံခွာပြီး ရေဆေးကာ ခပ်နုတ်နုတ် စဉ်းထားပါ
- ပြီးတာနဲ့ ကြက်သွန်နီ ကြက်သွန်ဖြူ ငရုတ်သီးစိမ်း ငရုတ်သီးအခြောက်တောင့်တို့ကို ညက်နေအောင် ရောထောင်းထားပါ
- ငရုတ်သီးစိမ်းကို ရေဆေးပြီး ခပ်ပါးပါး လှီးထားပါ
- ငရုတ်သီး အခြောက်တောင့်ကို ရေဆေးပြီး အညှာခြွေထားပါ
- ပုဇွန်ငါးပိကို ရေအနည်းငယ်နှင့် ဖျော်ထားပါ
- ဆန်လှော်မှုန့်ကိုလဲ ရေအနည်းငယ်နှင့် ဖျော်ထားပါ
- ဆီ နနွင်းမှုန့် ဆား အရသာမှုန့် ငါးငံပြာရည်တို့ကို ပြင်ထားပါ
ဟင်းချက်ရန်
- အိုးထဲမှာ ဆီကိုအပူပေးပြီး နနွင်းမှုန့်ကိုထည့်ပါ
- နနွင်းမှုန့် ထည့်ပြီးတာနဲ့ ငရုတ်သီးထောင်းနှင့် ငရုတ်သီး အခြောက်တောင့်တို့ကို ထည့်ပြီးဆီသတ်ပါ
- ဆီသတ်နံ့မွှေးလာတာနဲ့ငရုတ်သီး ဆီသတ်ကို ဘေးခန တွန်းထားကာ မျှစ်ကိုထည့်ပြီး မွှေပေးပါ
- ပြီးတာနဲ့မျှစ် အရသာမှုန့် ဆား ငံပြာရည်တို့ကို တစ်ခါထဲ ထည့်မွှေပေးပါ
- ပြီးတာနဲ့ မျှစ်ကို ရေမြုပ်အောင်ထည့်ကာ အဖုံးအုပ်ပြီး တည်ပေးပါ
- ရေဆူပြီး မျှစ်မနူးသေးခင် ရေမခမ်းခင် ဆန်လှော်မှုန့် အရည်ဖော်နှင့် ပုဇွန်ငါးပိအရည်ဖျော်ကို ထည့်ပေးပါ
- ပြီးတာနဲ့ မျှစ်နူးစေရန် မျှစ်ကို ရေမြုပ်အောင်ထည့်ပြီး တစ်ခါဆက်ပြီး တည်ပေးပါ
- နောက်တစ်ကြိမ် ထည့်ထားသော ရေမခမ်းခင် အရသာ မြည်းပေးကာ လိုသလို ပြင်ပေးပါ
- ပြီးတာနဲ့ မီးပိတ်ပြီး ဆန်လှော်မှုန့် အနံ့မွှေးနေတဲ့ စပ်စပ်မွှေးမွှေး စိမ့်စိမ့်လေးကို စားသုံးရန် စားပွဲပြင်ပေးနိုင်ပါပြီ။
No comments:
Post a Comment