Thursday, 23 August 2018

ချဉ်ငံစပ် ပေါက်ပန်းဖြူပွင့်သုပ်




Sydney က သမီးဆီကို အလည်သွားတုန်း World Square ကို ရောက်သွားပါတယ် ဒီတော့ World Square ထဲက အေးရှန်းဆိုင်ကို ရောက်တုန်း စားချင်တာလေးတွေ ဝယ်လာပြီး မြန်မာပြည် အလွမ်းပြေ စားချင်သလိုလေးတွေ ချက်စားဖြစ်ခဲ့တဲ့ အထဲက ဒီနေ့တော့ ပေါက်ပန်းဖြူ  ပွင့် သုပ်စားဖြစ်တဲ့အတွက် ချဉ်ငံစပ် သုပ်နည်းလေးကို မျှဝေပေးလိုက်ပါတယ်။

ပါဝင်ပစ္စည်းများ

  1. ပေါက်ပန်းဖြူပွင့် - အပွင့် နှစ်ဆယ်ခန့်
  2. ကြက်သွန်နီ - အနေတော် တစ်လုံး
  3. နှမ်းလှော် - ထမင်းစားဇွန်း တစ်ဇွန်း
  4. ဆား - လက်ဖက်ရည်ဇွန်းတစ်ဇွန်း
  5. အချိုမှုန့် - လက်ဖက်ရည်ဇွန်း တစ်ဝက်
  6. သံပုရာရည် - ထမင်းစားဇွန်း တစ်ဇွန်း
  7. မြေပဲလှော် - အစေ့ နှစ်ဆယ်ခန့်
  8. ကြက်သွန်နီဆီချက် - ထမင်းစားဇွန်း နှစ်ဇွန်း
  9. ငရုတ်သီး အလှော်မှုန့် - စားနိူင်သလောက်
  10. ငရုတ်သီးအနီ ဆီချက် - ထမင်းစားဇွန်း တဝစ်က်
  11. ပဲအကျက်မှုန့် - ထမင်းစားဇွန်း တစ်ဇွန်းခွဲ

ပြင်ဆင်ပုံ
  • ပေါက်ပန်းဖြူပွင့်ကို အထဲမှ ဝတ်ဆံလေးတွေ ဖယ်ပေးပြီး  ရေစင်အောင် ဆေးပေးပါ 
  • အိုးတစ်လုံးထဲမှာ ပေါက်ပန်းဖြူ ပွင့်များထည့်ပြီး ရေမြုပ်အောင်ထည့်ကာ ပြုပ်ပေးပါ
  • ရေကို ပွက်ပွက်ဆူအောင် တည်ပေးပြီး ပေါက်ပန်းဖြူပွင့်များ နူးအောင်ပြုပ်ပေးပါ
  • ပေါက်ပန်းဖြူပွင့်များ နွမ်းလာပါက ပြုပ်ထားသော ရေများကို သွန်ပေးပါ
  • ပြီးတာနဲ့ ရေအေးနှင့် ဆေးထားကာ ရေကုန်အောင် ညှစ်ပေးထားပါ  
  • ကြက်သွန်နီကို အခွံခွာပြီးကို အလုံးလိုက် ရေဆေးပြီး ခပ်ပါးပါး လှီးထားပါ
  • နှမ်းအဖြူကို မီးအေးအေးနှင့် ရွှေဝါရောင် သန်းလာတဲ့အထိ လှော်ပေးထားပါ
  • မြေပဲလှော်ကို အခွံခြွတ်ပြီး သန့်ပေးထားပါ
  • သံပုရာရည်ကို ပြင်ထားပါ
  •  ပါဝင်ပစ္စည်း အားလုံးကို ပြင်ထားပါ
  • အားလုံးအဆင်သင့် ဖြစ်တာနဲ့ ပါဝင်ပစ္စည်း အားလုံးကို ဇလုံထဲထည့်ပြီး ခပ်ဖွဖွ နယ်ပေးပါ
  • အရသာ နယ်ပြီးတာနဲ့ အရသာမြည်းပြီး လိုအပ်သလို ပြင်ပေးကာ စားသုံးရန် ပန်းကန်တစ်ခုထဲ ပြောင်းထည့်၍ ပြင်ပေးကာ သတ်သတ်လွတ် ပေါက်ပန်းဖြူ ပွင့်သုပ် ချဉ်ငံစပ် မွှေးမွှေးလေးကို နှစ်သက်သလို သုံးဆောင်နိူင်ပါပြီ။

No comments:

Post a comment