Sunday 18 March 2018

အမဲသား အမွကြော်








ဒီနေ့တော့ အဝေးမှာ ကျောင်းသွားတက်နေတဲ့ သမီးလေးအတွက် ကြာကြာထားလို့ရပြီး စားလို့ကောင်းစေတဲ့ အမဲသားအမွ အချိုကြော်လေး ကြော်ဖြစ်လို့ ကြော်နည်းလေး မျှဝေလိုက်တယ်ရှင်။

ပါဝင်ပစ္စည်းများ

  1. အမဲသား – 1000 g
  2. အရသာမှုန့် - လက်ဖက်ရည်ဇွန်း နှစ်ဇွန်း
  3. ချင်းမှုန့် - လက်ဖက်ရည်ဇွန်း တစ်ဇွန်း
  4. နနွင်းမှုန့် - လက်ဖက်ရည်ဇွန်း တစ်ဝက်သာသာ
  5. ဆား - လက်ဖက်ရည်ဇွန်း တစ်ဇွန်း
  6. ဆီ - တစ်လီတာ
  7. ရေ - လိုသလောက် သုံးပေးပါ

ပြင်ဆင်ပုံ
  • အမဲသားကို ရေဆေးပြီး ပုံပါအတိုင်း အတုံးလေးတွေ တုံးပေးထားပါ
  • ချင်းမှုန့်နှင့်အတူ ဆား နနွင်းမှုန့် အရသာမှုန့်တို့ကို ပြင်ထားပါ
  • ဇောက်နက်သော အိုးတစ်လုံးထဲမှာ ချင်းမှုန့် အမဲသား ဆား နနွင်းမှုန့် အရသာမှုန့်တို့နှင့် အရသာဝင်အောင် နယ်ထားပြီး အနည်းဆုံး တစ်နာရီလောက် နှပ်ထားပါ
  • ပြီးတာနဲ့ အမဲသား အိုးထဲမှာ အမဲသား မြုပ်တဲ့အထိ ရေထည့်၍ အဖုံးဖုံးကာ မီးအနေတော်နဲ့ တည်ထားပေးပါ
  • အသားအိုး တည်ထားစဉ် အရသာ ၀င်စေရန်နှင့် အသားအကျက် ညီစေရန် ၂ခါသုံးခါလောက် လှန်ပေးပါ
  • ရေတစ်ဝက်လောက် ခမ်းသွားတာနဲ့ မီးကို အနည်းငယ် ထပ်လျှော့ပေးပြီး ရေခမ်းတဲ့အထိ တည်ပေးထားပါ
  • ရေခမ်းကာ နီးပါက ဟင်းအိုးတူးပြီး ကပ်စေနိူင်တဲ့အတွက် သတိထားပြီး ကြည့်ပေးပါ
  • ရေအကုန်လုံး ခမ်းသွားတာနဲ့ အသားများကို အအေးခံ ပေးထားပါ
  • အသားများ အေးသွားတာနဲ့ တစ်တုံးချင်းယူကာ အသားကို မွှပေးပါ
  • ပြီးတာနဲ့ ပြုပ်ထားသော အိုးထဲမှာဘဲ အသားနှင့်ဆီထည့်ကာ မီးအနေတော်နှင့် ကြော်ပေးပါ
  • မီးအရမ်း မပြင်းအောင် မီးအပူရှိန်ကို သတိထားပြီး ကြော်ပေးပါ
  • အမဲသားများ ကြွတ်ပြီးရွလာတာနဲ့ ဆယ်ပြီးဆီစစ်ပေးပါ
  • ဆီစစ်ပြီဆိုတာနဲ့  မွှေးပြီးချိုနေသော အမဲသား အမွကြော်ကို နှစ်သက်သလို စားနိူင်အောင် ပြင်ဆင်နိူင်ပါပြီ။

No comments:

Post a Comment