ဒီချက်နည်းလေးက တစ်ခါတင်ပြီးသားပါ မာမာ့ သားနဲ့သမီး အရမ်းကြိုက်ကြတဲ့ ကြက်ဥနှပ် ဖေးဖရိတ်ဟင်းလေးမို့လို့ လွယ်ကူမြန်ဆန်စွာ ချက်စားနိူင်အောင်အတွက် သတိတရနဲ့ ထပ်တင်ဖြစ်ခြင်းသာ ဖြစ်ပါတယ်ရှင်။
ပါ၀င်ပစ္စည်းများ
- ကြက်ဥ - ခွန်နှစ်လုံး ( ကျက်အောင်ပြုပ်ပြီး အခွံခွာထားပါ )
- ပုဇွန်ခြောက်မှုန့် - ထမင်းစားဇွန်း လေးဇွန်းစာ
- ကြက်သွန်နီ - အလုံးကြီးကြီး နှစ်လုံး (ပါးပါးလှီးပြီး ရေဆေးထားပါ )
- ချင်း - လက်တစ်ဆစ်သာသာ (ခပ်ပါးပါး ခပ်ရိတ်ရိတ်လှီးထားပါ)
- နနွင်းမှုန့် - လက်ဖက်ရည်ဇွန်း သုံးပုံတစ်ပုံ
- ငါးငံပြာရည် - ထမင်းစားဇွန်း တစ်ဇွန်းခွဲသာသာ
- ပဲငံပြာရည်အနောက် - ထမင်းစားဇွန်း တစ်ဇွန်း
- အချိုမှုန့် - လက်ဖက်ရည်ဇွန်း တစ်၀က်
- ဆီ - ထမင်းစားဇွန်း ကိုးဇွန်း
ပြင်ဆင်ပုံ
- ဒယ်အိုးထဲမှာ ဆီနှင့်နနွင်းမှုန့်ထည့်ပြီး အပူပေးပါ
- ဆီပူလာတာနဲ့ လှီးထားသော ချင်းနှင့် ကြက်သွန်နီကို နွမ်းသွားအောင် ကြော်လိုက်ပါ
- ကြက်သွန်နွမ်းတာနဲ့ ကြက်ဥ အချိုမှုန့် ငံပြာရည် ပဲငံပြာရည်တို့ကို ထည့်မွှေပါ
- တစ်မိနစ်လောက် မွှေပြီးတာနဲ့ ပုဇွန်ခြောက်မှုန့်ထည့်ပြီးမွှေပေးပါ
- အားလုံး ၂မိနစ်လောက် ချက်ပေးပြီးပါက ကြက်ဥပုဇွန်ခြောက်နှပ် ချိုချိုမွှေးမွှေးလေးကို စားသုံးရန် ပြင်ဆင်နိူင်ပါပြီ။
No comments:
Post a Comment