ထမင်းမစားချင်တဲ့ ရက်တွေမှာ အခုလို ကော်ပြန့်လိပ်လေးတွေ လုပ်စားရတာ စားလို့အရမ်းကောင်းပါတယ် လုပ်နည်းလေးကလဲ လွယ်ကူမြန်ဆန်တာမို့လို့ စားချင်စိတ်ပေါ်လာရင် လုပ်စားနိူင်အောင် မာမာပြင်ဆင်ထားတဲ့ နည်းလေးကို မျှဝေပေးလိုက်ပါတယ်ရှင်။
ပါဝင်ပစ္စည်းများ
- အသားများသော ဝက်သား - 200 g
- ဆား - လက်ဖက်ရည်ဇွန်း သုံးပုံးတစ်ပုံ
- နနွင်းမှုန့် လက်ဖက်ရည်ဇွန်း သုံးပုံတစ်ပုံ
- အရသာမှုန့် - လက်ဖက်ရည်ဇွန်း တစ်ဝက်
- ဆီ - ထမင်းစားဇွန်း ၂ဇွန်း
- အခွံခွာပြီး ရေဆေးကာ ပုံပါအတိုင်း ခြစ်ထားသော မုံလာဥနီ - တစ်ဥ
- ရေဆေးကာ ပုံပါအတိုင်း လှီးထားသော ဂေါ်ဖီအကြွတ် - တစ်ခြမ်း
- ရေဆေးထားသော ဆလတ်ရွက် - တစ်ပင်
- အသင့်သုံးနိူင်သော မုန့်ဟင်းခါးဖတ် - တရုတ်ဟင်းပြင်ပန်းကန် တစ်လုံးစာ
- Rice paper - ၁၂ရွက်
- ဝက်သားကို ရေဆေးပြီး လက်တစ်လုံးသာသာ အမြှောင်းလေးတွေ လှီးပေးပါ
- လှီးပြီးတာနဲ့ ဆား နနွင်း အရသာမှုန့်တို့နယ်ကာ နာရီဝက်လောက် နှပ်ထားပါ
- ပြီးတာနဲ့ အောက်ခြေမကပ်သော ဒယ်အိုးခပ်ပြားပြားထဲမှာ ဆီအနည်းငယ်ထည့်ပြီး ၁၅မိနစ်လောက် အိုးပူတိုက်ပေးပါ
- အိုးပူတိုက်နေစဉ် အကျက်ညီစေရန် မကြာမကြာ လှည့်ပေးပါ
- ကျက်ပြီဆိုတာနဲ့ အအေးခံထားပါ
- ဝက်သား အေးတာနဲ့ ဆန်ပြားရွက်ကို ရိုးရိုးရေအေးနှင့် ပန်းကန်ပြား တစ်ချပ်ထဲထဲ့ပြီး စက္ကန့်၂၀လောက်ဘဲ ပျော့လာတဲ့ထိ စိမ်လိုက်ပါ
- ရေစိမ်ပြီးတာနဲ့ ပန်းကန်ပြား တစ်ချပ်ပေါ် ဖြန့်တင်ပြီး ခင်းပေးပါ
- ဆန်ပြားရွက်ပေါ်မှာ မိမိနှစ်သက်သလို အရွက်များနှင့် မုန့်ဟင်းခါးဖတ်များကို ခင်းထည့်ပေးကာ ဝက်သားချောင်းကို ထည့်ပေးပါ
- ကော်ပြန့်လိပ်လို့ လွယ်ကူစေရန် အစာများကို အနေတော်ဘဲ ထည့်ပေးပါ
- ပုံထားသော အစာများဧ။် အောက်ဖက်မှ အစာကိုအုပ်ပြီး စလိပ်ပေးပါ
- ဘေးနှစ်ဖက်ကို အစာအပေါ်ကို တစ်စဆီ ခေါက်ပေးပါ
- နောက်ထပ်အောက်ဖက်မှ အလိပ်ပုံစံ ရတဲ့အထိ ဆက်တိုက်လိပ်ပေးသွားပြီးရင် ရပါပြီ
- ကော်ပြန့်စိမ်း အပြင်သား ထူထူလေးရအောင် လိပ်ပြီးသား အလိပ်များကို နောက်ထပ်ဆန်ပြားဖတ် တစ်ရွက်ဆီကို ရေစိမ်ပြီး ထပ်လိပ်ပေးပါက လှီးတဲ့အခါ လှီးလို့ကောင်းသလို စားလို့လဲ ပိုပြီးကောင်းပါတယ်
- အားလုံး လိပ်ပြီးပြီဆိုတာနဲ့ ဝက်သား ကော်ပြန့်လိပ်ကို မိမိနှစ်သက်သော အချဉ်ရည်နှင့် တွဲဖက်ကာ သုံးဆောင်နိူင်ပါပြီ။
No comments:
Post a Comment