ဝါတွင်းကာလ သတ်သတ်လွတ် စားရအောင် ဒီနေ့တော့ မှိုချဉ်လေး ချက်ဖြစ်ပါတယ် မှိုချဉ်လို့ နံမည်တတ်ပေမဲ့ လတ်လတ်ဆတ်ဆတ် မှိုကိုဘဲသုံးပြီး ချက်တာဖြစ်ပါတယ်။
ကောက်ညှင်းနဲ့ရောပြီး ချက်လိုက်တဲ့ အခါမှာတော့ ချဉ်ဖြုံ့ဖြုံ့လေးနဲ့ အင်မတန် စားလို့ကောင်းတဲ့ ဟင်းတမယ် ဖြစ်ပြီး ချက်ရတာလဲ လွယ်ကူတဲ့အတွက် ချက်စားကြည့်စေချင်ပါတယ်။
ပါဝင်ပစ္စည်းများ
- မှို - 250 g ( မိမိနှစ်သက်ရာမှိုကို သုံးနိူင်ပါတယ်)
- ကောက်ညှင်းဆန် - ထမင်းပေါင်းအိုး ဆန်ချင်ဗူး တစ်ဗူး
- ငရုတ်သီး အခြောက်တောင့် - ၅တောင့်
- ကြက်သွန်နီ - အနေတော် တစ်လုံး
- ကြက်သွန်ဖြူ - အမွှာကြီးကြီး ၂မွှာ
- ဆား - လက်ဖက်ရည်ဇွန်း တစ်ဝက်သာသာ
- ငရုတ်ကောင်းမှုန့် - လက်ဖက်ရည်ဇွန်း သုံးပုံတစ်ပုံ
- ဆီ - ထမင်းစားဇွန်း ၇ဇွန်း
- နနွင်းမှုန့် - လက်ဖက်ရည်ဇွန်း သုံးပုံတစ်ပုံ
ပြင်ဆင်ပုံ
- ကောက်ညှင်းဆန်ကို ရေဆေးထားပါ
- မှိုကို ရေဆေးကို လှီးထားပါ
- ငရုတ်သီးတောင့်ကို ရေဆေးပြီး ကြက်သွန်အဖြူအနီတို့နှင့်ရောကာ မညက်တညက် ထောင်းထားပါ
- အားလုံးအဆင်သင့် ဖြစ်တာနဲ့ အိုးတလုံးထဲကို ဆီထမင်းစားဇွန်း ၃ဇွန်းခွဲ ထည့်ပေးပါ
- ဆီပူလာတာနဲ့ ရေ ဆေးထားသော ကောက်ညှင်းဆန်ကို ထည့်ကြော်ပေးပါ
- ၂မိနစ်လောက် ကြော်ပြီးတာနဲ့ ရေမြုပ်အောင်ထည့်ပြီး ကောက်ညှင်းဆန် နူးအောင်တည်ပေးပါ
- နောက်ထပ်အိုးတလုံးမှာ ဆီထမင်းစားဇွန်း ၃ဇွန်းသာသာထည့်ပြီး နနွင်းမှုန့်ထည့်ကာ အပူပေးပါ
- ဆီပူလာတာနဲ့ ထောင်းထားသော ငရုတ်သီးထောင်းကိုထည့်ပြီး ဆီသတ်ပေးပါ
- ဆီသတ်နံ့မွှေးလာတာနဲ့ မှိုကိုထည့်ပြီး ဆီသတ်ပါ
- မှိုဆီသတ်ထဲသို့ ဆားထည့်မွှေပေးပြီး မှိုမှထွက်လာသော ရေခမ်းအောင် တည်ပေးပါ
- ရေခမ်းသွားသော မှိုဆီသတ်ကို ကောက်ညှင်းချက်ထားသော အိုးထဲသို့ ပြောင်းထည့်ပေးကာ ရေမြုပ်အောင်ထည့်ပြီး အိုးအဖုံးအုပ်ကာ တည်ပေးပါ
- အိုးမကပ်စေရန် မွှေပေးပြီး ရေခမ်းကာနီးမှာ အရသာမြည်းပြီး လိုသလိုပြင်ပေးပါ
- ရေခမ်းပြီး ဆီပြန်လာပါက ငရုတ်ကောင်းမှုန့် ဖြူးပေးကာ သမအောင် မွှေပေးပါ
- ပြီးတာနဲ့ မွှေးပြီးစားလို့အရမ်းကောင်းတဲ့ မှိုချဉ်ဟင်းကို သုံးဆောင်နိူင်ပါပြီ။
- ငရုတ်သီးစိမ်း နှစ်သက်ပါက ဆီမပြန်ခင် ငရုတ်သီးစိမ်းကို အုပ်ပေးနိုင်ပါတယ် မာမာက ငရုတ်သီးအခြောက်တောင့် ပိုထည့်ထားတဲ့အတွက် ငရုတ်သီးစိမ်းမအုပ်ဘဲ ချက်ထားပါတယ်။
No comments:
Post a Comment