ဒီနေ့တော့ ဒညင်းသီး လက်ဖက်ထမင်းနယ်လေး လုပ်စားဖြစ်ပါတယ် ဒညင်းသီးက ကျန်းမာရေးနဲ့ မညီညွတ်ပေမဲ့ တန်ဆေးလွန်ဘေး ဆိုသလိုပါဘဲ တော်ရုံသင့်ရုံ စားလို့ရပါတယ်။
ဒညင်းသီး လက်ဖက်ထမင်းနယ်လေးက ရေနွေးပူပူလေးနဲ့ အင်မတန်မှ လိုက်ဖက်ပါတယ် ဒါကြောင့်မို့လို့ မာမာပြင်ဆင်ပြီး အရသာ တစ်မျိုးလေးနဲ့ စားလို့ကောင်းလွန်းတဲ့ ဒညင်းသီး လက်ဖက်ထမင်းနယ် လုပ်နည်လေးးကို မျှဝေလိုက်ပါတယ်ရှင်။
ပါ၀င်ပစ္စည်းများ
- လက်ဖက်အသား - ဟင်းပြင်ပန်းကန် အလတ် တစ်လုံးစာ
- ထမင်း - ဟင်းပြင်ပန်းကန် အလတ်တစ်လုံးစာ
- ဒညင်းသီး - ဆယ်လုံး
- ထန်းလျှက်ခဲ - နှစ်လုံး
- ဆား - လက်ဖက်ရည်ဇွန်း တစ်ဝက်သာသာ
- အရသာမှုန့် - လက်ဖက်ရည်ဇွန်း တစ်ဝက်သာသာ
- ပုဇွန်ခြောက်မှုန့် - ထမင်းစားဇွန်း သုံးဇွန်း
- ပဲဆီစိမ်း - လက်ဖက်အသား ခပ်စိုစိုလေး ရနေအောင် များများ သုံးပေးပါ
လက်ဖက်အသား အရသာနယ်ရန်
- ဒညင်းသီးနှင့် ထန်းလျှက်ခဲကို အိုးထဲထည့်ကာ ရေခပ်များများထည့်ပြီး နူးနေအောင် ပြုပ်ပေးထားပါ
- ပြုပ်ထားသော ဒညင်းသီးများ နူးပါက ဒညင်းသီးကို မထူမပါးလေးတွေ လှီးထားပါ
- လက်ဖက်အသားကို ဆားနှင့်နယ်ပြီး ရေလေးထပ်လောက်ဆေးကာ ရေကုန်အောင် ညှစ်ပေးပါ
- ဇလုံကျယ်ကျယ် တစ်လုံးထဲမှာ လက်ဖက်အသား ပုဇွန်ခြောက်မှုန့် အရသာမှုန့် ဆား နှင့်ဆီတို့ထည့်ကာ ခပ်ဖွဖွ နယ်ပေးထားပါ
ထမင်းနယ်ရန်
- ဇလုံတစ်လုံးထဲမှာ ထမင်းနှင့် လက်ဖက် အရသာ နယ်ပြီးသားတို့ကို ထည့်ပေးပါ
- လက်ဖက်အသား အရသာ နယ်ပြီးသားထဲမှာ ဆီပါပြီးသား ဖြစ်တဲ့အတွက် ဆီထပ်ထည့်စရာ မလိုပါ
- ပြီးတာနဲ့ ထမင်းကို ခပ်ဖွဖွလေး နယ်ပေးကာ အရသာ မြည်းပေးကာ မိမိစိတ်ပါကြိုက် အရသာ ရလာအောင် ပြင်ပေးပါ
- အရသာ နယ်ပြီးတာနဲ့ ဒညင်းသီး လက်ဖက်ထမင်းပြင်မည့် ပန်းကန်ထဲမှာ လက်ဖက်ထမင်း အရသာ နယ်ပြီးသားကို ခပ်ဖွဖွ ထည့်ပေးပြီး စားသုံးနိူင်ပါပြီ။
- ပိုနေသော အရသာ နယ်ပြီးသား လက်ဖက်များကို ပုလင်းသန့်သန့်ထဲမှာထည့်ပြီး ရေခဲသေတ္တာထဲမှာ ထည့်ထားပါ။
No comments:
Post a Comment