အရင်တစ်ပါတ်က ဗီယက်နမ်ဈေးကို ဈေးသွားဝယ်ရင်း ကြက်ဥ ဥသိမ်လေးတွေ ရလာတာနဲ့ ထမင်းပူပူလေးနဲ့ စားရလေအောင် အနှစ်များများနဲ့ ချက်ပါတယ် မဆလာလေးပါ အုပ်ထားတဲ့အတွက် ပိုပြီးတော့ စားလို့ကောင်းတယ်လို့ ပြောရမှာပါဘဲ။
ကြပ်ဥ ဥသိမ်လေးတွေက စားရတာ စိမ့်ပြီးအနည်းငယ် အီသယောင် ထင်ရပါတယ် တစ်ခါစားရင် အများကြီး မစားနိူင်ဘဲ သုံးလေးလုံးဆို လုံလောက်ပါတယ် ဒါကြောင့်မို့လို့ မိတ်ဆွေတွေလဲ ချက်စားနိူင်အောင် မာမာ ပြင်ဆင်ပြီး ချက်ထားတဲ့ နည်းလေးကို မျှဝေပေးလိုက်ပါတယ်ရှင်။
ပါဝင်ပစ္စည်းများ
- ကြက်ဥ ဥသိမ် - 500 g
- ကြက်သား - 150 g
- ဆား - လက်ဖက်ရည်ဇွန်း တစ်ဝက်
- နနွင်းမှုန့် - လက်ဖက်ရည်ဇွန်း တစ်ဝက်
- ငါးငံပြာရည် - ထမင်းစားဇွန်း နှစ်ဇွန်း
- ငရုတ်သီး အစိမ်းမှုန့် - လက်ဖက်ရည်ဇွန်း တစ်ဇွန်းခွဲ
- ကြက်သွန်ဖြူ - အမွှာကြီးကြီး လေးမွှာ
- ကြက်သွန်နီ - အလုံးကြီးကြီး သုံးလုံး
- ချင်း - လက်တစ်ဆစ်ခန့်
- စပါးလင် - အရင်းပိုင်း နှစ်လက်မခန့်
- မဆလာ - လက်ဖက်ရည်ဇွန်း တစ်ဇွန်း (ကြက်သားအရသာနယ်ရန်)
- မဆလာ - လက်ဖက်ရည်ဇွန်း တစ်ဇွန်း (ဟင်းအိုးထဲထည့်ရန်)
- ဆီ - ထမင်းစားဇွန်း ဆယ်ဇွန်းသာသာ
င်ပြဆင်ပုံ
- ကြက်သားကို ရေဆေးပြီး အတုံးလေးတွေ တုံးထားပါ
- ကြက်ဥလေးတွေကိုလဲ ရေဆေးပြီး ကြက်သားနှင့်ရောကာ ဆား ငံပြာရည် မဆလာ အရသာမှုန့်နှင့် နနွင်းမှုန့်တို့ထည့်ကာ အရသာဝင်အောင် နယ်ပေးထားပါ
- ကြက်သွန်ဖြူ ကြက်သွန်နီနှင့် ချင်းတိုကို အခွံခွာပြီး ရေဆေးထားပါ
- စပါးလင်ကို ရေဆေးပြီး ခပ်ပါးပါးလေးတွေ လှီးထာပါ
- ပြီးတာနဲ့ စပါးလင် ကြက်သွန်နီ ကြက်သွန်ဖြူ ချင်းနှင့် ငရုတ်သီးမှုန့်တို့ကို ညက်နေအောင် ရောပြီးထောင်းထားပါ
- အားလုံးအဆင်သင့် ဖြစ်တာနဲ့ အိုးထဲမှာ ဆီထည့်ပြီး အပူပေးပါ
- ဆီပူလာတာနဲ့ ထောင်းထားသော ငရုတ်သီးကို ထည့်ကြော်ပြီး ဆီသပ်ပေးပါ
- ငရုတ်သီးနံ့လေး မွှေးလာတာနဲ့ အရသာ နယ်ထားသော ကြက်သားနှင့် ကြက်ဥတို့ကို ထည့်မွှေပေပါ
- အထက်အောက် သမအောင် မွှေပေးပြီးတာနဲ့ ကြက်သားနှင့် ကြက်ဥလေးတွေ မာလာအောင် ခနလောက် တည်ထားပေးပါ
- ကြက်သားနှင့် ကြက်ဥလေးတွေ မာလာတာနဲ့ ရေအနည်းငယ်ထည့်ကာ အိုးအဖုံးအုပ်ပြီး တည်ပေးပါ
- အိုးမကပ်စေရန် အိုးကိုမကြာ မကြာ လှုပ်လှုပ်ပေးပါ
- အရင်ဆုံး ထည့်ထားတဲ့ ရေခမ်းလာပြီး ကြက်သားနှင့် ကြက်ဥ အသားတွေ မာကျစ်လာနဲ့ ရေမြုပ်အောင်ထည့်ပြီး အိုးအဖုံးအုပ်ကာ တည်ပေးပါ
- အိုးမကပ်စေရန် သတိထားပြီး ကြည့်ကြည့်ပေးကာ ရေခမ်းကာနီးတာနဲ့ နောက်ထပ်တစ်ရည် ထပ်ထည့်ပြီး အိုးအဖုံးအုပ်ပြီး တည်ပေးပါ
- ရေခမ်းကာနီးတာနဲ့ အရသာ မြည်းပေးပြီး လိုအပ်တဲ့ အရသာကို မိမိစိတ်ကြိုက် ရလာအောင် ပြင်ပေးပါ
- ဟင်းအိုးလဲ ဆီလည်ရေလည် အနေအထား ရလာကာ အရသာလဲ မိမိစိတ်ကြိုက် ရလာတာနဲ့ မဆလာထည့်ပြီး မွှေပေးပါ
- ပြီးတာနဲ့ မဆလာနံ့ သင်းပျံ့နေတဲ့ ကြက်သား ကြက်ဥ ဥသိမ် ဆီလည်ရေလည်ဟင်းလေးကို ထမင်းပူပူလေးနှင့် တွဲဖက်ပြီး စားသုံးရန် ပြင်ဆင်ပေးနိူင်ပါပြီ။
No comments:
Post a Comment