Monday, 5 March 2018

ဝက်သား ကော်ပြန့်လိပ်







ထမင်းမစားချင်တဲ့ ရက်တွေမှာ အခုလို ကော်ပြန့်လိပ်လေးတွေ လုပ်စားရတာ စားလို့အရမ်းကောင်းပါတယ် လုပ်နည်းလေးကလဲ လွယ်ကူမြန်ဆန်တာမို့လို့ စားချင်စိတ်ပေါ်လာရင် လုပ်စားနိူင်အောင် ပြင်ဆင်ပုံလေး မျှဝေလိုက်ပါတယ်ရှင်။

ပါ​၀င်ပစ္စည်းများ
  • အသားများသော ဝက်သား - 200 g
  • ဆား - လက်ဖက်ရည်ဇွန်း သုံးပုံးတပုံ
  • နနွင်းမှုန့် လက်ဖက်ရည်ဇွန်း သုံးပုံတပုံ
  • အရသာမှုန့် - လက်ဖက်ရည်ဇွန်း တဝက်
  • ဆီ - ထမင်းစားဇွန်း ၂ဇွန်း
  • အခွံခွာပြီး ရေဆေးကာ ပုံပါအတိုင်း ခြစ်ထားသော မုံလာဥနီ  - တဥ
  • ရေဆေးကာ ပုံပါအတိုင်း လှီးထားသော ဂေါ်ဖီအကြွတ် - တခြမ်း
  • ရေဆေးထားသော ဆလတ်ရွက် - တပင်
  • အသင့်သုံးနိူင်သော မုန့်ဟင်းခါးဖတ် - တရုတ်ဟင်းပြင်ပန်းကန် တလုံးစာ
  • Rice paper - ၁၂ရွက်
ပြင်ဆင်ပုံ
  • ဝက်သားကို ရေဆေးပြီး လက်တလုံးသာသာ အမြှောင်းလေးတွေ လှီးပေးပါ
  • လှီးပြီးတာနဲ့ ဆား နနွင်း အရသာမှုန့်တို့နယ်ကာ နာရီဝက်လောက်နှပ်ထားပါ
  • ပြီးတာနဲ့ အောက်ခြေမကပ်သော ဒယ်အိုးခပ်ပြားပြားထဲမှာ ဆီအနည်းငယ်ထည့်ပြီး ၁၅မိနစ်လောက် အိုးပူတိုက်ပေးပါ
  • အိုးပူတိုက်နေစဉ် အကျက်ညီစေရန် မကြာမကြာ လှည့်ပေးပါ
  • ကျက်ပြီဆိုတာနဲ့ အအေးခံထားပါ
  • ဝက်သား အေးတာနဲ့ ဆန်ပြားရွက်ကို ရိုးရိုးရေအေးနှင့် ပန်းကန်ပြား တချပ်ထဲထဲ့ပြီး စက္ကန့်၂၀လောက်ဘဲ ပျော့လာတဲ့ထိ စိမ်လိုက်ပါ
  • ရေစိမ်ပြီးတာနဲ့ ပန်းကန်ပြား တချပ်ပေါ်ဖြန့်တင်ပြီး ခင်းပေးပါ
  • ဆန်ပြားရွက်ပေါ်မှာ မိမိနှစ်သက်သလို ရွက်များနှင့် မုန့်ဟင်းခါးဖတ်များ ခင်းထည့်ပေးကာ ဝက်သားချောင်းကို ထည့်ပေးပါ
  • ကော်ပြန့်လိပ်လို့ လွယ်ကူစေရန် အစာများကို အနေတော်ဘဲ ထည့်ပေးပါ  
  • ပုံထားသော အစာများဧ။် အောက်ဖက်မှ အစာကိုအုပ်ပြီး စလိပ်ပေးပါ
  • ဘေးနှစ်ဖက်ကို အစာအပေါ်ကို တစဆီ ခေါက်ပေးပါ
  • နောက်ထပ်အောက်ဖက်မှ အလိပ်ပုံစံရတဲ့အထိ ဆက်တိုက်လိပ်ပေးသွားပြီးရင် ရပါပြီ
  • ကော်ပြန့်စိမ်းအပြင်သား ထူထူလေးရအောင် လိပ်ပြီးသား အလိပ်များကို နောက်ထပ်ဆန်ပြားဖတ် တရွက်ဆီကို ရေစိမ်ပြီး ထပ်လိပ်ပေးပါက လှီးတဲ့အခါ လှီးလို့ကောင်းသလို စားလို့လဲ ပိုပြီးကောင်းပါတယ်
  • အားလုံး လိပ်ပြီးပြီဆိုတာနဲ့ ဝက်သား ကော်ပြန့်လိပ်ကို မိမိနှစ်သက်သော အချဉ်ရည်နှင့် တွဲဖက်ကာ သုံးဆောင်နိူင်ပါပြီ။

No comments:

Post a Comment