Monday, 3 October 2016

Zuchini ​ကြော်​ချက်​





အရည်သောက် ဟင်းတမယ်အတွက် ဘာချက်ရင်ကောင်းမလဲ စဉ်းစားမိတိုင်း ကိုယ်စားနေကျ မဟုတ်တဲ့ အသီးအနှံတွေ ကြားထဲမှာ ချာချာလည်ခဲ့ရပေမဲ့ ဒီနေ့တော့ ဗူးသီးကြော်ချက်လိုဘဲ စားလို့ကောင်းစေတဲ့ Zuchini ကြော်ချက်လေး ချက်ဖြစ်လို့ ချက်နည်းလေး မျှဝေလိုက်ပါတယ်။

ပါဝင်ပစ္စည်းများ
  • Zuchini - အနေတော် တလုံး
  • ကြက်သွန်ဖြူ အမွှာကြီးကြီး ၂မွှာ
  • ခနောကြက်သားမှုန့် - လက်ဖက်ရည်ဇွန်း မောက်မောက် တဇွန်း
  • ဆား - လက်ဖက်ရည်ဇွန်း တ၀က်
  • ငရုတ်ကောင်းမှုန့် - လက်ဖက်ရည်ဇွန်း သုံးပုံတပုံ
  • ဆီ - ထမင်းစားဇွန်း တဇွန်း
  • နနွင်းမှုန့် - လက်ဖက်ရည်ဇွန်း လေးပုံတပုံ
ပြင်ဆင်ပုံ
  1. Zuchiniကို ထိပ်နှစ်ဖက်ဖြတ်ပြီး အလုံးလိုက် ရေဆေးပေးပါ
  2. ရေဆေးပြီးမှ ထက်ခြမ်းခြမ်းကာ ခပ်ထူထူလေး လှီးပေးပါ
  3. ကြက်သွန်ဖြူကို အခွံခွာပြီး ဓါးပြားရိုက်ထားပါ
  4. ဇောက်နက်သော အိုးကိုအပူပေးပြီး ဆီနှင့်နနွင်းမှုန့်ကို ထည့်ပေးပါ
  5. ဆီအငွေ့တက်လာတာနဲ့ ကြက်သွန်ဖြူကို နွမ်းတယ်ဆိုရုံလေး ကြော်ပေးပါ
  6. ကြက်သွန်များ နွမ်းလာတာနဲ့ လှီးထားသော Zuchiniကို ထည့်ကြော်ပါ
  7. Zuchiniကို နွမ်းအောင်ကြော်ပြီးတာနဲ့ ရေ တရုတ်ဟင်းရည်သောက် ပန်းကန်လုံး တလုံးခွဲနှင့် ကြက်သားမှုန့်တို့ကာ ရေပွက်ပွက်ဆူအောင် တည်ပေးပါ
  8. ရေဆူပြီး Zuchini နူးအိလာတာနဲ့ ငရုတ်ကောင်းမှုန့်နှင့် ဆားထည့်မွှေကာ အရသာမြည်းပြီး လိုသလိုပြင်ကာ ငါးငပိချက် တို့စရာနှင့် အသားလုံးကြော်တို့နှင့် တွဲဖက်ကာ သုံးဆောင်နိူင်ပါပြီ။

No comments:

Post a Comment