Friday, 21 October 2016

ခဝဲသီးဟင်း ချိုချိုလေး





ခြံထွက်ခ၀ဲသီးလေးတွေ စားရပြီဆိုတော့ အရည်သောက် ဟင်းလေးတမယ် မြိုင်မြိုင်ဆိုင်ဆိုင်လေး ချက်ဖြစ်ပြန်ပါတယ် လွယ်ကူမြန်ဆန်တဲ့ ချက်နည်းလေးဖြစ်ပြီး ထမင်းစား မိန်စေတဲ့အတွက် ချက်နည်းလေး မျှဝေလိုက်ပါတယ်။

ပါဝင်ပစ္စည်းများ

  • ခ၀ဲသီး - အနေတော် လေးတောင့်
  • ကြက်သွန်ဖြူ အမွှာကြီးကြီး ၂မွှာ
  • ကြက်သွန်နီ - အနေတော် တခြမ်း
  • ဆား - လက်ဖက်ရည်ဇွန်း တ၀က်
  • ငရုတ်ကောင်းမှုန့် - လက်ဖက်ရည်ဇွန်း သုံးပုံတပုံ
  • ဆီ - ထမင်းစားဇွန်း တဇွန်းခွဲ
  • နနွင်းမှုန့် - လက်ဖက်ရည်ဇွန်း လေးပုံတပုံ
  • ပုဇွန်ထုတ် - ၅ကောင်
ပြင်ဆင်ပုံ
  1. ခ၀ဲသီးအပေါ်ဖက်မှ အခွံဇောင်းမာမာများကို ဓါးနှင့် စိတ်ရှည်ရှည် ခြစ်ပေးပါ
  2. အခွံအားလုံး ကုန်သွားစရာမလိုဘဲ အပေါ်ယံ ကုန်သည်ထိဘဲ ခြစ်ပါ
  3. အခွံများ ခြစ်ပြီးပါက ထိပ်နှစ်ဖက်ဖြတ်ကာ အလုံးလိုက် ရေဆေးပေးပါ
  4. ရေဆေးပြီးမှ အကွင်းလိုက် ခပ်ထူထူလေး လှီးပေးပါ
  5. ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ထားပါ
  6. ကြက်သွန်နီကို အခွံခွာပြီး ရေဆေးကာ ခပ်ပါးပါး လှီးထားပါ
  7. ပုဇွန်ကို အခွံခွာပြီး ကြောဖက်မှ အမည်းကြောင်းကို ထုတ်ထားပါ
  8. ဇောက်နက်သော အိုးတလုံးထဲမှာပုဇွန် ခ၀ဲသီး ဆား ဆီ အချိုမှုန့် နနွင်းမှုန့် ကြက်သွန်ဖြူ ကြက်သွန်နီတို့ကိုထည့်ပေးကာ အရသာဝင်အောင် ခပ်ဖွဖွနယ်ပေးပါ
  9. အရသာ နယ်ပြီးတာနဲ့ ရေအနည်းငယ်ထည့်ကာ တည်ပေးပါ
  10. ဟင်းအိုး လုံးရည် ပွက်ပွက်ဆူလာတာနဲ့ ခ၀ဲသီးအစိမ်းရောင် မပြောင်းအောင် အိုးအဖုံးကို ဖွင့်ပေးကာ ရေ တရုတ်ဟင်းရည်သောက် ပန်းကန်လုံး တလုံးခွဲစာထည့်ကာ ရေပွက်ပွက်ဆူအောင် တည်ပေးပါ
  11. ရေဆူပြီး သခွားသီးနူးအိလာတာနဲ့ ငရုတ်ကောင်းမှုန့်ထည့်၍ အရသာမြည်းပြီး လိုသလိုပြင်ကာ မီးပိတ်ပေးပြီး အိုးကိုမီးဖိုပေါ်ကဖယ်ထားပြီး သုံးဆောင်နိူင်ပါပြီ

No comments:

Post a Comment