Saturday, 22 October 2016

ကန်စွန်းဥပေါင်း အိအိလေး







ကန်စွန်းဥရဲ့ ကောင်းကျိုးတွေ လိုက်ဖတ်ရင်း လူ့ကိုယ်ခန္ဓာအတွက် များစွာသော ကောင်းကျိုးတွေ အထောက်အကူ ပေးတယ်ဆိုတာ သိလာတော့ ကန်စွန်းဥကို သရည်စာတခုလို လုပ်စားမိပြန်ပါတယ်။

ကန်စွန်းဥ စားသုးံခြင်းဖြင့် အမြင်အာရုံ ဆုံးရှုံးမှု မဖြစ်ရလေအောင် ကူညီပေးပြီး 
ကျန်းမာရေးနဲ့ ညီညွတ်တဲ့အတွက် ကန်စွန်းဥကို မကြာမကြာ စားပေးသင့်တယ်လို့ ဆိုကြပါတယ်

ကန်စွန်းဥကို စားသုံးခြင်းကြောင့် ကန်စွန်းဥမှာ ခန္ဓာကိုယ်အတွင်း ရောက်သွားတဲ့အခါ  ဗီတာမင် A အဖြစ်သို့ ပြောင်းလဲပေးတဲ့ beta-carotene ပမာဏမြောက်များစွာ ပါရှိပါတယ်လို့လဲ ဆိုကြပါတယ် ကန်စွန်းဥက အမျှင်ဓာတ် အရင်းအမြစ်ကောင်းကာ ပုံမှန်အရွယ်အစားရှိတဲ့ ကန်စွန်းဥ တလုံးစားခြင်းက အမျှင်ဓာတ် ၄ ဂရမ် ရရှိစေတယ်လို့ ဆိုကြပြန်ပါတယ်။

အမြင်အာရုံ ဆုံးရှုံးမှုကို ကာကွယ်ပေးတဲ့အပြင် ဗီတာမင် A က ကိုယ်ခံအားစနစ် တိုးမြင့်စေနိုင်ပြီး မျက်စိနဲ့ အရိုးတွေ ပိုမိုပြီး ကျန်းမာစေနိုင်ပါတယ်လို့လဲ ပြောကြပြန်တဲ့အတွက် ကန်စွန်းဥကို နည်းမျိုးစုံလုပ်ပြီး စားသုံးပေးသင့်တဲ့အတွက် ဒီနေ့တော့ ငချိတ်ကန်စွန်း ကန်စွန်းဥပေါင်းနည်းလေးကို မျှဝေပေးလိုက်ပါတယ်။

ပါဝင်ပစ္စည်းများ

  • ကန်စွန်းဥ - ခပ်ကြီးကြီး တလုံး
  • ဆား - လက်ဖက်ရည်ဇွန်း တ၀က်
  • ပဲဆီ- ထမင်းစားဇွန်း ၅ဇွန်းခန့်
ပြင်ဆင်ပုံ
  • ကစွန်းဥကို အခွံခွာပြီး ရေစင်အောင်ဆေးပေးပါ
  • ရေဆေးထားသော ကန်စွှန်းဥကို ပုံပါအတိုင်း အကွင်းလိုက် လှီးပေးပါ
  • ပြီးတာနဲ့ လှီးထားသော ကန်စွန်းဥများကို ပေါင်းအိုးဇကာထဲမှာ စီပြီးထည့်ပေးပါ
  • ပေါင်းအိုးအောက်ခံအိုးထဲကို ရေတ၀က်သာသာလောက်ထည့်ပြီး ပွက်ပွက်ဆူအောင် တည်ပေးပါ
  • ပေါင်းအိုးအောက်ခံရေအိုး ပွက်ပွက်ဆူလာပါက ကန်စွန်းဥထည့်ထားသော ပေါင်းအိုးဇကာကို ရေနွေးအိုးပေါ်တင်ပြီး ပေါင်းပေးပါ
  • ကန်စွန်းဥ အမျိုးအစားပေါ်မူတည်ပြီး ပေါင်းချိန်မတူနိူင်တဲ့အတွက် အနည်းဆုံး မိနစ်၂၀လောက် ပေါင်းပေးပြီးပါက ကန်စွန်းဥကို ဒုတ်ချွန်လေးနှင့် ထိုးထိုးကြည့်ပေးပါ
  • ကန်စွန်းဥအသား ပျော့အိလာပါက မီးပိတ်ထားပြီး လက်ကျန်အပူရှိန်နှင့် မီးဖိုပေါ်မှာ တင်ထားပေးပါ
  • ကန်စွန်းဥအသား မပျော့သေးဘဲ မာဆတ်ဆတ်ဖြစ်နေပါက ပျော့လာတဲ့အထိ ပေါင်းပေးပါ
  • ပန်းကန်ခပ်သေးသေး တခုထဲမှာ ဆီနှင့်ဆားထည့်ပြီး ကန်စွန်းဥပေါင်းနှင့်တို့ကာ စားနိူင်ပါပြီ။

No comments:

Post a Comment