Saturday, 29 October 2016

အိန္ဒိယစတိုင်​လ် ကြက်​သားဟင်း







ဒီနေ့တော့ ပိတ်ရက်လေးမှာ ကြက်သားကို မွှေးမွှေးလေးချက်ကာ ပလာတာရိုက်ပြီး ပလာတာနဲ့စားဖို့ ပြင်ပါမယ် ပလာတာ လုပ်နည်းကတော့ တင်ပေးပြီးသားဖြစ်လို့ ကြက်သားဟင်း ချက်နည်းလေးဘဲ မျှဝေလိုက်ပါတယ်။

ပါဝင်ပစ္စည်းများ

  • ကြက်ပေါင်အနေတော်  - ၆ခု
  • ကြက်သွန်ဖြူ - အမွှာကြီးကြီး၇မွှာ
  • ချင်း - လက်မ၀က်ခန့်သာသာ
  • မဆလာ - ထမင်းစားဇွန်း တဇွန်း
  • ဆား - လက်ဖက်ရည်ဇွန်း တဇွန်း
  • နနွင့်မှုန့် - လက်ဖက်ရည်ဇွန်း တ၀က်
  • အချိုမှုန့် - လက်ဖက်ရည်ဇွန်း တဇွန်း
  • နံနံစေ့ - လက်ဖက်ရည်ဇွန်း တဇွန်း
  • ငရုတ်သီးစိမ်း - ၂တောင့်
  • ငရုတ်ကောင်းစေ့ - လက်ဖက်ရည်ဇွန်း တဇွန်း
  • ငရုတ်သီး အရောင်တင်မှုန့် - လက်ဖက်ရည်ဇွန်း တဇွန်း
  • သံပုရာရည် - ထမင်းစားဇွန်း တဇွန်း
  • ဆီ - ထမင်းစားဇွန်း ၇ဇွန်း
ကြက်သားနှပ်ရန် ပါဝင်ပစ္စည်းများ
  • ကြက်ပေါင်များကို ရေဆေးပြီး ထက်ဝက်ပိုင်း ခုတ်ထားပါ
  • ကြက်သွန်ဖြူကို အခွံခွာပြီး ရေဆေးကာ ခပ်နုတ်နုတ် စဉ်းထားပါ 
  • ချင်းတ၀က်ကို အခွံခွာထားပြီး ရေဆေးကာ ညက်နေအောင် ထောင်းပေးပါ
  • မဆလာ ဆား နနွင်းမှုန့်နှင့် အချိုမှုန့်တို့ကို ပြင်ထားပါ
  • အားလုံးအဆင်သင့် ဖြစ်တာနဲ့ ဇလုံတလုံးထဲမှာထည့်ပြီး အရသာဝင်အောင် နယ်ပေးကာ ရေခဲသေတ္တာထဲမှာ တနာရီလောက် နှပ်ထားပါ
ဟင်းချက်ရန် ပြင်ဆင်ပုံ
  • ကြက်သွန်နီကို အခွံခွာပြီး ရေဆေးကာ ခပ်နုတ်နုတ် လှီးထားပါ
  • ငရုတ်သီးစိမ်းကို ထက်ခြမ်းခြမ်းပြီး အစေ့များ ထုတ်ထားပါ
  • ကျန်နေသောချင်းတ၀က်ကို ညက်နေအောင် ထောင်းထားပါ
  • ငရုတ်ကောင်းစေ့ကို ညက်အောင်ထောင်းထားပါ
  • သံပုရာရည်ကို အဆင်သင့်ပြင်ထားပါ
  • ဆီနှင့် ငရုတ်သီးအရောင်တင်မှုန့်ကို ပြင်ထားပါ
  • ဟင်းမချက်ခင် အရသာနယ်ထားသော ကြက်သားများကို ရေခဲသေတ္တာထဲမှ ထုတ်ထားပါ
  • ဒယ်အိုးထဲ ဆီထည့်ပြီး ဆီပူလာတာနဲ့ ကြက်သွန်နီကို ထည့်ပေးကာ အညှိရောင်သန်းလာတဲ့အထိ ကြော်ပေးပါ
  • ပြီးတာနဲ့ ငရုတ်သီးစိမ်း ချင်း နံနံစေ့ ငရုတ်သီးမှုန့်တို့ထည့်ပြီး ၅ချက်လောက် ဆက်တိုက်မွှေပးပါ
  • ပြီးမှ အရသာဝင်အောင် နှပ်ထားသော ကြက်ပေါင်များကို ဆီသတ်ထားသော ဒယ်အိုးထဲထည့်ပြီး ရောမွှေပေးပါ
  • ကြက်သားအသားများ မာပြီးတင်းလာတော့မှ ငရုတ်ကောင်းမှုန့်ထည့်မွှေပေးပါ ပြီးမျွှ ကြက်သားမြုပ်ရုံ ရေထည့်ပြီး ပွက်လာအောင် တည်ပေးပါ
  • အိုးအဖုံးကို အုပ်ပြီး မီးနည်းနည်းဖြင့် ကြက်သားနူးအိလာသည် အထိတည်ထားပေးပါ
  • ကြက်သား နူးအိပြီး ဆီမပြန်ခင် ဆီလည်ရေလည်လေး ရလာလျှင် သံပုရာရည်နှင့် မာဆလာ လက်ဖက်ရည်ဇွန်း ၁ဇွန်းထည့်ပြီး သမအောင်ရောမွှေကာ အိုးအဖုံးပြန်အုပ်ထားပြီး မီးပိတ်ထားပေးပါ
  • ဆီမပြန်ခင် ဆီလည်ရေလည်လေး ရပြီဆိုတာနဲ့ အရသာရှိလွန်းတဲ့ အိန္ဒိယစတိုင်လ် ကြက်သားဆီပြန် ဟင်းကို ပလာတာနှင့် တွဲဖက်ကာ နှစ်သက်ရာ အချဉ်တို့ ပြင်ပေးပြီး သုံးဆောင်နိူင်ပါပြီ။



No comments:

Post a Comment