ဒီနေ့တော့ အေးရှန်းဆိုင်က အစေ့ထုတ်ပြီးသား ဇီးသီးအခြောက်လေးတွေ ဝယ်လာပြီးတော့ ဇီးယိုလေးထိုး ဖြစ်ပါတယ်။
ဒါကြောင့်မို့လို့ လိုတာလေးတွေ ပြင်ဆင်ကာ ချိုချဉ်စပ်နေတဲ့ ဇီးယိုလေး ထိုးဖြစ်တဲ့အတွက် ယိုထိုးနည်းလေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ
- တရုတ်ဇီးသီးခြောက် - 300 g
- ထန်းလျှက်ခဲ - 200 g
- ငရုတ်သီးအကြမ်းမှုန့် - လက်ဖက်ရည်ဇွန်းမောက်မောက် ၂ဇွန်း
- ဆား - လက်ဖက်ရည်ဇွန်း တစ်ဝက်
- လေးညှင်း - ၄ပွင့်
- သစ်ဂျပိုးခေါက် - ၂လက်မခန့်
- ဖာလာ - ၄စေ့
- နာနတ်ပွင့် -၂ပွင့်
- ဇီယာစေ့ - လက်ဖက်ရည်ဇွန်း တစ်ဇွန်း
ပြင်ဆင်ပုံ
- တရုတ်ဇီးသီးခြောက်ကို ရေတနာရီလောက်စိမ်ထားပြီး အသီးများ ပျော့လာပါက ရေစစ်ထားပါ
- ရေစစ်သွားပါက ပေါင်းဇကာထဲကို ထည့်ပေးပါ
- ပေါင်းအိုးအောက်ခံအိုးကို ရေတဝက်သာသာ ဖြည့်ပြီး ဆူအောင်တည်ပေးကာ ပေါင်းဇကာကိုတင်ကာ မိနစ်၂၀လောက် ပေါင်းပေးပါ
- ထန်းလျှက်ခဲကို ရေမြုပ်အောင်ထည့်ပြီး ခပ်ကျဲကျဲ ကျိုပေးပါ
- ထန်းလျှက်ခဲများ ပျော်လာတာနဲ့ ထန်းလျှက်ရည်ထဲမှ အမှိုက်များကို အဝတ်ပါးနှင့်စစ်ပြီး ထန်းလျှက်ရည်ကို ဇောက်နက်ပြီး အိုးအသားထူသော အိုးထဲပြန်ထည့်ပေးပါ
- ထန်းလျှက်ရည်ထဲသို့ ငရုတ်သီးမှုန့် ဆား သစ်ဂျပိုးခေါက် လေးညှင်း ဖာလာ စမုံစပါး ဇီးသီးတို့ထည့်မွှေပေးပြီး ရေခမ်းအောင် မီးအေးအေးနှင့်မွှေပေးပါ
- ရေခမ်းပြီး ထန်းလျှက်ရည် ပေါက်စေးကျလာပါက မီးပိတ်ပြီး အအေးခံထားပါ
- ပြီးတာနဲ့ တရုတ်ဇီးယို ချိုချဉ်စပ်မွှေးလေးကို စားသုံးနိူင်ပါပြီ။
No comments:
Post a Comment