ဒါကြောင့်မို့လို့ လုပ်ရတာလွယ်ကူပြီး စားလို့ကောင်းလွန်းတဲ့ ဝက်သားလုံး ကောက်ညှင်းပေါင်း လုပ်နည်းလေးကို မာမာပြင်ဆင်ပြီး လုပ်ထားတဲ့ နည်းလေးကို မျှဝေပေးလိုက်ပါတယ်ရှင်။
ပါဝင်ပစ္စည်းများ
- ဝက်သား - 500 g (pork mince ကို သုံးထားပါတယ်)
- ကောက်ညှင်းဆန် - ထမင်းပေါင်းအိုး ဆန်ချင်ဗူး တစ်ဗူး
- ဆား - လက်ဖက်ရည်ဇွန်း တစ်ဝက်သာသာ
- အရသာမှုန့် - လက်ဖက်ရည်ဇွန်း တစ်ဝက်သာသာ
- နနွင်းမှုန့် - လက်ဖက်ရည်ဇွန်း တစ်ဝက်
- ခရုဆီ - ထမင်းစားဇွန်း တစ်ဇွန်းခွဲ
- ဆီ - ထမင်းစားဇွန်း သုံးဇွန်း
- ငရုတ်ကောင်းမှုန့် - လက်ဖက်ရည်ဇွန်း လေးပုံတစ်ပုံ
- ကြက်သွန်ဖြူမှုန့် -လက်ဖက်ရည်ဇွန်း တစ်ဝက်
- ချင်းမှုန့် - လက်ဖက်ရည်ဇွန်း တစ်ဝက်
- နှမ်းဆီမွှေး - လက်ဖက်ရည်ဇွန်း တစ်ဇွန်း
- ပြောင်းကော်မှုန့် - ထမင်းစားဇွန်း သုံးဇွန်း
- ကြက်သွန်မိတ် - နှစ်ပင် (ရေဆေးပြီး မထူမပါးလေးတွေ လှီးထားပါ)
- pressure cooker
ပြင်ဆင်ပြုလုပ်ပုံ
- ကောက်ညှင်းဆန်ကို ရေဆေးပြီး ရေမြုပ်အောင်ထည့်ကာ ခြောက်နာရီခန့် စိမ်ထားပါ
- ရေစိမ်ပြီးတာနဲ့ ကောက်ညှင်းဆန်များကို ရေစစ်ထားပါ
- ဇလုံတစ်လုံးထဲမှာ ကောက်ညှင်းဆန်ကလွဲပြီး ပါဝင်ပစ္စည်းများကို ထည့်ကာ သမအောင် နယ်ပေးပါ
- ဝက်သား အရသာနယ်တာ သမသွားပါက အနေတော် အလုံးလေးတွေ လုံးပေးပါ
- ပြီးတာနဲ့ အသားလုံး တစ်လုံးချင်းဆီကို ကောက်ညှင်းဆန်ထဲမှာ လှိမ့်ပေးပြီး ကောက်ညှင်းဆန်များ ကွာမကျအောင် လက်နှင့်ခပ်ဖွဖွလေး ဆုပ်ပေးပါ
- ပြီးတာနဲ့ ပေါင်းခံဇကာထဲမှာ baking paper ခင်းပေးပြီး ဝက်သားလုံးလေးတွေကို ဆန့်သလောက် ထည့်ပေးပါ
အသားပေါင်းရန်
- ပေါင်းအိုးထဲမှာ ရေအနည်းငယ်ထည့်ပြီး ပေါင်းခံခုံကို ထည့်ပေးပါ
- ထိုပေါင်းခံခုံပေါ်မှာ အသားလုံး ထည့်ထားသော ပေါင်းခံဇကာကို တင်ပေးပါ
- အိုးအဖုံး အုပ်ပြီးတာနဲ့ steam ကိုနှိပ်ကာ မိနစ်နှစ်ဆယ် ချိန်ပေးပြီး ပေါင်းပေးပါ
- အသားလုံး ပေါင်းထားချိန် ပြည့်တာနဲ့ အိုးထဲမှ လေကိုကုန်အောင် ထုတ်ပေးပြီးမှ အိုးအဖုံးကို ဖွင့်ပေးပါ
- အထက်ပါ နည်းအတိုင်း အသားလုံးလေးတွေ ကုန်တဲ့အထိ ပေါင်းပေးပါ
- ပြီးတာနဲ့ ဝက်ကောက်ညှင်းလုံးပေါင်း ပူပူလေးကို ဆလတ်ရွက် နံနံပင်တို့နှင့် စားသုံးရန် ပြင်ပေးနိူင်ပါပြီ။
Hi Ma Mar, have you started your youtube channel yet? You have one of the most variety in Burmese recipes (Also well written) and contents. I am sure you will be very successful youtuber!
ReplyDelete