ကြက်ဟင်းခါးသီးတွေ စျေးမှာတွေ့တိုင်း မဝယ်ဘဲ မနေနိူင် ဝယ်ပြီးရင်တော့ အမျိုးမျိုး လုပ်စားဖြစ်ပြန်ပါတယ် ဒီတစ်ခါတော့ ကြက်ဟင်းခါးသီးနဲ့ ပုဇွန်ခြောက်တို့ကို နှပ်ချက်လေး မျှဝေလိုက်ပါတယ်ရှင်။
ပါ၀င်ပစ္စည်းများ
- ကြက်ဟင်းခါးသီး - ခပ်ကြီးကြီး သုံးလုံး
- ပုဇွန်ခြောက် - ထောင်းပြီးသား ထမင်းစားဇွန်း သုံးဇွန်း
- နနွင်းမှုန့် - လက်ဖက်ရည်ဇွန်း သုံးပုံတစ်ပုံ
- ဆား - လက်ဖက်ရည်ဇွန်း တစ်၀က်
- အရသာမှုန့် - လက်ဖက်ရည်ဇွန်း တစ်၀က်
- ပါးပါးရိတ်ရိတ်လှီးထားသော ကြက်သွန်နီ - အနေတော် တစ်ခြမ်း
- နုတ်နုတ်စဉ်းထားသော ကြက်သွန်ဖြူ - အမွှာကြီးကြီး သုံးမွှာ
- ဆီ - ထမင်းစားဇွန်း တစ်ဇွန်း
ပြင်ဆင်ပုံ
- ကြက်ဟင်းခါးသီးကို အလယ်မှအရှည်လိုက် ထက်ခြမ်းခွဲ၍ အစေ့များဖယ်ကာ အရှည်လိုက် လေးခြမ်းခြမ်းပေးပါ
- ပြီးတာနဲ့ ပုံပါအတိုင်း ခပ်ထူထူလေးတွေ လှီးပေးပါ
- အားလုံးလှီးပြီးပါက ရေစင်အောင်ဆေးပြီ ရေစစ်ထားပါ
- ကြိတ်ထားသော ပုဇွန်ခြောက်မှုန့်ကို ပြင်ထားပါ
- ကြက်သွန်နီကို အခွံခွာပြီး ရေဆေးကာ ပါးပါးရိတ်ရိတ်လှီးပါ
- ကြက်သွန်ဖြူကို အခွံခွာပြီး နုတ်နုတ်စဉ်းထားပါ
- အားလုံး အဆင်သင့်ဖြစ်ပါက ဆီကိုအပူပေးပြီး ဆီပူလာတာနဲ့ နနွင်းမှုန့်ထည့်ပါ
- ပြီးတာနဲ့ကြက်သွန်ဖြူ ကြက်သွန်နီကို နွမ်းသွားအောင် ကြော်ပေးပါ
- ကြက်သွန်အဖြူ အနီနွမ်းပြီဆိုတာနဲ့ ပုဇွန်ခြောက်ကို မိနစ်ဝက်လောက်ထည့်ကြော်၍ ကြက်ဟင်းခါးသီး ထည့်ကြော်ပါ
- ဆား အရသာမှုန့်တို့ ထည့်မွှေပြီး တမိနစ်လောက်ပြည့်တာနဲ့ ရေ မြုပ်လောက်သည်ထိထည့်ပေးပြီး အားလုံးကို သမအောင်မွှေကာ အိုးအဖုံးအုပ်ပေးပြီး နှပ်ပေးပါ
- ကြက်ဟင်းခါးသီး အိုးမကပ်စေရန်နှင့် လှီးထားသော အတုံးလေးများ ပုံစံမပျက်စေရန် ဟင်းအိုးကို မမွှေဘဲ လှုပ်လှုပ်ပေးပါ
- ရေမခမ်းခင် အရသာမြည်းပြီး လိုသောအရသာကို ပြင်ပေးပါ
- ဆီသံကြားပြီး ထဲ့ထားသော ရေများခမ်းလာတာနဲ့ ကြက်ဟင်းခါးသီးနှပ် စားဖို့ပြင်ဆင်နိုင်ပါပြီ။
No comments:
Post a Comment