သာခွေယိုင်တဲ့ ဘာလို့ခေါ်သလဲတော့ မာမာမသိပါဘူး ဒါပေမဲ့ ကောက်ညှင်းငချိတ်ကို အုန်းနို့နဲ့ စားရတာတော့ အရသာက အလွန်ကောင်းလွန်းပါတယ်။
ဒါကြောင့်မို့လို့ မာမာပြင်ဆင်ပြီး လုပ်ထားတဲ့ သာခွေယိုင် လုပ်နည်းလေးကို မျှဝေပေးလိုက်ပါတယ်ရှင်။
ပါဝင်ပစ္စည်းများ
- ကောက်ညှင်းငချိတ် - ထမင်းပေါင်းအိုး ဆန်ချင်ဗူး နှစ်ဗူး
- ရေ - ထမင်းပေါင်းအိုး ဆန်ချင်ဗူး ခြောက်ဗူး (ကောက်ညှင်းချက်ရန်)
- ဆား - လက်ဖက်ရည်ဇွန်း လေးပုံတစ်ပုံ
- သကြားအညို - ထမင်းစားဇွန်း ဆယ်ဇွန်း
- အုန်းနို့ - 400 ml
- ရေ ထမင်းပေါင်းအိုး ဆန်ချင်ဗူး သုံးဗူး (အုန်းနို့ကျိုရန်)
- ဆွမ်းမွှေးရွက် - သုံးရွက်
- သကြား - ထမင်းစားဇွန်း လေးဇွန်း
- ထမင်းပေါင်းအိုး - တစ်လုံး
ပြုလုပ်နည်း
- ကောက်ညှင်းငချိတ်ဆန်ကို ရေဆေးပြီး ထမင်းပေါင်းအိုးထဲကို ထည့်ထားပါ
- ရေကို ထမင်းပေါင်းအိုး ဆန်ချင်ဗူး ခြောက်ဗူး သကြားနှင့်ဆားတို့ထည့်ကာ ကောက်ညှင်း မချက်ခင် ရှစ်နာရီလောက် ကြိုပြီး ရေစိမ်ထားပါ
- မာမာကတော့ မနက်စောစော ချက်ချင်လို့ ညဘက်ထဲက ကောက်ညှင်းဆန်ကို ရေစိမ်ထားပါတယ်
- မနက်ပိုင်း ရောက်တာနဲ့ ထမင်းပေါင်းအိုး ခလုတ်ကိုနှိပ်ပြီး ချက်ပေးပါ
- ကောက်ညှင်း ချက်ထားတာ ကျက်သွားပါက ပေါင်းအိုးအနွေးဓါတ်လေးနဲ့ နှပ်ထားပေးပါ။
- အိုးတစ်လုံးထဲမှာ အုန်းနို့ ရေ ဆွမ်းမွှေးရွက်နှင့် သကြားတို့ထည့်ကာ မီးဖိုပေါ်တင်ပြီး သကြားများ အရည်ပျော်သွားတဲ့အထိ တည်ပေးပါ
- သာခွေယိုင်ကို စားကာနီးမှ ချက်ထားသော ကောက်ညှင်းငချိတ်ကို ပန်းကန်ထဲ ထည့်ပေးပါ
- ပြီးတော့မှ ဆွမ်းမွှေးနံ့ မွှေးမွှေးလေးနဲ့ အုန်းနို့ကိုဆမ်းပြီး သုံးဆောင်နိုင်ပါပြီ။
No comments:
Post a Comment