မာမာဒီနေ့တော့ ငှက်ပျောဖူးကို ချဉ်ငံစပ်လေး သုပ်ပါတယ် ဒါကြောင့်မို့လို့ ထမင်းပူပူလေးနဲ့ လိုက်ဖက်ပြီး စားလို့ကောင်းလွန်းတဲ့ ငှက်ပျောဖူး သုပ်နည်းလေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ
- ငှက်ပျောဖူး - အနေတော် တစ်ဖူး
- ပဲအကျက်မှုန့် - ထမင်းစားဇွန်း တစ်ဇွန်းမောက်မောက်
- ငါးငံပြာရည် - ထမင်းစားဇွန်း တစ်ဇွန်း
- ကြက်သွန်ဖြူဆီချက်အဖတ် - ထမင်းစားဇွန်း တစ်ဇွန်း
- ဆီနီ ဆီချက် - ထမင်းစားဇွန်း နှစ်ဇွန်း
- ကြက်သွန်နီ - အနေတော် တစ်ခြမ်း
- ငရုတ်သီး အလှော်မှုန့် - စားနိူင်သလောက်
- ငရုတ်သီးစိမ်း - စားနိူင်သလောက်
- နံနံပင် - အနေတော် တစ်ပင်
- သံပုရာသီး - တစ်ခြမ်း
- အရသာမှုန့် - လက်ဖက်ရည်ဇွန်း တစ်၀က်သာသာ
- ပုဇွန်ခြောက်မှုန့် - ထမင်းစားဇွန်း တစ်ဇွန်း
- ပဲကြာဇံ - လက်တစ်ဆုတ်စာ
- အာလူး - အနေတော် နှစ်လုံး
ငှက်ပြောဖူး ပြုပ်ရန် ပြင်ဆင်ပုံ
- ငှက်ပျောဖူးမှ ရင့်နေသော အဖတ်များနှင့် မလိုတာတွေကို ဖယ်ပေးပြီး ရေစင်အောင် ဆေးထားပါ
- ပြီးတာနဲ့ ငှက်ပျောဖူးကို ထက်ဝက်ခြမ်းပြီး ဗနီကာ ခပ်များများနှင့် ရေမြုပ်အောင်ထည့်ကာ နာရီဝက်လောက် စိမ်ထားပါ
- ရေစိမ်ပြီးတာနဲ့ ထိုအရည်များ သွန်ပေးကာ အနေတော် အိုးတစ်လုံးထဲမှာ ရေခပ်များများနှင့် မန်ကျည်းသီးမှည့် ထည့်ပြီး မီးဖိုပေါ်တင်ကာ ပွက်ပွက်ဆူအောင် တည်ပေးပါ
- ရေပွက်ပွက် ဆူလာပြီးတာနဲ့ ငှက်ပျောဖူးများကို နူးတဲ့အထိ ပြုပ်ပေးပါ
- နူးအိနေအောင် ပြုပ်ပြီးပါက ရေနွေးများသွန်ကာ ရေအေးနဲ့ဆေးပြီး ရေများကိုသွန်ကာ ရေစစ်ပေးပါ
- ရေစစ်သွားပါက အနေတော်လေးတွေ ရလာအောင် လှီးပေးထားပါ
အသုပ်သုပ်ရန် ပြင်ဆင်ပုံ
- ငှက်ပျောဖူးကို မထူမပါးလေးတွေ လှီးထားပါ
- နံနံပင်ကို ရေဆေးပြီး မထူမပါး လှီးထားပါ
- ငရုတ်သီးစိမ်းကို ရေဆေးပြီး ခပ်ပါးပါး လှီးထားပါ
- ကြက်သွန်နီကို အခွံခွာပြီး အလုံးလိုက် ရေဆေးကာ ခပ်ပါးပါး လှီးထားပါ
- အာလူးကို နူးအောင်ပြုပ်ပြီး အခွံခွါထားပါ
- ပဲကြာဇံကို ရေနွေးနှင့် တစ်နာရီလောက် စိမ်ပေးကာ ရေစစ်ထားပါ
- ကျန်သော ပါ၀င်ပစ္စည်းများကို အဆင်သင့် ပြင်ထားပါ
- အားလုံးအဆင်သင့် ဖြစ်တာနဲ့ ဇလုံကျယ်ကျယ်ထဲမှာ လှီးထားသော ငှက်ပျောဖူး ကြက်သွန်နီ ပုဇွန်ခြောက်မှုန့် ပဲအကျက်မှုန့် ငရုတ်သီးမှုန့် အရသာမှုန့် ကြက်သွန်နီဆီချက် ကြက်သွန်ဖြူ ဆီချက်ဖတ် ငါးငံပြာရည်နှင့် သံပုရာရည်တို့ထည့်ပြီး ခပ်ဖွဖွ နယ်ပေးပါ
- နယ်ဖတ်ပြီး အရသာ သမသွားပါက အရသာမြည်းပြီး မိမိစိတ်ကြိုက် လိုသလို ပြင်ပေးကာ ချဥ်ငံစပ် ငှက်ပျောဖူး အသုပ်လေးကို နှစ်သက်သလို စားသုံးနိူင်ပါပြီ။
No comments:
Post a Comment