ပါ၀င်ပစ္စည်းများ
- အမဲသား - တစ်ကီလို
- ချင်း - ခပ်ပါးပါး ငါးပြား
- စပါးလင် - တစ်ပင်
- သံပုရာသီး - နှစ်လုံး
- နနွင်းမှုန့် - လက်ဖက်ရည်ဇွန်း တစ်ဝက်သာသာ
- အချိုမှုန့် - လက်ဖက်ရည်ဇွန်း တစ်ဇွန်း
- ဆား - လက်ဖက်ရည်ဇွန်း တစ်ဇွန်း
- ကြက်သွန်နီ ဥကြီးကြီး - သုံးလုံး
- ပျဥ်းတော်သိမ်းရွက် - အနေတော် ငါးခက်
- ကြက်သွန်ဖြူ အမွှာကြီးကြီး ငါးမွှာ
- ငရုတ်သီး လုံးခြမ်းခွဲ - ထမင်းစားဇွန်း သုံးဇွန်း
- မဆလာ - ထမင်းစားဇွန်း တစ်ဝက်
- ဆီ - လိုသလောက် သုံးပေးပါ
- Pressure cooker
ကြက်သွန်ကြော်ပုံ
- ကြက်သွန်နီကို အခွံခွာပြီး ရေဆေးကာ ခပ်ပါးပါး လှီးထားပါ
- ကြက်သွန်ဖြူကို အခွံခွာကာ ရေဆးပြီး ဒါးပြားရိုက်ထားပါ
- ပျဉ်းတော်သိမ်းရွက်ကို ရေဆေးကာ အညှာခြွေထားပါ
- ဒယ်အိုးထဲမှာ ဆီနှင့် နနွင်းမှုန့်ထည့်ပြီး အပူပေးပါ
- ဆီပူလာပါက ကြက်သွန်နီကို ရွှေဝါရောင် သန်းလာအောင် ကြော်ပေးပြီး ဆယ်ကာ ဆီစစ်ထားပါ
- ကြက်သွန်ဖြူကိုလဲ ရွှေဝါရောင် သန်းလာအောင် ကြော်ပေးပြီး ဆယ်ကာ ဆီစစ်ထားပါ
- ပျဉ်းတော်သိမ်းရွက်ကိုလဲ မွှေးလာအောင် ကြော်ပေးပြီး ဆီစစ်ထားပါ
ပြင်ဆင်ပြုလုပ်ပုံ
- အမဲသားကို အတုံးလိုက် ရေဆေးကာ အနေတော် အတုံးလေးတွေ တုံးပေးပါ
- ချင်းကိုအခွံခွာပြီး ရေဆေးကာ ခပ်ပါးပါး လှီးထားပါ
- သံပုရာသီးကို ရေဆေးပြီး ထက်ဝက်ခြမ်းကာ အရည်ညှစ်ထားပါ
- စပါးလင်ကို ရေဆေးကာ အပင်လိုက်ကို ငရုတ်ကျည်ပွေ့နဲ့ ထုကာ ထုံးထားပါ
- အနေတော် တုံးထားတဲ့ အမဲသားများကို အချိုမှုန့် ဆား နနွင်းမှုန့် သံပုရာရည် ချင်းပြားတို့နှင့် နယ်ပြီး နာရီဝက်လောက် နှပ်ထားပါ
- အသားနှပ်ထားတာ ရပါက pressure cooker အိုးထဲမှာ အရသာ နယ်ထားတဲ့ အမဲသားများကိုထည့် ရေမြုပ်အောင်ထည့်ပေးပါ
- ပြီးတာနဲ့ ထုထားတဲ့ စပါးလင် အပင်လိုက်ထည့်ပြီး ၄၅ မိနစ် ပြုပ်ပေးပါ
- ၄၅ မိနစ် ပြည့်တာနဲ့ ရေလဲခမ်း အသားလဲ နူးလာပါပြီ
- နူးအောင်ပြုပ်ထားတဲ့ အမဲသားအိုးထဲကို ဆီထည့်ပြီး ရေအနည်းငယ် ထပ်ထည့်ကာ မီးအနေတော်နဲ့ တည်ပေးပါ
- အမဲသားအိုး တည်ထားစဉ်မှာ ယောင်းမခပ်ပြားပြားလေးနဲ့ ဖိဖိပြီး ချေပေးပါ
- အသားကြော်တာ စိတ်ကြိုက်အနေအထား ရပြီဆိုတာနဲ့ ဆယ်ထုတ်ပြီး ဇကာနဲ့ ဆီစစ်ပေးထားပါ
- အားလုံး အဆင်သင့် ဖြစ်တာနဲ့ ဆီဒယ်အိုးကို အပူပြန်ပေးပါ
- ဆီပူလာတာနဲ့ မီးခပ်မျှင်းမျှင်းထားပြီး ငရုတ်သီး လုံးခြမ်းခွဲကို အရင်ထည့်ကြော်ပေးပါ
- ငရုတ်သီး ကျက်လာတာနဲ့ မွနေအောင် ကြော်ထားသော အသားနှင့်အတူ ကြက်သွန်ကြော်များ ပျဉ်းတော်သိမ်းရွက်ကြော်နှင့် မဆလာတို့ ထည့်ကြော်ပေးပါ
- မီးအေးအေးနဲ့ နှစ်မိနစ်လောက် မွှေပေးကာ ကြွတ်ရွလာပါက မီးပိတ်ပေးကာ မီးဖိုပေါ်မှ ဖယ်ပေးပါ
- အမဲသား အမွအကြွတ်ကြော် အေးသွားပါက လေလုံပုလင်းထဲမှာ ထည့်ပေးကာ မိမိလိုသလောက် ယူကာ စားသုံးနိူင်ပါပြီ။
မှတ်ချက်။ ။ ( pressure cooker မသုံးဘဲ ရိုးရိုးအိုးနဲ့ နူးအောင်ပြုပ်ပါက အချိန်နဲနဲတော့ ပိုပေးရပါတယ်)
No comments:
Post a Comment