ဒီနေ့တော့ မာမာက သတ်သတ်လွတ် စားတဲ့နေ့ ဖြစ်တဲ့အတွက် အာလူးသေးသေးလေးတွေ ဝယ်လာပြီး အစိမ့်သုပ်လေး သုပ်ဖြစ်ပါတယ် ဒါကြောင့်မို့လို့ မိမိတို့ နှစ်သက်သလို စားသုံးနိူင်ဖို့ရာ မာမာပြင်ဆင်ပြီး သုပ်ထားတဲ့ အာလူးအစိမ့်သုပ် သုပ်နည်းလေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ
- အာလူး - အနေတော် ငါးလုံး
- နံနံပင် - အနေတော် တစ်ပင်
- သံလွင်ဆီ - လက်ဖက်ရည်ဇွန်း သုံးဇွန်း
- အရသာမှုန့် - လက်ဖက်ဇွန်း တစ်ဝက်သာသာ
- ကြက်သွန်နီ - အနေတော် တစ်ဥ
- ဆား - လက်ဖက်ရည်ဇွန်း တစ်ဝက်
- ငရုတ်ကောင်းမှုန့် - အနည်းငယ်
ပြင်ဆင်ပုံ
- အာလူးကို နူးအောင်ပြုပ်ပြီး အခွံခွါကာ အတုံးလေးတွေ လှီးထားပါ
- နံနံပင်ကို ရေဆေးကာ မထူမပါးလေးတွေ လှီးထားပါ
- ကြက်သွန်နီကို အခွံခွာပြီး ရေဆေးကာ ခပ်ပါးပါး လှီးထားပါ
- ပါ၀င်ပစ္စည်းများကို အဆင်သင့် ပြင်ထားပါ
အသုပ် သုပ်ရန်ပြင်ဆင်ပုံ
- ဇလုံခပ်ကြီးကြီးထဲမှာ ပါ၀င်ပစ္စည်းများ အားလုံးကို ထည့်ပေးကာ အရသာ သမအောင် နယ်ပေးပါ
- အရသာ သမလောက်ပြီ ဆိုတာနဲ့ အရသာ မြည်းပေးပြီး မိမိနှစ်သက်တဲ့ အရသာ ရတဲ့အထိ ပြင်ပေးပါ
- ပြီးတာနဲ့ အာလူးသုပ် စိမ့်စိမ့်လေးကို မိမိတို့ နှစ်သက်သလို သုံးဆောင်နိူင်ပါပြီ။
No comments:
Post a Comment