မာမာ ဒီတခါတော့ ပဲပြားနဲ့ ဘေကင်တို့ထည့်ကာ ထမင်းကြော် မွှေးမွှေးလေးကြော်ပါတယ်။ ဟင်းထပ်မချက်တော့ဘဲ ထမင်းကြော် တစ်မျိုးထဲနဲ့ အဆင်ပြေပြေ စားလို့ကောင်းတဲ့အတွက် မာမာကြော်တဲ့ ကြော်နည်းလေးကို မျှဝေပေးလိုက်ပါတယ်ရှင်။
ပါဝင်ပစ္စည်းများ
- ဘာစမာတီဆန် - ထမင်းပေါင်းအိုး ဆန်ချင်ဗူး နှစ်ဗူး
- ရေ - ထမင်းပေါင်းအိုး ဆန်ချင်ဗူး လေးဗူး
- ဆား - လက်ဖက်ရည်ဇွန်း တစ်ဇွန်း
- အရသာမှုန့် - လက်ဖက်ရည်ဇွန်း တစ်၀က်သာသာ
- ကြက်ဥ - နှစ်လုံး
- ကြက်သွန်နီ - အနေတော် တစ်ဥ
- ကြက်သွန်ဖြူ - အမွှာကြီးကြီး နှစ်မွှာ
- ဘေကင် - မိမိနှစ်သက်သလောက်ထည့်ပါ
- ပဲပြား - အနေတော် တစ်တုံး
- ကြက်သွန်မိတ် - သုံးပင်ခန့်
- ငရုတ်ကောင်းမှုန့်- လက်ဖက်ရည်ဇွန်း တစ်၀က်
- နှမ်းဆီ - လက်ဖက်ရည်ဇွန်း တစ်ဝက်
- ဆီ - ထမင်းစားဇွန်း ငါးဇွန်း
ပြင်ဆင်ပုံ
- ဆန်ကိုရေဆေးပြီး ရေနှင့်အတူ ထမင်းပေါင်းအိုးထဲ ထည့်ပေးကာ ခလုတ်နှိပ်ပြီး ချက်ပေးပါ
- ထမင်းအိုး ခလုတ်တက်တာနဲ့ ထမင်းဖြူကို အအေးခံထားကာ ထမင်းများကို ဖွထားပါ
- ဇလုံတစ်လုံးထဲမှာ ကြက်ဥကို ဖောက်ထည့်ပြီး ပွလာတဲ့အထိ ခလောက်ထားပါ
- ကြက်သွန်နီကို အခွံခွာပြီး ရေဆေးကာ ခပ်ပါးပါး လှီးထားပါ
- ကြက်သွန်ဖြူကို အခွံခွာပြီး ဓါးပြားရိုက်ကာ ခပ်နုတ်နုတ် လှီးထားပါ
- ကြက်သွန်မိတ်ကို ရေဆေးပြီး ခပ်ပါးပါး လှီးထားပါ
- ပဲပြားကို ရေဆေးပြီး ခပ်သေးသေး အတုံးလေးတွေ လှီးထားပါ
- ဘေကင်ကို ခပ်သေးသေး အတုံးလေးတွေ လှီးထားပါ
ကြော်ရန်ပြင်ဆင်ပုံ
- ပါ၀င်ပစ္စည်းများ အားလုံးကို အဆင်သင့် ပြင်ထားပေးပါ
- အားလုံး အဆင်သင့် ဖြစ်ပြီဆိုတာနဲ့ ထမင်းကြော်ပါမယ်
- ဒယ်အိုး တစ်လုံးကို အပူပေးပြီး ဆီထည့်ပေးပါ
- ဆီပူလာတာနဲ့ ကြက်သွန်ဖြူ နှင့် ကြက်သွန်နီကို ထည့်ကြော်ပေးပါ
- ကြက်သွန်များ နွမ်းလာတာနဲ့ ခလောက်ထားသော ကြက်ဥကို ထည့်ကြော်ပါ
- ကြက်ဥကြော်နေစဉ် ငရုတ်ကောင်းမှုန့် ထည့်ပေးပြီး ကြက်ဥကျက်အောင် မွှေပေးပါ
- ကြက်ဥကျက်တာနဲ့ လှီးထားသော ပဲပြား ဘေကင်နှင့် ဆားတို့ကို ထည့်မွှေပေးပါ
- အသီးအရွက်များ ထည့်မွှေပေးပြီးတာနဲ့ တစ်မိနစ်လောက် ကြော်ပေးပါ
- ပြီးတာနဲ့ ချက်ပြီးအအေးခံထားသော ထမင်းဖြူ နှမ်းဆီနှင့် အရသာမှုန့်တို့ ထည့်ပေးပြီး အရသာ သမအောင် ကြော်ပေးပါ
- အရသာ သမသွားပြီ ဆိုတာနဲ့ အရသာ မြည်းပေးပြီး လိုသလို ပြင်ပေးကာ ကြက်သွန်မိတ်နှင့် ငရုတ်ကောင်းမှုန့်တို့ ထည့်ကြော်ပေးပါ
- ထမင်းကြော် ရပြီဆိုတာနဲ့ ထမင်းကြော် စိမ့်စိမ့်လေးကို မိမိနှစ်သက်သလို ပြင်ဆင်ပေးကာ စားသုံးနိူင်ပါပြီ။
မှတ်ချက် ။။ အရသာမှုန့်ကို မိမိနှစ်သက်သော အချိုမှုန့် ကြက်သားမှုန့် အသီးအရွက် အရသာမှုန့် အစရှိသည်တို့ကို အစားထိုးပြီး သုံးပေးပါ။
No comments:
Post a Comment