ဒီနေ့တော့ Oyster mushroomလေးတွေ ဝယ်လာပြီး ချဉ်ငံစပ်လေး သုပ်ဖြစ်ပါတယ် မှိုလေးတွေကို အသုပ် သုပ်စားတဲ့ အထဲမှာ ချဉ်ငံစပ် အရသာ အစုံပါတဲ့အတွက် ရေနွေးကြမ်းလေးနဲ့ လိုက်ဖက်သလို ထမင်းပူပူလေးနဲ့လဲ လိုက်ဖက်ပါတယ်။
ဒါကြောင့်မို့လို့ မိမိတို့ နှစ်သက်သလို စားသုံးနိူင်ဖို့ရာ မာမာပြင်ဆင်ပြီး သုပ်ထားတဲ့ အသုပ်နည်းလေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ
- Oyster mushroom - 400 g
- ငရုတ်သီးစိမ်း - စားနိူင်သလောက်
- ငရုတ်သီး အလှော်မှုန့် - လက်ဖက်ရည်ဇွန်း တစ်ဇွန်း
- အရသာမှုန့် - လက်ဖက်ဇွန်း တစ်ဝက်သာသာ
- ကြက်သွန်ဖြူ- အမွှာကြီးကြီး လေးမွှာ
- ကြက်သွန်နီ - အနေတော် တစ်ဉ
- ဆား - လက်ဖက်ရည်ဇွန်း တစ်ဝက်
- သံပုရာသီး - တစ်ခြမ်း (အချဉ်ကြိုက်ပါက ပိုထည့်ပါ )
ပြင်ဆင်ပုံ
- Oyster mushroomမှိုမှ မလိုတာတွေ ဖယ်ထုတ်ပေးပြီး ရေဆေးပေးပါ
- ဇလုံတစ်လုံးထဲမှာ ရေဆေးပြီး မှိုများကို ထည့်ထားပါ
- အိုးထဲမှာ ရေထည့်ပြီး ပွက်ပွက်ဆူအောင် တည်ပေးပါ
- ထားသော ရေနွေးအိုးထဲကို မှိုများထည့်ပြီး ငါးမိနစ်လောက် ပြုပ်ပေးပါ
- ပြီးတာနဲ့ ရေနွေးများသွန်ပြီး ရေစစ်ကာ အအေးခံထားပါ
- မှိုများ အေးသွားတာနဲ့ မိမိနှစ်သက်သလို လှီးပေးထားပါ
- ငရုတ်သီးစိမ်းကို အညှာခြွေပြီး ရေဆေးကာ ခပ်ပါးပါး လှီးထားပါ
- ကြက်သွန်နီကို အခွံခွာပြီး ရေဆေးကာ အကွင်းလိုက် ခပ်ပါးပါး လှီးထားပါ
- ကြက်သွန်ဖြူကို အခွံခွာပြီး ရေဆေးကာ ခပ်နုတ်နုတ် လှီးထားပါ
- သံပုရာသီးကို ရေဆေးပြီး ထက်ခြမ်း ခြမ်းပေးထားပါ
- ပါ၀င်ပစ္စည်းများကို အဆင်သင့် ပြင်ထားပါ
အသုပ် သုပ်ရန်ပြင်ဆင်ပုံ
- ဇလုံခပ်ကြီးကြီးထဲမှာ ပါ၀င်ပစ္စည်းများ အားလုံးကို ထည့်ပေးကာ သံပုရာရည် ညှစ်ပေးပြီး အရသာ သမအောင် နယ်ပေးပါ
- အရသာ သမလောက်ပြီ ဆိုတာနဲ့ အရသာ မြည်းပေးပြီး မိမိနှစ်သက်တဲ့ အရသာ ရတဲ့အထိ ပြင်ပေးပါ
- ပြီးတာနဲ့ Oyster mushroom မှိုသုပ် ချဉ်ငံစပ်လေးကို မိမိနှစ်သက်သလို သုံးဆောင်နိူင်ပါပြီ။
No comments:
Post a Comment