Thursday, 4 January 2018

သတ်သတ်လွတ် ပဲသီးသုပ်



အခုရက်ထဲ သတ်သတ်လွတ် အသုပ်လေးတွေ ပြင်ဆင်ဖြစ်ပါတယ် ပြင်ဆင်ရတာ လွယ်သလို စားလို့လဲ အရမ်းကောင်းတဲ့ သတ်သတ်လွတ် ဟင်းရံလေးတွေ ပြင်ဆင်ပုံကို မျှဝေပေးလိုက်ပါတယ်။

ပါဝင်ပစ္စည်းများ

  • ပဲတောင့်ရှည် - ၁၅တောင့်
  • ကြက်သွန်နီ - အနေတော် တလုံး
  • နှမ်းလှော် - ထမင်းစားဇွန်း တဇွန်းမောက်မောက်
  • ဆားအနု - လက်ဖက်​ရည်​ဇွန်း တ၀က်
  • ဆားအကြမ်း - လက်ဖက်ရည်ဇွန်းတဇွန်း
  • အချိုမှုန့် - လက်ဖက်ရည်ဇွန်း တ၀က်
  • သံပုရာရည် - ထမင်းစားဇွန်း တဇွန်း
  • ဂေါ်ဖီ - ၂ဖတ်ခန့်
  • နံနံပင် - မိမိနှစ်သက်သလောက်
  • ငရုတ်သီး - အလှော်မှုန့် စားနိူင်သလောက်
  • ကြက်သွန်နီဆီချက် - ထမင်းစားဇွန်း ၂ဇွန်း
ပြင်ဆင်ပုံ
  • ပဲတောင့်ရှည်ကို ရေစင်အောင်ဆေးပြီး ဇလုံတလုံးထဲ ထည့်ပေးထားပါ
  • ရေကို ပွက်ပွက်ဆူအောင်တည်ပြီး ပဲသီးထည့်ထားသောဇလုံထဲသို့ လောင်းထည့်ပေးပါ
  • ရေနွေးပူထဲမှာ ၂မိနစ်လောက်ထားပြီး ရေအေးနှင့်ဆေးကာ မထူမပါးလေးတွေ လှီးထားပါ 
  • ကြက်သွန်နီကို အခွံခွာပြီးကို အလုံးလိုက်ရေဆေးပြီး ခပ်ပါးပါး လှီးထားပါ
  • လှီးထားသော ကြက်သွန်နီကို ဆားအကြမ်း လက်ဖက်ရည်ဇွန်း တဇွန်းထည့်ပြီး ခပ်နာနာလေး နယ်ပေးပါ
  • ကြက်သွန်များ နွမ်းလာတာနဲ့ ရေနှစ်ထပ်လောက် ဆေးပေးထားပါ
  • နှမ်းကို မီးအေးအေးနှင့် ရွှေဝါရောင် သန်းလာတဲ့အထိ လှော်ပေးထားပါ
  • ဂေါ်ဖီကို ခပ်ပါးပါး လှီးပေးပြီး ရေစင်အောင် ဆေးပေးထားပါ
  • နံနံပင်ကို အပင်လိုက်ရေဆေးပြီး ခပ်ကြမ်းကြမ်း လှီးထားပေးပါ
  • သံပုရာရည်ကို ပြင်ထားပါ
  • အားလုံးအဆင်သင့် ဖြစ်တာနဲ့ ပါဝင်ပစ္စည်း အားလုံးကို ဇလုံထဲထည့်ပြီး ခပ်ဖွဖွနယ်ပေးပါ
  • အရသာ နယ်ပြီးတာနဲ့ အရသာမြည်းပြီး လိုအပ်သလို ပြင်ပေးကာ စားသုံးရန် ပန်းကန်တခုထဲ ပြောင်းထည့်၍ ပြင်ပေးကာ သတ်သတ်လွတ် ပဲသီးသုပ် မွှေးမွှေးလေးကို နှစ်သက်သလို သုံးဆောင်နိူင်ပါပြီ။

No comments:

Post a Comment