Tuesday, 16 January 2018

ရွှေဖရုံသီး ပဲသီးကြော်



ရွှေဖရုံသီးကို ပဲသီးနဲ့ရောပြီး ကြာ်လေတိုင်း အရမ်းကြိုက်တဲ့ အသီးအရွက်ကြော်လေး တမျိုးထဲမှာ ပါဝင်တာမို့ ထမင်းနဲ့စားတဲ့ဆီ မရောက်ဘဲ ဒီအတိုင်း ထိုင်စားတတ်တဲ့ အကျင့်လေးက ငယ်ငယ်ထဲကနေ အခုထိ ပါနေတုန်းပါဘဲ။

ဒီနိုင်ငံက ရွှေဖရုံသီးတွေက မြန်မာပြည်က အသီးတွေလို မစေးတဲ့အတွက် ကြော်ရတာ နည်းနည်းခက်ပါတယ် စားရတာတော့ ကောင်းပါတယ် ဒါကြောင့်မို့လို့ သတ်သတ်လွတ်လေးများ စားချင်ရင်တော့ မာမာကြော်ထားတဲ့နည်းလေး မျှဝေလိုက်ပါတယ်။

ပါဝင်ပစ္စည်းများ
  • အနေတော် လှီးထားသော ပဲတောင့်ရှည် - ၁၀တောင့်
  • အနေတော် လှီးထားသော ရွှေဖရုံသီး - တစိတ်
  • ခပ်ပါးပါး လှီးထားသော ကြက်သွန်နီ  - အနေတော် တခြမ်း
  • ဆီ - ထမင်းစားဇွန်း ၅ဇွန်း
  • နနွင်းမှုန့် - လက်ဖက်ရည်ဇွန်း သုံးပုံတပုံ
  • ဆား -လက်ဖက်ရည်ဇွန်း တဝက်သာသာ
  • ဟင်းခတ်မှုန့် - လက်ဖက်ရည်ဇွန်း တ၀က်သာသာ
ပြင်ဆင်ပုံ
  1. ဒယ်အိုးတလုံးထဲမှာ ဆီကိုအပူပေးပြီး နနွင်းမှုန့်ထည့်ပါ
  2. ဆီပူလာတာနဲ့ ကြက်သွန်နီကို ထည့်ကြော်ပါ
  3. ကြက်သွန်နွမ်းတာနဲ့  ရွှေဖရုံသီးကို ထည့်ကြော်ပါ
  4. ရွှေဖရုံသီး ကြော်နေစဉ် ရေမထည့်ဘဲ ကြော်ပေးပါ
  5. ရေထည့်လိုက်တာနဲ့ ရွှေဖရုံသီးများ ကျေကုန်တဲ့အတွက် မကျေစေရန် မီးကိုအနေတော်လျှော့ပြီး အိုးအဖုံးအုပ်ကာ တည်ပေးပါ
  6. အိုးမကပ်စေရန် အိုးကိုမကြာမကြာ လှုပ်ပေးပြီး အဖုံးကို ဖွင့်ကြည့်ပါ
  7. ရွှေဖရုံသီးများ နွမ်းစပြုတာနဲ့ ပဲသီး ဆားနှင့် ဟင်းချိုမှုန့်တို့ကို ထည့်ကြော်ပါ
  8. အသီးများ နွမ်းလာတာနဲ့ အရသာမြည်းကာ လိုသလိုပြင်ပြီး ရွှေဖရုံသီးပဲသီးကြော် ချိုစိမ့်စိမ့်လေးကို စားသုံးနိူင်ပါပြီ။

No comments:

Post a Comment