အမြဲတမ်း မဟုတ်ပေမဲ့ တစ်ခါတစ်လေ သတ်သတ်လွတ်လေးတွေ စားဖြစ်တာမို့လို့ ဒီနေ့တော့ သတ်သတ်လွတ် ဘေဘီဘရော့ကိုလီ ကြော်နည်း အလွယ်ဆုံး နည်းလေးကို မျှဝေလိုက်ပါတယ်။
ပါဝင်ပစ္စည်းများ
- ဘေဘီဘရော့ကိုလီ - ၇ပင်
- ကြက်သွန်ဖြူ - အမွှာကြီးကြီး ၂မွှာ
- အချိုမှုန့် - လက်ဖက်ရည်ဇွန်း တစ်ဇွန်း
- ဆား - လက်ဖက်ရည်ဇွန်း သုံးပုံတစ်ပုံ
- ဆီ - ထမင်းစားဇွန်း သုံးဇွန်း
- နနွင်းမှုန့် - လက်ဖက်ရည်ဇွန်ု သုံးပုံတစ်ပုံ
- ငရုတ်ကောင်းမှုန့် - လက်ဖက်ရည်ဇွန်း တစ်ဝက်
ပြင်ဆင်ပုံ
- ဘေဘီဘရော့ကိုလီအပင်ရဲ့ ရင့်နေတဲ့ နေရာများကို အကြောသင်ပြီး အနေတော် ပိုင်းဖြတ်ကာ ရေစင်အောင် ဆေး၍ ရေစစ်ထားပါ
- ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ထားပါ
- ဒယ်အိုးကို အပူပေးပြီး ဆီနှင့် နနွင်းမှုန့်ထည့်ပါ
- ဆီအငွေ့ တက်လာတာနဲ့ ကြက်သွန်ဖြူကို နွမ်းရုံလေး ထည့်ကြော်ပါ
- ပြီးတာနဲ့ ရေစစ်ထားသော ဘလိုကိုရီများထည့်ပြီး ဆားနှင့် အချိုမှုန့်ထည့်မွှေပါ
- နှစ်မိနစ်လောက် ကြော်ပြီးတာနဲ့ ငရုတ်ကောင်းမှုန့် ဖြူးပြီး စားသုံးနိူင်ပါပြီ။
No comments:
Post a Comment