Tuesday, 2 January 2018

သတ်သတ်လွတ် ပဲနီပြားသုပ်



တခါတလေ အသားတွေ စားရတာ မစားချင်တဲ့အတွက် သတ်သတ်လွတ်လေးတွေ စားချင်စိတ်က ပေါ်လာတတ်ပါတယ်။

ပဲသုပ်ဆိုတာက လွယ်ပါတယ် သို့ပါသော်လဲ ကြက်သွန်နီ ပါတဲ့အတွက် ပါးစပ်နံတတ်ပါတယ်  ပါးစပ်အနံသက်သာအောင် ကြက်သွန်နီကို လှီးပြီးတာနဲ့ ဆားနဲ့နာနာ နယ်ဆေးပြီးမှ သုပ်တာက ပါးစပ်အနံ သက်သာစေသလို ကြက်သွန်ညီးစော် နံခြင်းကိုလဲ သက်သာစေပါတယ် ကြက်သွန်ဆေးနည်းကို  ပြင်ဆင်ပုံလေးမှာ ရေးပေးထားပါတယ်ရှင်။

ပါဝင်ပစ္စည်းများ

  • ပြုပ်ပြီးသား ပဲဗူး - တဗူး
  • ဆားအနု - လက်ဖက်ရည်ဇွန်း တဝက်
  • ဆားအကြမ်း - လက်ဖက်ရည်ဇွန်း တဇွန်း
  • နှမ်းလှော် - လက်ဖက်ရည်ဇွန်း တဇွန်းသာသာ
  • နံနံပင် - မိမိနှစ်သက်သလောက်
  • ငရုတ်သီးစိမ်း - စားနိူင်သလောက်
  • ကြက်သွန်နီ - အနေတော် တလုံး
  • အရသာမှုန့် လက်ဖက်ရည်ဇွန်း တဝက်
  • ပဲဆီ - ထမင်းစားဇွန်း ၃ဇွန်း
ပြင်ဆင်ပုံ
  1. Ready made ပဲဗူးကိုဖောက်ပြီး အရည်များသွန်ပေးကာ ရေတထပ်လောက် ဆေးပေးထားပါ
  2. ကြက်သွန်နီကို အခွံခွာကာ အလုံးလိုက် ရေဆေးပြီး ခပ်ပါးပါး လှီးပေးထားပါ
  3. လှီးထားသော ကြက်သွန်နီကို ဆားအကြမ်း လက်ဖက်ရည်ဇွန်း တဇွန်းထည့်ပြီး ခပ်နာနာလေး နယ်ပေးပါ
  4. ကြက်သွန်များ နွမ်းလာတာနဲ့ ရေနှစ်ထပ်လောက် ဆေးပေးထားပါ
  5. ငရုတ်သီးစိမ်းကို ရေဆေးပြီး ခပ်ပါးပါး လှီးထားပါ
  6. နံနံပင်ကို အပင်လိုက် ရေဆေးပြီး ခပ်ကြမ်းကြမ်း လှီးထားပေးပါ
  7. နှမ်းလှော်ကြက်သွန်နီ နံနံပင် ဆီ ငရုတ်သီးစိမ်း ဆားအနုနှင့် အရသာမှုန့်ကိုတို့ကို ပြင်ထားပါ
  8. ဇလုံတလုံးထဲမှာ ပါဝင်ပစ္စည်းများထည့်ပြီး ခပ်ဖွဖွ နယ်ပေးပါ
  9. နယ်ပြီးပါက အရသာမြည်းပြီး လိုသလိုပြင်ကာ သတ်သတ်လွတ် ပဲသုပ်လေးကို မိမိနှစ်သက်သလို သုံးဆောင်နိူင်ပါပြီ။

No comments:

Post a Comment