တပါတ်တခါ ချက်ဖြစ်တဲ့ သတ်သတ်လွတ် ဟင်းများထဲက ဟင်းတမယ်ပါ ထမင်းကို မိန်စေသလို စားလို့အရမ်းချိုတဲ့ မှိုအမျိုးအစားထဲမှာ ပါတဲ့အတွက် လွယ်ကူမြန်ဆန် ချက်နည်းလေး မျှဝေလိုက်ပါတယ်။
ပါဝင်ပစ္စည်းများ
- oyster မှို - 250 g
- ကြက်သွန်နီ - တစ်ခြမ်း
- ကြက်သွန်ဖြူ -၂မွှာ
- ဆား - လက်ဖက်ရည်ဇွန်း သုံးပုံတစ်ပုံ
- ဆီ - ထမင်းစားဇွန်း ၂ဇွန်း
- နနွင်းမှုန့် - လက်ဖက်ရည်ဇွန်း လေးပုံတစ်ပုံ
- ငရုတ်ကောင်းမှုန့် - လက်ဖက်ရည်ဇွန်း လေးပုံတစ်ပုံ
ပြင်ဆင်ပုံ
- မှိုကိုရေဆေးပြီး ပုံပါအတိုင်း ထွင်ထားပါ
- ကြက်သွန်နီကို အခွံခွာပြီး အလုံးလိုက် ရေဆေးကာ ပါးပါးလှီးထားပါ
- ကြက်သွန်ဖြူကို အခွံခွာပြီး ရေဆေးကာ ဓါးပြားရိုက်ထားပါ
- ငရုတ်ကောင်းမှုန့်ကို ပြင်ထားပါ
- အိုးတလုံးထဲမှာ ဆီနှင့် နနွင်းမှုန့်ကိုထည့်ပြီး အပူပေးပါ
- ဆီပူလာတာနဲ့ ကြက်သွန်အဖြူ အနီတို့ကို နွမ်းရုံလေး ထည့်ကြော်ပေးပါ
- နွမ်းလာတာနဲ့ မှိုကို ထည့်မွှေပါ
- ပြီးတာနဲ့ ဆားထည့်မွှေပြီး ရေမြုပ်အောင်ထည့်ကာ အဖုံးအုပ်ပြီး ရေခမ်းတဲ့ထိ တည်ပေးပါ
- ရေခမ်းတာနဲ့ ငရုတ်ကောင်းမှုန့် ထည့်မွှေပေးပြီးရင် အရသာချိုချိုမွှေးမွှေး မှိုနှပ်ချက်လေးရပါပြီ။
No comments:
Post a Comment