Saturday, 26 December 2015

ချင်းငါးပေါင်း မွှေးမွှေးလေး





အခုရက်ထဲ ရာသီဥတုက ပူလာလေ ထမင်းစားလေးက ပျက်ချင်လာလေမို့ ဒီနေ့တော့ Basa ငါးကို မွှေးမွှေးပူပူလေး ပေါင်းပြီးတော့ စားဖြစ်ခဲ့ပါတယ် တရုတ်ဟင်း စားဖွယ်ရာလေးပါ ချက်နည်းက လွယ်ကူပြီး မြန်လဲမြန်ပါတယ် ဒါကြောင့်မို့ မျှဝေပေးလိုက်ပါတယ်။

ပါဝင်ပစ္စည်းများ
ငါးပေါင်းရန်အတွက်

  • BASA - 350g
  • CHINESE COOKING WINE - ထမင်းစားဇွန်း ၂ဇွန်း
  • ချင်း - လှီးပြီးသား ထမင်းစားဇွန်း ၃ဇွန်းခန့်
ငါးပေါင်းပြီး ဟင်းပွဲစပ်ရပ်အတွက်
  • APPLE VINEGER - ဟင်းခတ်ဇွန်းကြီး တဇွန်း
  • FISH SAUCE - ထမင်းစားဇွန်း တ၀က်
  • SOY SAUCE - ထမင်းစားဇွန်း တ၀က်
  • မြေပဲဆီ - ထမင်းစားဇွန်း လေးဇွန်း
  • ကြက်သွန်မိတ် - ၃ပင်ခန့်
  • သကြား - လက်ဖက်ရည်ဇွန်း သုံးပုံတပုံ
  • ဆား - လက်ဖက်ရည်ဇွန်း ၅ပုံတပုံ
ပြင်ဆင်ပုံ
  1. ငါးကို ရေဆေးပြီး ၂လက်မသာသာ အရွယ်တော်တုံးကာ ရေစစ်ထားပါ
  2. ချင်းကို အခွံခွာပြီး ရေဆေးကာ ခပ်ပါးပါး အရှည်အမြှောင်းလေးများ ရအောင် လှီးထားပါ
  3. အပူခံသော ကြွေကန်းကန် တခုထဲမှာ ငါးကို ထည့်ပြီး ငါးပေါ်မှာ ချင်းကိုထည့်ပါ
  4. ငါးပန်းကန်ထဲကို cooking wineကို ထည့်ပါ
  5. အားလုံး အဆင်သင့် ဖြစ်တာနဲ့ ပေါင်းအိုးအောက်ခံ ရေအိုးကို ရေတ၀က်သာသာထည့်ပြီး ဆူအောင်တည်ပေးပါ
  6. ရေဆူလာတာနဲ့ ငါးထည့်ထားသော ပန်းကန်ကို ပေါင်းအိုးဇကာထဲထည့်ကာ အဖုံးအုပ်ပြီး ၁၅မိနစ်လောက် ပေါင်းပေးပါ
  7. ငါးပေါင်းကျက်သွားပါက ပေါင်းအိုးထဲမှာ ငါးပန်းကန်ကို ခနထားပေးပါ
  8. ကြက်သွန်မိတ်ကို ပုံပါအတိုင်း လှီးပြီး မွှထားပါ
ငါးအပေါ်ဆမ်းရန် အရသာစပ်နည်း
  1. ဇောက်နက်သော အိုးသေးသေး တလုံးမှာ ဗီနီကာ ဆီ ငံပြာရည် ပဲငံပြာရည်အကြည်တို့ကို ပွက်ပွက်ဆူအောင် တည်လိုက်ပါ
  2. ပေါင်းးထားသော ငါးပန်းကန်ကို အပြင်ထုတ်ပြီး ငါးပေါင်းစဉ် ထွက်လာသော အရည်များကို ဖယ်လိုက်ပြီး ဆားနှင့် သကြားကို ငါးအပေါ် ဖြူးပေးပါ
  3. အရှည်အမြှောင်း လှီးထားသော ကြက်သွန်မိတ်ကို ငါးအပေါ် ဖွပြီးတင်ပေးပါ
  4. ပွက်ပွက်ဆူနေသော ဟင်းအရသာ အနှစ်ကို ကြက်သွန်မိတ်ပေါ်မှနေ၍ ငါးအပေါ်ကို ပူနေတုန်း ဖြည်းဖြည်းခြင်းလောင်းချပါ
  5. ပြီးတာနဲ့ ချင်းငါးပေါင်းမွှေးမွှေးလေးကို စားသုံးနိူင်ပါပြီ။

No comments:

Post a Comment