ကင်းပုံသီးလေးတွေ ရလာတာနဲ့ ချက်စားရင် ကောင်းမလား ကြော်စားရင် ကောင်းမလား စဉ်းစားနေရင်းက ဒီတစ်ခါတော့ ပုဇွန်ခြောက်နဲ့ ကြော်ဖြစ်သွားပါတယ် ကျွတ်ကျွတ်လေးမို့စားကောင်းလွန်းလို့ ကြော်နည်းလေး မျှဝေလိုက်ပါတယ်။
ပါဝင်ပစ္စည်းများ
- အနေတော် လှီးထားသော ကင်းပုံသီး - 300 g
- ခပ်ပါးပါး လှီးထားသော ကြက်သွန်နီ - အနေတော် တစ်ခြမ်း
- ဓါးပြားရိုက်ထားသော ကြက်သွန်ဖြူ - အမွှာကြီးကြီး တစ်မွှာ
- ဆီ - ထမင်းစားဇွန်း လေးဇွန်း
- နနွင်းမှုန့် - လက်ဖက်ရည်ဇွန်း လေးပုံတစ်ပုံ
- ဆား -လက်ဖက်ရည်ဇွန်း တစ်ဝက်သာသာ
- ဟင်းခတ်မှုန့် - လက်ဖက်ရည်ဇွန်း တစ်ဝက်
- ပုဇွန်ခြောက် - အကောင် နှစ်ဆယ်ခန့်
ပြင်ဆင်ပုံ
- ဒယ်အိုးတစ်လုံးထဲမှာ ဆီထဲ့ပြီး ဆီကိုအပူပေးကာ နနွင်းမှုန့်ထည့်ပါ
- ဆီပူလာတာနဲ့ ကြက်သွန်အဖြူ အနီတို့ကို ထည့်ကြော်ပါ
- ကြက်သွန်များ နွမ်းတာနဲ့ ပုဇွန်ခြောက် ကင်းပုံသီး ဆား ဟင်းချိုမှုန့်တို့ကို တခါထည်း ထည့်ကြော်ပါ
- တမိနစ်လောက် ကြော်ပြီးတာနဲ့ ရေအနည်းငယ် ထည့်မွှေပြီး အသီးနူးအောင် ကြော်ပေးကာ အသီးနူးပါက အရသာမြည်းကာ လိုသလိုပြင်ပြီး စားသုံးနိူင်ပါပြီ
No comments:
Post a Comment