Sunday, 6 December 2015

သရက်သီး ဆားရည်စိမ်






သရက်သီးစိမ်း ပေါ်ကာစ သရက်သီးစိမ်းကို အမျိုးမျိုး လုပ်စားဖြစ်တဲ့ အထဲက တနှစ်ပါတ်လုံး အထားခံပြီး တို့စရာလုပ်နိူင်မဲ့ သရက်သီးစိမ်း ဆားရည်စိမ် အလုံးလိုက် အချဉ်တည်နည်းလေး မျှဝေလိုက်ပါတယ်။

ပါင်ပစ္စည်းများ

  • သရက်သီးစိမ်း - ပုလင်းဆန့်သလောက် 
  • ရေ - ပုလင်း တ၀က်ခန့်
  • ဆားကြမ်း - ထည့်ထားသောရေ ငံမြနေအောင် ထည့်ပါ
  • ဖန်ပုလင်း  - သန့်သန့် တပုလင်း
ပြင်ဆင်ပုံ
  • သရက်သီးစိမ်းကို အစေးများ စင်အောင်ဆေးပြီး ဇလုံတလုံးထဲမှာ ရေမြုပ်အောင်ထည့်ပြီး ၂ရက်လောက် စိမ်ထားပါ
  • ၂ရက်ပြည့်တာနဲ့ ဖန်ပုလင်း သန့်သန့်ထဲမှာ  ရေတ၀က်လောက်ထည့်ပါ
  • ရေထဲကို ဆားထည့်ပြီး တော်တော်လေး ငံတဲ့ထိ ထည့်မွှေပေးပါ
  • ဆားအရည် ငံမငံကို လက်နဲ့တို့ပြီး မြည်းကြည့်ပါ
  • ဆားဖျော်ပြီးတာနဲ့ သရက်သီးကို ဆားရည်ထဲ ဆန့်သလောက် ထိုးသိပ်ထည့်ပါ
  • ဖန်ပုလင်းထဲမှာ ပြည့်ပြီးကြပ်ညပ်နေအောင် ထည့်ပေးပြီး အဖုံးလုံအောင် ဖုံးပေးပါ
  • ဆားရည်များ အဖုံးမှ လျှံပြီး စိမ့်ထွက်တတ်တဲ့အတွက် ပုလင်းအောက်မှ ဇလုံတလုံး ခံထားပေးပါ
  • ဆားရည်စိမ်ပြီး နောက်တရက်နေရင် ပုလင်းကို ဖွင့်ကြည့်ပြီး ထည့်ထားသော သရက်သီးများကို ဖိကြည့်ပါ
  • ပုလင်းထဲမှာ ချောင်နေတာကို တွေ့ရပါမယ် ပုလင်းချောင်နေရင် ဆားရည်စိမ်ထားသော သရက်သီးများ မာမနေဘဲ ပျော့သွားတတ်တဲ့အတွက် သရက်သီးများ မပျော့စေရန် ပုလင်းဆန့်သလောက် သရက်သီးကို ထပ်ပြီး ဖိသိပ်ထည့်ပေးပါ
  • တတိရမြောက်နေ့မှာလဲ ထိုကဲ့သို့ ရသလောက် ထပ်ဖိပြီး ထည့်ပေးပါ
  • သရက်သီးများ အားလုံးကို ဆားရည်မြုပ်နေအောင် ထည့်ပြီး အဖုံးကို လုံအောင်ဖုံးထားပါ
  • ၅ရက်မြောက်နေ့မှာ သရက်သီးဆားစိမ် အရောင်ပြောင်းသွားပြီး တနှစ်ပါတ်လုံး ထားပြီး စားနိူင်မဲ့ သရက်သီးစိမ်း ဆားရည်စိမ် ရပါပြီ။

1 comment: