Friday, 1 January 2016

ဆိတ်သား အစိုကြော်



နှစ်သစ်အခါ သမယ နှစ်ကူးရက်လေးမှာ မင်္ဂလာပါရှင် ဒီနေ့တော့ စားလို့ကောင်းပြီး တာရှည်ခံတဲ့ ဆိတ်သားအစို အကြွတ်ကြော်နည်း မျှဝေလိုက်ပါတယ်။

ပါဝင်ပစ္စည်းများ

  • ဆိတ်သား - 1kg
  • သံပုရာသီး - တလုံး
  • ခနော ကြက်သားမှုန့် - လက်ဖက်ရည်ဇွန်း တဇွန်း
  • နနွင်းမှုန့် - လက်ဖက်ရည်ဇွန်း သုံးပုံတပုံ
  • ချင်းအရည် - ထမင်းစားဇွန်း တဇွန်း
  • ဆီ - 2cups
ပြင်ဆင်ပုံ
  • ဆိတ်သားကို  ပုံပါအတိုင်း လှီးပေးပါ
  • ဆိတ်သား အနံ့ပျောက်စေရန် သံပုရာရည်နှင့်နယ်ကာ ရေစင်အောင်ဆေးပြီး ရေခြောက်အောင် paper towel နှင့်သုတ်ပေးပါ
  • ရေခြောက်တာနဲ့ ခနောကြက်သားမှုန့် ချင်းကိုထောင်းပြီး ယူထားသော  ချင်းအရည် နနွင်းမှုန့်တို့ထည့်ကာ အရသာဝင်အောင် နယ်ပြီး ရေခဲသေတ္တာထဲ တညသိပ်ထည့်ပြီး နှပ်ထားပေးပါ
  • နောက်နေ့မနက်မှာ ကြော်ဖို့ပြင်ဆင်ပါ
  • ဆီကို မီးပြင်းပြင်းနဲ့ အပူပေးလိုက်ပါ ဆီပူလာတာနဲ့ မီးကို အနေတော်သို့ လျှော့ပြီးမှ ဆိတ်သားအရသာနယ်ကို ထည့်ပြီးကြော်ပါ
  • အသား အစိမ်းကို ကြော်တာ ဖြစ်တဲ့အတွက် အထဲထိ ကျက်စေရန် မကြာမကြာ အထက်အောက် လှန်ပေးပါ
  • ပုံပါအတိုင်း အရောင်ရလာပြီဆိုရင် ဆယ်ပြီး အအေးခံထားပါ
  • ဆီကိုလဲ အအေးခံထားပါ
  • အသားရော ဆီပါအေးလာတော့မှ ကြော်ထားသောဆီနှင့်ကြော်ပြီးသား အသားကို စိမ်ပြီး နှစ်သက်သလို စားသုံးနိူင်ပါပြီ
  • ကြော်ထားသောဆီကို ထမင်းဆီဆမ်း နယ်ပြီးစားနိူင်ပါတယ်။
  • ထိုနည်းအတိုင်း အမဲသား သိုးသားတို့ကိုလဲ ကြော်နိူင်ပါတယ်။

No comments:

Post a Comment