မာမာ ဒီနေ့တော့ မှိုကို ချဉ်ငံစပ် ငပိချက်လေး ချက်ပါမယ် လွယ်ကူတဲ့ ချက်နည်းလေးပေမဲ့ ထမင်းစားလို့ မြိန်စေတဲ့ ဟင်းတစ်မျိုးဖြစ်လို့ မာမာပြင်ဆင်ပြီး ချက်ထားတဲ့ ချက်နည်းလေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ
- King oyster mushroom - 500 g
- ကြက်သွန်ဖြူ - အမွှာကြီးကြီး နှစ်မွှာ
- ကြက်သွန်နီ - အနေတော် တစ်လုံး
- သံပုရာသီး - တစ်ခြမ်း
- နနွင်းမှုန့် - လက်ဖက်ရည်ဇွန်း သုံးပုံတစ်ပုံ
- ငါးငံပြာရည် - ထမင်းစားဇွန်း နှစ်ဇွန်း
- အချိုမှုန့် - လက်ဖက်ရည်ဇွန်း တစ်၀က်သာသာ
- ငရုတ်သီး အရောင်တင်မှုန့် - လက်ဖက်ရည်ဇွန်း တစ်ဇွန်း
- ငရုတ်သီးစိမ်း အနီရောင် - မိမိနှစ်သက်သလောက်
- မျှင်ငါးပိ - အနည်းငယ်
ပြင်ဆင်ပုံ
- မှိုများကိုရေဆေးပြီး မထူမပါးလေးတွေ ပုံပါအတိုင်း နွှင်ပေးထားပါ
- ကြက်သွန်ဖြူ ကြက်သွန်နီ နှင့် ငရုတ်သီးမှုန့်တို့ကို ညက်နေအောင် ရောထောင်းပေးထားပါ
- ငရုတ်သီးစိမ်းကို ရေဆေးပြီး မညက်တညက် ထောင်းထားပါ
- သံပုရာသီးကို ရေဆေးပြီး ထက်ဝက်ခြမ်းထားပါ
- အရည်လေးနဲ့ ချက်မှာ ဖြစ်တဲ့အတွက် အရင်ဆုံး အိုးထဲမှာ ရေကို ယောက်ချိုဇွန်း လေးဇွန်းလောက် ထည့်ပေးပါ
- ထိုရေထဲမှာ ပုဇွန်ငါးပိ ကြက်သွန်ဖြူ ကြက်သွန်နီ ငရုတ်သီး အရောင်တင်မှုန့်ထောင်း ငရုတ်သီးစိမ်းထောင်းတို့ကို ထည့်ကာ ရေပွက်ပွက်ဆူအောင် တည်ပေးပါ
- ရေပွက်ပွက် ဆူလာတာနဲ့ မှိုကိုထည့်ကာ အိုးအဖုံးအုပ်ပြီး တည်ပေးပါ
- နောက်တစ်ခါ ရေပွက်ပွက် ဆူလာတာနဲ့ အကြာကြီး တည်စရာ မလိုဘဲ ရှစ်မိနစ်လောက် တည်ပေးပြီးတာနဲ့ သံပုရာရည် ထည့်ပေးပါ
- ပြီးတာနဲ့ အရသာမြည်းပြီး မိမိစိတ်ကြိုက် ချိုချဉ်ငံစပ် အရသာ ရလာအောင် လိုသလို ပြင်ပေးပါ
- ထမင်းပူပူလေးနဲ့ နယ်ဆမ်းမှာ ဖြစ်တဲ့အတွက် ဟင်းရည်အနေအထားကိုလဲ မိမိစိတ်ကြိုက် အနေအထားလောက် ရလာအောင်လဲ ပြင်ပေးနိူင်ပါတယ်
- ပြီးတာနဲ့ ချဉ်ငံစပ်ပြီး စားလို့ကောင်းတဲ့ အနေအထားလေး ရတာနဲ့ မီးပိတ်ကာ မှိုငပိချက်ကို စားသုံးရန် ပြင်ပေးနိူင်ပါပြီ။
No comments:
Post a Comment