ဒီနေ့တော့ အရသာ တစ်မျိုးလေးနဲ့ စားလို့အရမ်းကောင်းလွန်းတဲ့ ဝက်သားလုံးကြော်လေး ကြော်ဖြစ်ပါတယ် ထမင်းပူပူလေးနဲ့ လိုက်ဖက်သလို ဒီအတိုင်းလေးလဲ စားလို့ကောင်းပါတယ်။
ဒါကြောင့်မိုလို့ မာမာပြင်ဆင်ပြီး ကြော်ထားတဲ့ စားလို့ကောင်းလွန်းတဲ့ ဝက်သားလုံးကြော် ကြော်နည်းလေးကို မျှဝေပေးလိုက်ပါတယ်ရှင်။
ပါဝင်ပစ္စည်းများ
- ဝက်သား - 500 g (အသားကိုဘဲသုံးပါ)
- မှို - အနည်းငယ် ( မိမိနှစ်သက်တဲ့ မှိုကိုသုံးပါ)
- ကြက်သွန်ဖြူ - အမွှာကြီးကြီး သုံးမွှာ
- ငရုတ်ကောင်းမှုန့် - လက်ဖက်ရည်ဇွန်း သုံးပုံတစ်ပုံ
- ချင်း - လက်တစ်ဆစ်ခန့် (ချင်းအရသာ ကြိုက်ပါက ပိုထည့်ပေးပါ)
- အရသာမှုန့် - လက်ဖက်ရည်ဇွန်း တစ်ဇွန်း
- ဆား - လက်ဖက်ရည်ဇွန်း တစ်ဝက်သာသာ
- နနွင်းမှုန့် - လက်ဖက်ရည်ဇွန်း တစ်ဝက်
- ခရုဆီ - လက်ဖက်ရည်ဇွန်း တစ်ဇွန်း
- နှမ်းဆီမွှေး - ထမင်းစားဇွန်း တစ်ဇွန်း
- ပြောင်းကော်မှုန့် - ထမင်းစားဇွန်ူ နှစ်ဇွန်း
- အကြော်မှုန့် - ထမင်းစားဇွန်းလေးဇွန်း
- ကြက်ဥ - တစ်လုံး
- ဆီ - လိုသလောက် သုံးပေးပါ
ပြင်ဆင်ပုံ
- မှိုများကို ရေဆေးပြီး ခပ်နုတ်နုတ်လေးတွေ လှီးထားပါ
- ကြက်သွန်ဖြူနှင့် ချင်းတို့ကို အခွံခွာပြီး ရေဆေးကာ ပါဝင်ပစ္စည်းများကို ပြင်ထားပါ
- ကြက်ဥကို ဇလုံတစ်လုံးထဲမှာ ခလောက်ထားပါ
- အကြော်မှုန့်ကို ပန်းကန်ထဲမှာ ထည့်ထားပေးပါ
- ဝက်သားကို ရေဆေးပြီး အတုံးလေးတွေ တုံးပေးပါ
- ပြီးတာနဲ့ နနွင်းမှုန့် ဆား အရသာမှုန့် ပြောင်းကော်မှုန့် ခရုဆီ နှမ်းဆီမွှေး ချင်း နှင့်ကြက်သွန်ဖြူတို့နဲ့အတူ ကြိတ်စက်ထဲ ထည့်ပေးပါ
- အသားများ ညက်သွားတဲ့အထိ ကြိတ်ပေးပါ
- ဝက်သားများ ညက်သွားတာနဲ့ မှိုနဲ့ရောပြီး နယ်အပေးကာ လုံးလေးတွေ လုံးပေးပါ
- ဝက်သားလုံးလေးတွေကို ကြက်ဥထဲမှာထည့်ပြီး နှစ်ပေးကာ အကြော်မှုန့်ထဲမှာ လူးပေးပါ
- အထက်ပါ ပုံစံအတိုင်း နှစ်ကြိမ်လုပ်ပေးပြီးတာနဲ့ ဝက်သားလုံးများကို ကြော်ဖို့ပြင်ပေးပါ
- ဒယ်အိုးထဲမှာ ဆီများများထည့်ပြီး မီးဖိုပေါ်တင်ကာ အပူပေးပါ
- ဆီပူလာတာနဲ့ မီးကိုအနေတော် လျှော့ပေးပြီးမှ ဝက်သားလုံးများကို အိုးဆန့်သလောက် ထည့်ကြော်ပေးပါ
- ဝက်သားလုံးလေးတွေ တစ်ဖက်ကျက်တာနဲ့ နောက်တစ်ဖက်ကို လှန်ပေးပြီး ကြော်ပေးပါ
- ဝက်သားလုံး တစ်ခုလုံး ရွှေဝါရောင် သန်းလာတာနဲ့ ဆယ်ပြီးဆီစစ်ပေးပါ
- ဆီစစ်သွားတာနဲ့ ဝက်သားလုံးကြော် မွှေးမွှေးလေးကို ထမင်းပူပူလေးနဲ့ စားသုံးရန် ပြင်ပေးနိူင်ပါပြီ။
No comments:
Post a Comment