အိမ်အပြင်မှာ ရာသီဥတုက အံ့မခမ်းအောင် ချမ်းနေပေမဲ့ အိမ်အပြင် မြက်ခင်းပေါ်က ရေခဲတုံးတွေတွေ့တော့ အသီးအရွက် အေးအေးလေးတွေ စားချင်လာခဲ့မိတယ်။
ဒါကြောင့်မို့ အခုရက်ထဲ ခပ်အေးအေး ဖျော်ရည်လေးတွေ လုပ်စားဖြစ်တဲ့အထဲက ဒီနေ့တော့ စတော်ဘယ်ရီမစ်ရှိတ် ဖျော်နည်းလေး မျှဝေပေးလိုက်ပါတယ်။
ပါဝင်ပစ္စည်းများ
- စတော်ဘယ်ရီသီး - ၁၁လုံးခန့်
- သကြား - ထမင်းစားဇွန်း တစ်ဇွန်း
- အုန်းနို့ - 1/2 cup
- ရေခဲတုန်း - 1 cup
- ရေ - 1/2 cup
- ဘလင်ဒါ
ပြင်ဆင်ပုံ
- စတော်ဘယ်ရီသီးကို ရေဆေးပြီး အညှာဖယ်ပေးကာ အနေတော် အတုံးလေးတွေ တုံးပေးထားပါ
- သကြား ရေ အုန်းနို့နှင့် ရေခဲတုန်းတို့ကို ပြင်ထားပါ
- အားလုံးအဆင်သင့်ဖြစ်တာနဲ့ ရေခဲတုန်း ရေ အုန်းနို့ သကြားနှင့် စတော်ဘယ်ရီသီးတို့ကို ဘလင်ဒါထဲထည့်ပေးပါ
- အားလုံးကို ကျေပြီးသမသွားအောင် ကြိတ်ပေးပါ
- ပြီးတာနဲ့ စတော်ဘယ်ရီမစ်ရှိတ် ချိုအေးမွှေးလေးကို မိမိနှစ်သက်သော ဖန်ခွက်ထဲထည့်ပေးကာ ရွှေရင်အေးမြသွားအောင် သုံးဆောင်နိူင်ပါပြီ။
- စတော်ဘယ်ရီသီး အချဉ်စူးပြီး အချိုကြိုက်ပါက သကြားကို ပိုထည့်ပေးပါ။
No comments:
Post a Comment