Saturday, 15 March 2025

ပိန္နဲသီးထောင်း

 





မာမာဒီနေ့တော့ ပိန္နဲသီးကို ချဉ်ငံစပ်လေး ထောင်းဖြစ်ပါတယ် ဒါကြောင့်မို့လို့  ထမင်းပူပူလေးနဲ့ လိုက်ဖက်ပြီး စားလို့ကောင်းလွန်းတဲ့ ပိန္နဲသီးထောင်းနည်းလေးကို မျှ‌ဝေပေးလိုက်ပါတယ်ရှင်။

ပါ၀င်ပစ္စည်းများ
  1.  ပိန္နဲသီးပြုပ်ပြီးသား - အနေတော် လေးစိတ်
  2. ငါးငံပြာရည် - ထမင်းစားဇွန်း တစ်ဇွန်း
  3. ဆား - အနည်းငယ်
  4. ကြက်သွန်ဖြူ - အမွှာကြီးကြီး ရှစ်မွှာ
  5. ကြက်သွန်နီ - အနေတော် တစ်ခြမ်း
  6. ငရုတ်သီး အလှော်မှုန့် - စားနိူင်သလောက်
  7. ငရုတ်သီးစိမ်း - စားနိူင်သလောက်
  8. နံနံပင် - အနေတော် တစ်ပင်
  9. သံပုရာသီး - တစ်ခြမ်း
  10. အရသာမှုန့် - လက်ဖက်ရည်ဇွန်း တစ်၀က်သာသာ

 ပြုပ်ရန် ပြင်ဆင်ပုံ
  • ပိန္နဲသီးမှ ရင့်နေသော အဖတ်များနှင့် မလိုတာ‌တွေကို ဖယ်ပေးပြီး ရေစင်အောင် ဆေးထားပါ
  • ပြီးတာနဲ့ ပိန္နဲသီးကွင်း ကို ဗနီကာ ခပ်များများနှင့် ရေမြုပ်အောင်ထည့်ကာ နာရီဝက်လောက် စိမ်ထားပါ
  • ရေစိမ်ပြီးတာနဲ့ ထိုအရည်များ သွန်ပေးကာ  အနေတော် အိုးတစ်လုံးထဲမှာ ရေခပ်များများထည့်ပြီး မီးဖိုပေါ်တင်ကာ ပွက်ပွက်ဆူအောင် တည်ပေးပါ
  • ရေပွက်ပွက် ဆူလာပြီးတာနဲ့ ပိန္နဲသီးကွင်း များကို နူးတဲ့အထိ ပြုပ်ပေးပါ
  • နူးအိနေအောင် ပြုပ်ပြီးပါက ရေနွေးများသွန်ကာ ရေအေးနဲ့ဆေးပြီး ရေများကိုသွန်ကာ ရေစစ်ပေးပါ
အသုပ်သုပ်ရန် ပြင်ဆင်ပုံ
  • ပြုပ်ပြီးသား ပိန္နဲသီးများကို မထူမပါးလေးတွေ လှီးထားပါ
  • နံနံပင်ကို ရေဆေးပြီး မထူမပါး လှီးထားပါ
  • ငရုတ်သီးစိမ်းကို ရေဆေးပြီး ခပ်ပါးပါး လှီးထားပါ
  • သံပုရာသီးကို ရေဆေးပြီး ထက်ဝက်ခြမ်းထားပါ
  • ကြက်သွန်ဖြူကို အခွံခွာပြီး ရေဆေးထားပါ
  • ကြက်သွန်နီကို အခွံခွာပြီး အလုံးလိုက် ရေဆေးကာ ခပ်ထူထူ လှီးထားပါ
  • ကျန်သော ပါ၀င်ပစ္စည်းများကို အဆင်သင့် ပြင်ထားပါ
  • အားလုံးအဆင်သင့် ဖြစ်တာနဲ့ ငရုတ်ဆုံ ကျယ်ကျယ်ထဲမှာ ငရုတ်သီးစိမ်း ကြက်သွန်နီ ကြက်သွန်ဖြူနှင့် ဆားတို့ကိုထည့်ကာ မညက်တညက်လေး ထောင်းပေးပါ
  • ပြီးတာနဲ့  ပိန္နဲသီးများ ငရုတ်သီးမှုန့်  အရသာမှုန့် ငါးငံပြာရည်နှင့် သံပုရာရည်တို့ထည့်ပြီး ခပ်ဖွဖွ ထောင်းပေးပါ
  •  ပိန္နဲသီး ထောင်းထားတာ အရသာ သမသွားပါက အရသာမြည်းပြီး မိမိစိတ်ကြိုက် လိုသလို ပြင်ပေးကာ ချဥ်ငံစပ် ပိန္နဲသီး ထောင်းလေးကို မိမိနှစ်သက်သလို စားသုံးနိူင်ပါပြီ။

No comments:

Post a Comment