ကြက်သား ဒံပေါက်

ၾကက္သားဒံေပါက္

လေးညှင်း ဖာလာ သစ်ဂျပိုးခေါက် ကရဝေးရွက်

နာနတ်ပွင့် ဇီယာစေ့နှင့် နံနံစေ့  

ကြက်သွန်နီထောင်း ချင်းထောင်း ကြက်သွန်ဖြူ

ထောင်း နနွင်းမှုန့် ငရုတ်သီး အရောင်တင်မှုန့် 

ဆား ပူစီနံ နံနံပင် ငရုတ်သီးစိမ်း ကြက်သွန်နီ

ဆီချက်

ဒိန်ချဉ် သံပုရာရည် ဆီ

ပါဝင်ပစ္စည်းအားလုံး ရောနယ်ပေးပါ

  အရသာဝင်အောင် နယ်ပေးပါ

  အရသာ နယ်ထားသော ကြက်သားဇလုံကို

cling wrap နှင့် လုံအောင်ပိတ်ပြီး ရေခဲသေတ္တာ

မခဲတဲ့ အကန့်ထဲမှာ တညသိပ် နှပ်ထားပေးပါ

  နောက်နေ့မနက်မှာ ဟင်းချက်ရန် အဆင်သင့်

ရပါပြီ။

ဟင်းတစ်ဝက်ကျက်အောင် ချက်ထားပေးပါ

 basmati ဆန်

  ရေဆေးပြီး ရေနာရီဝက်လောက် စိမ်ထားပါ

ghee  ထောပါတ်

ထမင်းချက်ရန်အတွက် ပါဝင်ပစ္စည်းများ

  ရေကို ပွက်ပွက်ဆူအောင် တည်ပေးပါ

  ရေဆူတာနဲ့ ဆန်ထည့်ပြီး ထမင်းတစ်ဝက်

ကျက်အောင် တည်ပေးပါ

  ထမင်းတစ်ဝက် ကျက်တာနဲ့ ရေစစ်ထားပါ

food colouring

  ဒံပေါက်ချက်ရန် ပါဝင်ပစ္စည်းများ

တစ်ဝက်ကျက်အောင် ချက်ထားသော ကြက်သား

ထမင္းအေပၚမွာ ေထာပါတ္တံုးေလးမ်ား တင္ေပးပါ

  

  

  

  

သမီးငယ်လေး ကျောင်းပိတ်ချိန် အိမ်ခနပြန်လာတုန်း သူစားချင်တာလေးတွေ တစ်မျိုးပြီးတစ်မျိုး မရိုးရအောင် ချက်ကျွေးတဲ့ အထဲက ဒီနေ့တော့ ကြက်သားဒံပေါက် ချက်ကျွေးဖြစ်လို့ မာမာပြင်ဆင်ပြီး ချက်ဖြစ်တဲ့ ဒံပေါက်ချက်နည်းလေးကို မျှဝေပေးလိုက်ပါတယ်ရှင်။

ပါ၀င်ပစ္စည်းများ (၆ပွဲစာအတွက်)

ကြက်သွန်နီကြော်ရန်

1. ဆီ - မုန့်လုပ်ရာတွင် ချင်တွယ်သောခွက် နှစ်ခွက်
2. နနွင်းမှုန့် - လက်ဖက်ရည်ဇွန်း တစ်ဝက်
3. ကြက်သွန်နီ - ခပ်ကြီးကြီး နှစ်လုံးခွဲကို အခွံခွာပြီး အလုံးလိုက် ရေဆေးကာ ခပ်ပါးပါး လှီးထားပါ
4. ဒယ်အိုးထဲမှာ ဆီထည့်ကာ ဆီကိုအပူပေးပြီး နနွင်းမှုန့်ကို ထည့်ပေးပါ
5. ပြီးတာနဲ့ လှီးထားသော ကြက်သွန်နီကို ထည့်ကြော်ပေးပါ
6. ကြက်သွန်များ ရွှေဝါရောင် သန်းလာအောင် ကြော်ပေးကာ ဆယ်ပြီးဆီစစ်ထားပါ

(ကြက်သားအရသာနယ်ရန် လိုအပ်သော ပစ္စည်းများ)

1. ကြက်ပေါင်သား - တစ်ကီလို
2. ကြက်သွန်နီကြော် - ထမင်းစားဇွန်း သုံးဇွန်းခန့်
3. ကြက်သွန်ဖြူ - အမွှာကြီးကြီး ၇မွှာကို အခွံခွာပြီး ရေဆေးကာ ညက်နေအောင် ထောင်းထားပါ
4. ချင်း - တစ်လက်မကို အခွံခွာပြီး ရေဆေးကာ ညက်နေအောင် ထောင်းထားပါ
5. ကရဝေးရွက် - လေးရွက်
6. ဖာလာစေ့ - ၄စေ့
7. လေးညှင်း - ၄ပွင့်
8. နာနတ်ပွင့် - သုံးခု
9. နံနံစေ့ - အစေ့နှစ်ဆယ်ခန့်
10. ဇီယာစေ့ - လက်ဖက်ရည်ဇွန်း တစ်ဇွန်းစာ
11. သစ်ဂျပိုးခေါက် - တစ်လက်မခွဲခန့် နှစ်ချောင်း
12. နံနံပင် လှီးပြီးသား - တစ်ခွက် (မုန့်လုပ်ရာတွင် ချင်တွယ်သောခွက်)
13. ပူစီနံ လှီးပြီးသား - တစ်ခွက် (မုန့်လုပ်ရာတွင် ချင်တွယ်သောခွက်)
14. ဆား - လက်ဖက်ရည်ဇွန်း နှစ်ဇွန်း
15. ကြက်သားမှုန့် - လက်ဖက်ရည်ဇွန်း နှစ်ဇွန်း (ကြိုက်လျှင်ထည့်ပါ)
16. ဒိန်ချဉ် - ထမင်းစားဇွန်း နှစ်ဇွန်းခွဲ မောက်မောက်
17. ဆီ - ထမင်းစားဇွန်း ၁၄ဇွန်းခန့်
18. ငရုတ်သီး အရောင်တင်မှုန့်- လက်ဖက်ရည်ဇွန်း သုံးဇွန်း
19. ကြက်သားကို ရေဆေးကာ ဇလုံတစ်လုံးထဲမှာထည့်ပြီး ပါဝင်ပစ္စည်း အားလုံးထည့်ကာ အရသာဝင်အောင် နယ်ပေးပါ
20. ပြီးတာနဲ့ cling wrap နှင့် လုံအောင်ပိတ်ပြီး ရေခဲသေတ္တာ မခဲတဲ့ အကန့်ထဲမှာ ၁၂နာရီခန့် နှပ်ထားပေးပါ
21. နောက်နေ့မနက်မှာ အရသာ နယ်ထားသော ကြက်သားကို အိုးတစ်လုံးထဲမှာ ထည့်ပေးပါ
22. ပြီးတာနဲ့ ဇလုံမှာ ကပ်နေသော အရသာ အနှစ်များကို ရေအနည်းငယ်နှင့် ကျင်းပေးကာ ကြက်သားအိုးထဲကို ထည့်ပေးပါ
23. ကြက်သားအိုးကို အဖုံးအုပ်ပေးပြီး အိုးမကပ်စေရန် မီးအနေတော်နဲ့  တစ်ဝက်နီးပါး ကျက်အောင် ချက်ထားပေးပါ
24. ကြက်သားဟင်း ချက်ထားစဉ် အိုးမကပ်စေရန် အိုးကိုမကြာမကြာ လှုပ်လှုပ်ပေးပါ
25. ဟင်းအိုးထဲမှ ရေမခမ်းခင် ကြက်သားများ တစ်ဝက်ကျက်လောက်တာနဲ့ မီးပိတ်ပြီး မီးဖိုပေါ်မှ ဖယ်ထားပေးပါ။

(ဒံပေါက်ထမင်း ၆ပွဲစာ ချက်ရန် လိုအပ်သော ပစ္စည်းများ)

1. Basmati ဆန် - ထမင်းပေါင်းအိုး ဆန်ချင်ဗူး ခြောက်ဗူး
2. ရေ - လေးလီတာ
3. ghee ထောပါတ် - ထမင်းစားဇွန်း နှစ်ဇွန်း
4. ကရဝေးရွက် - လေးရွက်
5. ဖာလာစေ့ - လေးစေ့
6. လေးညှင်း - ခြောက်ပွင့်
7. ငရုတ်ကောင်း - ခြောက်စေ့
8. ဆား - လက်ဖက်ရည်ဇွန်း ခြောက်ဇွန်း

(ထမင်းချက်ရန် ပြင်ဆင်ပုံ)

• ဆန်ကို ရေသုံးခါလောက်ဆေးပြီး ရေမြုပ်အောင်ထည့်ကာ ရေနာရီ၀က်လောက် စိမ်ထားပါ
• ရေစိမ်ချိန် နာရီဝက် ပြည့်တာနဲ့ ရေစစ်ထားပြီး ထမင်းချက်ဖို့ စတင်ပြင်ဆင်ပေးပါ
• ဇောက်နက်သော အိုးတစ်လုံးထဲမှာ ရေကိုပွက်ပွက်ဆူအောင် တည်ပေးပါ
•  ရေ ပွက်ပွက် ဆူလာတာနဲ့ ghee ထောပတ် ကရဝေးရွက် ဖာလာစေ့ ငရုတ်ကောင်းစေ့တို့ထည့်ပြီး နှစ်မိနစ်လောက် ဆူအောင်ထားပါ
• ရေဆူချိန် နှစ်မိနစ်ပြည့်တာနဲ့ ဆန်ထည့်ကာ မီးအားပြင်ပြင်းနဲ့ ဆူအောင် ဆက်တည်ပါ
• ဆန်တစ်၀က်ကျက်ဖို့ ငါးမိနစ်လောက် တည်ပြီးတာနဲ့ အပေါက်စိတ်သော ဇကာထဲ သွန်ချပြီး ရေစစ်ထားပါ

(ဒံပေါက်ချက်ရန် ပါဝင်ပစ္စည်းများ)

1. ရေစစ်ထားသော တစ်၀က်ကျက်ထားသည့် ထမင်း
2. တစ်ဝက်ကျက်အောင် ချက်ထားသော ကြက်သား
3. စပျစ်သီးခြောက် - တစ်ခွက် (မုန့်လုပ်ရာတွင် ချင်တွယ်သောခွက်)
4. နံနံပင် လှီးပြီးသား - တစ်ခွက် (မုန့်လုပ်ရာတွင် ချင်တွယ်သောခွက်)
5. ကြက်သွန်နီ ဆီချက်ဖတ် - ထမင်းစားဇွန်း သုံးဇွန်း
6. food coloring (Yellow) - လေးငါးစက်ခန့်
7. အရောင်ရေရောရန် ရေ - ထမင်းစားဇွန်း လေးဇွန်း
8. နွားနို့ - ထမင်းစားဇွန်း လေးဇွန်း
9. ဆီ - ထမင်းစားဇွန်း နှစ်ဇွန်း
10. ထောပါတ်ခဲ - ငါးဆယ်ဂရမ်
11. ဒယ်အိုးအပြားအဟောင်း - တစ်လုံး

(ပြင်ဆင်ပုံ)

• အောက်ခြေမကပ်ဘဲ အိုးအသားထူသော အိုးထဲမွာ တစ်ဝက်ကျက်အောင် ချက်ထားသော ကြက်သားကို ဖြန့်ထည့်ပါ
• ပြီးလျှင် ထိုဟင်းပေါ်မှာ တစ်၀က်ကျက်ထားသော ထမင်းကို အနည်းငယ်ချန်ကာ ဖြန့်ပြီးထည့်ပေးပါ 
• ထမင်းအပေါ်မှာ ဆီနှင့် နွားနို့ကို ဖြန့်ပြီး ထည့်ပေးပါ
• ကြက်သွန်ကြော် ထမင်းစားဇွန်း ၃ဇွန်း  စပျစ်သီးခြောက်နှင့် နံနံပင်တို့ကို ဖြန့်ထည့်ပြီး ထိုအပေါ်မှာ ထမင်းအနည်းငယ် ဖြန့်ခင်းပေးပါ
• Food coloring ကို ရေ ထမင်းစားဇွန်း လေးဇွန်းနှင့် ရောမွှေကာ ထမင်းပေါ်မှာ ဇွန်းနှင့်ခပ်ပြီး ဖြန့်လောင်းပေးပါ
• ထောပါတ်တုံးကို လေးတုံးရအောင် လှီးပေးကာ ထမင်းအပေါ်မှာ တင်ပေးပါ
• ပြီးတာနဲ့ အိုးကို လေလုံအောင် aluminum foil တစ်ထပ်ဖုံးပြီး အိုးအဖုံးကို ထပ်ဖုံးပေးပါ
• ဒယ်ပြားအဟောင်းကို အားပြင်းပြင်းနဲ့ အပူပေးထားပါ
• အိုးပူလာတာနဲ့ ဒယ်ပြားပေါ်မှာ ထမင်းအိုးကိုတင်ပြီး ၅မိနစ်လောက် တည်ပေးပါ
• ၅မိနစ် ပြည့်တာနဲ့ မီးကို နံပါတ် ၂လောက်ထိလျှော့ပြီး နာရီဝက်လာက် ဆက်ပြီးနှပ်ထားပေးပါ
• ပြီးတာနဲ့ မီးပိတ်ပြီး မိနစ်၃၀လောက် မီးဖိုပေါ်မှာ ဆက်နှပ်ထားပြီးရင် ကြက်သားဒံပေါက်ထမင်း မွှေးမွှေးလေး ရပါပြီ။

ထမင်းပွဲပြင်ဆင်ပုံ

• ဒံပေါက်ထမင်းကို ဇောက်တစ်ခြမ်း ခူးပေးပြီး ကြက်သားများကို အပေါ်ကို ဆယ်ယူပြီး တင်ထားပါ
• ပြီးတာနဲ့ ဒံပေါက်ထမင်းများကို အရသာ သမသွားအောင် အထက်အောက် ခပ်ဖွဖွလေး လှန်ပေးပါ
• ပြီးတာနဲ့ အရသာ သမသွားအောင် အနည်းငယ် ခပ်ဖွဖွလေး မွှေပေးပြီးမှ ထမင်းပြင်မည့် ပန်းကန်ထဲကို မိမိလိုသလောက် ဒံပေါက်ထမင်းနှင့်ဟင်းကို မျှပြီးထည့်ပေးပါ
• အားလုံးအဆင်သင့် ဖြစ်တာနဲ့ ဒံပေါက်ထမင်းကို သံပုယိုသီးသနပ် မုံလာဥနီ ပူစီနံ ဂေါ်ဖီ ငရုတ်သီးစိမ်းနှင့် ပဲနီလေး ဟင်းချိုတို့ ထည့်ပေးကာ စားသုံးရန် ပြင်ဆင်ပေးနိူင်ပါပြီ။