ဒီနေ့တော့ သမီးငယ်လေး စားချင်တယ် ဆိုတာနဲ့ ပဲပြားအစာသွပ်လေး လုပ်စားဖြစ်ပါတယ် ဒါကြောင့်မို့လို့ အရမ်းစားလို့ကောင်းပြီး အရသာ ချိုချဉ်ငံစပ်လေးနဲ့ မာမာလုပ်စားဖြစ်တဲ့ နည်းလေးကို မျှဝေပေးလိုက်ပါတယ်ရှင်။
ပါ၀င်ပစ္စည်းများ
- ပဲပြား - အတုံးကြီးကြီး နှစ်တုံး
- ငါးငံပြာရည် - လိုသလောက် ပြင်ထားပါ
- ပဲအကျက်မှုန့် - လိုသလောက် ပြင်ထားပါ
- ငရုတ်သီး အကျက်မှုန့်. - လိုငလောပ် ပြင်ထားပါ
- ကြက်သွန်ဖြူဆီချက် - လိုသလောက် ပြင်ထားပါ
- ငရုတ်သီးစိမ်း - လိုငလောက် ပြင်ထားပါ
- နံနံပင် - လိုသလောက် ပြင်ထားပါ
- ဂေါ်ဖီ - လိုသလောက် ပြင်ထားပါ
- မုံလာဥနီ - လိုသလောက် ပြင်ထားပါ
- မြေပဲလှော် - လိုသလောက် ပြင်ထားပါ
- မန်ကျည်းသီးမှည့် အရည်ဖျော် - လိုသလောက် ပြင်ထားပါ
- ဆီ - လိုသလောက် ပြင်ထားပါ (ပဲပြားကြော်ရန်)
- နနွင်းမှုန့် - လက်ဖက်ရည်ဇွန်း သုံးပုံတစ်ပုံ (ပဲပြားအရသာနယ်ရန်)
- ဆား - လက်ဖက်ရည်ဇွန်း တစ်ဝက် (ပဲပြားအရသာနယ်ရန်)
- အရသာမှုန့် - လက်ဖက်ရည်ဇွန်း တစ်ဇွန်း (ပဲပြားအရသာနယ်ရန်)
ပဲပြားကြော်ရန် ပြင်ဆင်ပုံ
- ပဲပြားကို ရေတစ်ထပ်ဆေးပြီး ရေစစ်ထားပါ
- ရေစစ်သွားတာနဲ့ ဆားနှင့် အရသာမှုန့်တို့ထည့်ပြီး အရသာဝင်အောင် ခပ်ဖွဖွလေး နယ်ပေးပါ
- ပြီးတာနဲ့ တြိဂံပုံလေးတွေ တုံးထားပါ
- ရေစစ်သွားတာနဲ့ ဒယ်အိုးထဲကို ဆီနှင့်နနွင်းမှုန့်ထည့်ပြီး အပူပေးပါ
- ဆီပူလာတာနဲ့ မီးကိုအနေတော် လျှော့ပေးပြီး ပဲပြားများကို တစ်တုံးချင်း အိုးဆန့်သလောက် ထည့်ကြော်ပေးပါ
- ပဲပြားတစ်ဖက်ကျက်သွားပါက နောက်တစ်ဖက်ကို လှန်ပေးကာ ကြော်ပေးပါ
- ပဲပြားတစ်တုံးလုံး ရွှေဝါရောင် သန်းလာပါက ဆယ်ပြီး ဆီစစ်ပေးထားပါ
- အထက်ပါ နည်းအတိုင်း ပဲပြားများ ကုန်တဲ့အထိ ကြော်ပေးထားပါ။
အစာသွပ်မည့် ပစ္စည်းများ ပြင်ဆင်ရန်
- ဂေါ်ဖီကို ခပ်ပါးပါးလေးတွေ လှီးပေးပြီး ရေစင်အောင်ဆေးကာ ရေစစ်ထားပါ
- ပဲပြားကို အစာသွပ်ရန်အတွက် အပေါက်လေးရအောင် ကပ်ကျေးနှင့် အရှည်လိုက်လေး ညှပ်ပေးပါ
- မုံလာဥနီကို အခွံခွာပြီး ရေဆေးကာ ခပ်ပါးပါးလေးတွေ ခြစ်ထားပေးပါ
- မန်ကျည်းသီးမှည့်ကို ရေတစ်ထပ်ဆေးပေးပြီး ရေနွေးပုပူနှင့် စိမ်ထားပါ
- နံနံပင်ကို ရေစင်အောင် ဆေးပေးပြီး မထူမပါးလေးတွေ လှီးပေးထားပါ
- မြေပဲလှော်ကို အခွံခြွတ်ပေးထားပါ
- ငရုတ်သီးစိမ်းကို ရေစင်ဆေးပေးပြီး ခပ်ပါးပါးလေးတွေ လှီးပေးထားပါ
- ပဲပြား ကြက်သွန်ဖြူဆီချက် ပဲအကျက်မှုန့်နှင့် ငရုတ်သီး အကျက်မှုန့်တို့ကို အဆင်သင့် ပြင်ထားပါ
အစာသွပ်ပုံ
- ပဲပြားကိုယူပြီး ကပ်ကျေးနှင့် ညှပ်ထားသော နေရာကို ဟပေးပါ
- မြေပဲလှော် - လက်ဖက်ရည်ဇွန်း တစ်ဝက်
- ဟင်းချိုမှုန့် - လက်ဖက်ရည်ဇွန်းဖျား ပါတယ်ဆိုရုံလေး (မာမာကတော့ မထည့်ထားပါ)
- ဂေါ်ဖီ - အနည်းငယ်
- မုံလာဥနီ - အနည်းငယ်
- ငရုတ်သီးစိမ်း - စားနိူင်သလောက်
- နံနံပင် - အနည်းငယ်
- မန်ကျည်းမှည့်ရည် - လက်ဖက်ရည်ဇွန်း တစ်ဇွန်း
- ငါးငံပြာရည် - လက်ဖက်ရည်ဇွန်း တစ်ဇွန်း
- ကြက်သွန်ဖြူ ဆီချက် - လက်ဖက်ရည်ဇွန်း တစ်ဝက်
- ပဲအကျက်မှုန့် - လက်ဖက်ရည်ဇွန်း တစ်ဝက်
- ငရုတ်သီး အကျက်မှုန့် - လက်ဖက်ရည်ဇွန်း တစ်ဝက်တို့ ကို ဖိသိပ်ပြီး ထည့်ပေးပြီးပါက အရမ်းစားလို့ ကောင်းလွန်းတဲ့ ပဲပြား အစာသွပ်လေးတွေ ရပါပြီ။
No comments:
Post a Comment