Sunday, 24 May 2020

Kimchi လုပ်နည်း











ဆောင်းရာသီ ရောက်လေတော့ ချဉ်ငံစပ်လေးတွေ စားချင်လာခဲ့တယ် ဒီတော့လဲ ထမင်းပူပူလေးနဲ့ လိုက်ဖက်လွန်းတဲ့ kimchi လေး အချဉ်တည်မိပြန်ပါတယ် ဒါကြောင့်မို့လို့ ယူကျူ့ ကကြည့်ကာ မာမာပြင်ဆင်ပြီး လုပ်ထားတဲ့ kimchi လုပ်နည်းလေးကို မျှဝေပေးလိုက်ပါတယ်ရှင်။

ပါဝင်ပစ္စည်းများ

  1. တရုတ်မုန့်ညှင်းဖြူ  - တစ်ထုတ် (ကိုးဆယ်သားခန့်)
  2. ရေ - 1 cup  (မုန့်ညှင်းဖြူ  ဆားရည်စိမ်ရန်)
  3. ဆား - ထမင်းစားဇွန်း ခြောက်ဇွန်း (မုန့်ညှင်းဖြူ  ဆားရည်စိမ်ရန်)
  4. ကောက်ညှင်းအစိမ်းမှုန့် - ထမင်းစားဇွန်း နှစ်ဇွန်း
  5. သကြား - ထမင်းစားဇွန်း သုံးဇွန်း (ကောက်ညှင်းမှုန့်ကျိုရန်)
  6. ငရုတ်သီးမှုန့် - 1 cup (မုန့်လုပ်ရာတွင် ချင်တွယ်သောခွက်)
  7. ငါးငံပြာရည် - ထမင်းစားဇွန်း ငါးဇွန်း (ကောက်ညှင်းမှုန့်ကျိုရန်)
  8. ရေ - 1 cup (ကောက်ညှင်းမှုန့်ကျိုရန်) )
  9. သကြား - လက်ဖက်ရည်ဇွန်း တစ်ဇွန်း (အနှစ်ကြိတ်ရန်)
  10. ဆား - ထမင်းစားဇွန်း တစ်ဇွန်း (အနှစ်ကြိတ်ရန်)
  11. ချင်း - တစ်လက်မခန့် (အနှစ်ကြိတ်န်)
  12. ကြက်သွန်ဖြူ  - အမွှာကြီးကြီး ဆယ့်ငါးမွှာ (အနှစ်ကြိတ်ရန်)
  13. ကြက်သွန်နီ - အနေတော် တစ်လုံး (အနှစ်ကြိတ်ရန်)
  14. မုံလာဥနီ - အနေတော် တစ်ဥ
  15. မုံလာဥဖြူ  - အနေတော် တစ်ဥ
  16. ကြက်သွန်မိတ် - ဆယ်ပင်ခန့်
  17. နှမ်းလှော် - မိမိနှစ်သက်သလောက် 

ပြင်ဆင်ပုံ
  1. မုန့်ညှင်းဖြူ ထုတ်ကို ထက်ခြမ်းခြမ်းပြီး နောက်ထပ် ထက်ဝက်ထပ်ခြမ်းကာ လက်သုံးလုံးလောက် အထူလေးတွေ လှီးပေးပါ
  2. ပြီးတာနဲ့ ဇလုံကျယ်ကျယ် တစ်လုံးထဲမှာ မုန့်ညှင်းဖြူ များ  ရေနှင့် ဆားထည့်ပြီး ဖြူးပြီး အထက်အောက် သမအောင် နယ်ပေးကာ နှစ်နာရီလောက် နှပ်ထားပါ
  3. နာရီဝက် လောက်နေရင် အထက်အောက် သမအောင် လှန်ပေးပြီး နောက်ထပ် နာရီဝက်နေရင် အထက်အောက် တစ်ခါထပ်လှန်ပေးကာ လေးကြိမ်လောက် အထက်အောက် လှန်လှန်ပေးပြီး နှပ်ထားပါ
  4. ဆားရည်နှင့် နှပ်ထားချိန် နှစ်နာရီ ပြည့်တာနဲ့ ဆားရည်များ ကုန်သွားအောင် ရေများများနှင့် ငါးထပ်လောက် ဆေးပေးပြီး ရေစစ်ထားပါ
ကင်မ်ချီအနှစ် ပြုလုပ်ပုံ
  1. အိုးထဲမှာ ရေထည့်ပြီး ကောက်ညှင်းအစိမ်းမှုန့်နှင့် သကြားတို့ကို ထည့်ပေးကာ မီးနွေးနွေးနဲ့ ကျိုပေးပါ
  2. ကောက်ညှင်းမှုန့်များ မပြစ်မကျဲ  အနေအထား ရလာပြီဆိုရင် မီးဖိုပေါ်မှ ဖယ်ပေးပြီး အအေးခံထားပါ
  3. ကြက်သွန်ဖြူကို အခွံခွာပြီး ရေဆေးထားပါ
  4. ကြက်သွန်နီကို အခွံခွာပြီး ရေဆေးကာ လေးစိတ်စိတ်ထားပါ
  5. ချင်းကိုအခွံခွာပြီး ရေဆေးထားပါ
  6. ငရုတ်သီးမှုန့် ငံပြာရည် ကြက်သွန်ဖြူ  ကြက်သွန်နီ ချင်း ကျိုထားသော ကောက်ညှင်းမှုန့်အနှစ် ဆားနှင့် သကြားတို့ကို အဆင်သင့် ပြင်ထားပါ
  7. ကြိတ်စက်ထဲမှာ ကြက်သွန်ဖြူ  ကြက်သွန်နီ ချင်း အရည်ကျိုထားသော ကောက်ညှင်းဆန်နှစ် ငံပြာရည် သကြားနှင့် ငရုတ်သီးမှုန့်တို့ကို ထည့်ပေးပြီး ညက်နေအောင် ကြိတ်ပေးထားပါ
Kimchi ပြုလုပ်ပုံ
  • ကြက်သွန်မိတ်ကို ရေဆေးပြီး မထူမပါး လှီးပေးထားပါ
  • မုံလာဥနီကို အခွံခွာပြီး ရေဆေးကာ ခပ်ပါးပါး အချောင်းတွေ ရလာအောင် လှီးထားပါ
  • မုံလာဥဖြူကို အခွံခွာပြီး ရေဆေးကာ ခပ်ပါးပါး အချောင်းလေးတွေ လှီးထားပါ
  • ကင်မ်ချီ အနှစ်ကို ပြင်ထားပါ
  • ဇလုံတစ်လုံးထဲမှာ ကြက်သွန်မိတ် မုံလာဥနီ မုံလာဥဖြူ  နှင့် ကင်မ်ချီအနှစ်တို့ကို သမသွားအောင် ရောနယ်ပေးထားပါ
  • ပြီးတာနဲ့  အနှစ်စပ်ထားသော ဇလုံထဲမှာ ရေဆေးပြီး စစ်ထားသော မုန့်ညှင်းဖြူ  များကို ထည့်ပေးပြီး အရသာ သမအောင် နယ်ပေးပါ
  • အရသာ သမသွားပြီ ဆိုတာနဲ့ အချဉ်တည်ထားမည့် ဗူးကို သန့်နေအောင် ရေဆေးပြီး ရေခြောက်အောင် သုတ်ပေးကာ ကင်မ်ချီများကို ထည့်ပေးပါ
  • အခန်းအပူချိန်အတိုင်း နှစ်ရက်လောက် ထားပေးပြီးရင် ကင်မ်ချီ မွှေးမွှေးလေးကို မိမိနှစ်သက်သလို ပြင်ဆင်ပြီး နှမ်းလှော်လေး ဖြူးပေးကာ စားသုံးရန် ပြင်ပေးနိူင်ပါပြီ။
မှတ်ချက် ။ ။ ရေ 1 cup =  Zebra ထမင်းစားဇွန်း ၁၄ဇွန်းခန့်နှင့် ညီပါသည်။

No comments:

Post a comment