Sunday, 1 March 2020

ငါးဖယ်ကြော်နှပ်


ဒီတစ်ခါတော့ အစပ်မစားတဲ့ ကလေးတွေ အဖေအတွက် ထမင်းပူပူလေးနဲ့ လိုက်ဖက်လွန်းတဲ့ ငါးဆုတ်ကြော်နှပ်လေး ချက်ဖြစ်လို့ မာမာပြင်ဆင်ပြီး ချက်ထားတဲ့ ချက်နည်းလေးကို မျှဝေလိုက်ပါတယ်ရှင်။

ပါဝင်ပစ္စည်းများ

ငါးဆုတ်ကြော်အတွက် ငါးအရသာနယ်ရန် 

  1. ငါးဖယ်ခြစ် - သုံးဆယ့်ငါးကျပ်သား
  2. ဆား - လက်ဖက်ရည်ဇွန်းတစ်ဝက်
  3. ဟင်းချိုမှုန့် - လက်ဖက်ရည်ဇွန်းတစ်ဝက်
  4. နနွင်းမှုန့် - လက်ဖက်ရည်ဇွန်းလေးပုံတစ်ပုံ (အားလုံကိုရောနယ်ပြီး ဇလုံကျယ်ကျယ်ထဲမှာ အချက် ၃၀၀လောက်ပေါက်ပေးပါ)

ငါးဆုတ်ကြော်ရန်
  • ဆီ - လက်ဖက်ရည်ပန်းကန်လုံး တစ်လုံးခွဲ
  • ငါးပေါက်ပြီးသားကို အရင်ဆုံး ငါးဆုပ်ပုံစံလေး လုံးပေးပြီးမှ လက်ဝါးပေါ်တင်ကာ တင်ထားသော လက်၏ လက်မလေးဖြင့် ဖိပြားပေးပြီးမှ ဆီပူအိုးထဲသို့ တစ်ခါထဲ တန်းထဲ့ပြီးကြော်ပေးပါ
  • ကြော်နေစဉ် အကျက်ညီစေရန် ငါးဆုတ်လုံးကို လှည့်ပေးပါ
  • ငါးဆုတ်တစ်ခုလုံး ရွှေဝါရောင်သန်းပါက ဆယ်ပြီး ဆီစစ်ထားပါ

ငါးဆုတ်ကြော်နှပ်အတွက် ပါဝင်ပစ္စည်းများ

  • ငါးဆုတ် - ၁၀ခု
  • ကြက်သွန်နီ - အနေတော် ၂လုံး
  • ကြက်သွန်ဖြူ - အမွှာကြီးကြီး ၂မွှာ
  • ချင်း - လက်တစ်ဆစ်ခန့်
  • ငံပြာရည် - ထမင်းစားဇွန်း တစ်ဇွန်း
  • အရသာမှုန့် - လက်ဖက်ရည်ဇွန်း တစ်ဝက်
  • နနွင်းမှုန့် - လက်ဖက်ရည်ဇွန်း သုံးပုံတစ်ပုံ
  • ဆီ - ထမင်းစားဇွန်း ဆယ်ဇွန်း

ပြင်ဆင်ချက်ပြုပ်ပုံ
  • ကြော်ထားသော ငါးဆုတ်ကို အအေးခံပြီး ခပ်ပါးပါး လှီးထားပါ
  • ကြက်သွန်နီကို အခွံခွာပြီး အလုံးလိုက် ရေစင်အောင်တေးကာ ခပ်ပါးပါး လှီးထားပါ
  • ကြက်သွန်ဖြူကို အခွံခွာပြီး ရေဆေးကာ ခပ်ပါးပါး လှီးထားပါ
  • ချင်းကို အခွံခွာပြီး ရေဆေးကာ အမြှောင်းရှည်ရှည်လေးတွေ လှီးထားပါ
  • အားလုံး အဆင်သင့်ဖြစ်ပါက အောက်ခြေမကပ်သော ဒယ်အိုးကို အပူပေးကာ ဆီကို ထည့်ပေးပါ
  • ဆီပူလာပါက. နနွင်းမှုန့်ထည့်ပြီး ကြက်သွန်အဖြူ ကြက်သွန်အနီ ချင်းတို့ကို မွှေးသွားအောင် ကြော်ပေးပါ
  • ပြီးတာနဲ့ လှီးထားသော ငါးဖယ်ငါးဆုတ်နှင့် အရသာမှုန့် ငံပြာရည်တို့ထည့်မွှေပေးပြီး မီးပိတ်ပေးပါ
  • မွှေးပျံ့သော ငါးဖယ်ကြော်နှပ်လေးကို ထမင်းပူပူလေးနဲ့ သုံးဆောင်ရန် ရပါပြီ။

No comments:

Post a comment